JOHN 11
11
Lazar Li Hüyange Yangeye
1 #
Mk 11.1; Lk 10.38. Sha-a Mary hei Inya Martha ni nyoipu Bethani ching me Lazar she minpu kahta ja dak-e ngoh. 2#Jn 12.3; Lk 7.38; Mk 14.3.Hatüo Mary aowe Youngwanpa te üpi meipu minnga pho hüyange yoi shangmin ne I ya phutte tam, hatüo ü-nao Lazar dakyangki. 3Inya Inao niye Jesute ngaolan shon. “Youngwanpa, ao te nange kennang I daknangki.” 4#Jn 9.3.Aope Jesuwe tüopa jai Iye i, “Hatüo dakpuwe liye shonlak yeje, hüyangpoi hatüowa Kahwang müktishiwalak jingne; hatüo kaiye Kahwang müktishiwa Kahwang Üha me ngaitamlak.”
5Sha-a Jesuwe Martha hüyange Inao, hüyange Lazar lante ken. 6Tüoyangpoi aope Iye Lazar daknangki she jai, I ngohpu nyoi me yelakpe nyih ni nyoi. 7Tüophei me Iye pinlante i, “Teman Judea te leih yehah.” 8#Jn 8.59; 10.31.Pinlanne Ite i, “Rabbi” (konnyüopa), “Hipak üten ja hei taiteki Jehudilanne nangte longe shüpne lükyangki; hüyange nang tüoyete leih yelak a?”
9 #
Jn 9.4; 12.35; Lk 13.33. Jesuwe i: “Nyih ja me ghonda penme ni yeje a? Kahta ja nyihning kemma-a, I yashah yehüoja, hangjingne Iye tüopa kahtoknyu wangngai ngenang. 10Hüyangpoi kahta ja wangnyak me kemma-a I yashah hüonang, hangjingne I me wangngai yenang.”
11 #
Mk 5.39; Lam 7.60. Tüopa ngaoyang phei me Iye hüke paowe i, “Teman shümpa Lazar shiteki; hüyangpoi I shipu mepu loilak jingne Tao tainang.”
12Pinlanne Ite i, “Youngwanpa, I shipune mengma-a, meiye lüokülak üja.” 13I litepu jeng Jesuwe ngao, hüyangpoi Iye shipu wanglam inang she iman-e teih.
14Hüwante Jesuwe imante ngaiye i, “Lazar liteki. 15Hüyangpoi numan jingne Tao I phei yengoh yangpute mongmei nang, tüome nakshih numan-e ütinglak lak. Hüpoi I tangte teman taihah.”
16 #
Mt 10.3; Jn 20.24-28. Thomas, nipet she nyikpupawe, I shümpa pinlante i, “Iphei jamme lilak ne teman-o tai hah.”
Yange Yepu Hüyange Üyin Jesu
17Aope Jesu ngoi, mangkoksa me Lazar mu phei me nyih peli ngoiteiye ngoh. 18Bethani, Jerusalem mepu mile ni nanjing ngoh; 19#Job 2.11.hüyange Jehudilan maawe imni ünao lipu mongyoong meitamlak jingne Mary hei Martha ni tangte peiye ngoh.
20Aope Marthawe Jesu peiküki she jai, I phei hüolak jingne I phette yu; hüyangpoi Mary noksa me ngoh. 21Marthawe Jesute i. “Nang tüome ngohshima-a, Youngwanpa, ü-nao yelihah shepu! 22Hüyangpoi taowe shingnang shaa-o nange hanghe Kahwang mepu yulakei, Iye nangte yahphalak.”
23Jesuwe yha te i, “Nang nao üne-o yange yelak.”
24 #
Dan 12.2; Jn 5.28; Lam 24.15. Martha jan, “Taowe shingnang, üküm nyih me yange yewante I nishe yange yekülak.”
25 #
Jn 1.4; 5.26; Ütah 1.18. Jesuwe yha te i, “Yange yepu hüyange üyinna Tao. Aowe üte üting laklakei I liyapoi üyin ngohlak; 26#Jn 6.47; 8.51.hüyange aoyin üyin ngoh hüyange üte ütinglak aope-o yelilak. Nange tüopate ütinglak ya?”
27 #
Mt 16.16. Yha Ite i, “Eihya, Youngwanpa, kahtoknyu te peilak she ngohpu Kahwang Üha Messiah nang she Taowe ütinglak nang.”
Jesu Shap
28Tüopa ngao iphei me Martha leihye hüyange Inao Mary jünge nyik-e hüke i; “Konnyüopa tüome ngoh nangki, hüyange Iye nangte nyik nangki.” 29Aope Mary tüopa ngao jai I mamshe tümme yong hüyange I phei hüone lai. 30Sha-a Jesu chingte manngai, hüyangpoi Martha phei hüoyangpu nyoi me muh I ngoh. 31I mongmei tamlak jingne Mary phei nok me, ngohpu Jehudilanne Mary-e mamshe tümme taipu aope nge, yha mangjongte shapne lainang she teihyange iman-o woi.
32 #
Jn 11.22. Aope Jesu ngohjing te Mary ngoipei hüyange I nge, I yashong me yha lamme ta hüyange i, “Youngwanpa, nang tüome ngohshihma-a ü-nao yelihahshepu.”
33Aope yha shappu Jesuwe nge, hüyange Jehudilan aoyin yha phei jamme pei iman-o shap, I yaha me yeonge po hüyange shangepei. 34Hüyange Iye iman te i, “Numan-e I ümeken me mu ei?” Iman-e jan,
“Üyongpa, wenne leihu.”
35 #
Lk 19.41. Jesu shap. 36Tüokhei Jehudilanne i, “Leihu Iye hangshin Ite kenpu shi!”
37 #
Jn 9.7. Hüyangpoi ütamme i, “I ümuhma, aowe mükmüopa mük eppe tam; Iye hatüo kahta li ne yetamhah shepu no?”
Jesuwe Lazar Yange Yene Tam
38 #
Mt 27.60; Mk 15.46; Lk 24.2; Jn 20.1. Tüophei me, nishe Jesute powe pei, I mangjong te yu, hüyange mangkoksa-a longe küpyangpu longsa ne ngoh. 39Jesuwe ngaophawe i: “Longkhao nowe wintüoh!” Lipupa ünya Marthawe Ite i, “Youngwanpa, I liphei me nyih peli, shaaji namteiye ngohkülak!” 40Jesuwe yhate i, “Nange ütinglakma-a Kahwang müktishiwapu ngelak üja she Taowe nangte ye i a?”
41 #
Jn 17.1; Mt 11.25. Tüokhei iman-e longkhao nowe win. Jesuwe nganne lei hüyange i: “Opa, nange üte jaipu jingne, Taowe nangte minyongpu pha nangki. 42#Jn 12.30.Taowe shingnang nange jinte üte jainang, hüyangpoi tüome yonge ngohpalan jingne Taowe nang te tüopa ngao inang, hümme nakshih nange Tao shon she iman-e ütinglak lak.”
43Iye tüopa ngao iyangphei me Iye üngwünne nyik, “Lazar, ngaikei!” 44#Jn 19.40; 20.7.Litepu kahta lüowe, ya hei yak me pengkhai nye nyeihyange, hüyange I sheta me nyelümyange ngai. Jesuwe imante i, “Ite lantamtüoh.” “Hüyange taine tam tüoh.”
Jesu Toine Tümpu
(Mt 26.1-5; Mk 14.1,2; Lk 22.1,2)
45Jehudilan maawe Mary phei hüone peipu lanne Jesuwe hanghe ling nge, hüyange Ite ütinglak. 46Hüyangpoi iman yo me ütam Phariseelan tangte leihye hüyange Jesuwe hanghe ling imante i. 47Tüokhei Phariseelan hüyange ngengpa üjenglan, ngao ipalan phei jamshe jem hüyange i: “Teman-e hang linglak shi? Hatüo kahtawe kahnyingwüngha füo üshei lingnangki! 48Teman-e I hüke angne tamma-a, kahta liliye Ite ütinglak lakyang, hüyange Rome lan peiye teman nyoi hüyange teman kahtok meng phalak.”
49 #
Mt 26.3. Hüpoi Kaifas she minpu, iman yo me ja, tüopa wang Ütahpa Ngengpa ne mengpu pawe hüke i: “Numan-e hango yeshingpu yang! 50Hüyange numan jat üshei mahpu phei-a, kahtalan jingne kahta ja lipu numan jingne shemeipu she numan-e yeteih.”
51Hatüo ngao Iye mongpu shaha me ipu ne yeje; hüyangpoi tüopa wang I ütahpa ngengpa ne menge, jat hei li jingne Jesu lilak yang, 52#Jn 10.16; 17.21.hüyange jat hei li shaha yeje, hüpoi yanne ngohpu Kahwang halan Iye shaijemlak jingne Iye tüopa hi-ngao ngaoyangki. 53Tüokhei tüonyih memuh Jehudilanne I toilak kon yam.
54Tüokhei Judea me Jesu Jehudilan yome ütahte ngaiye yekem ok, hüyangpoi tüohyange Ephraim she minpu wanwüng nyoijing ja te I tai, hatüo me pinlan phei I ngoh.
55 #
Mt 26.1; Mk 14.1; Lk 22.1; Jn 13.1. Jehudilan Yinyepu mo owe pei, hüyange yoi kahtok mepu kahtalan maawe, mo sheshao me jaopu mo linglak jingne Jerusalem te tai. 56#Jn 7.11.Iman-e Jesu lei, hüyange iman khümjing me jemwante hüke teingaowe i, “Nange hangke teihnangki? Ütingme I tüopa mo te yepei külak heiya peiya lak?” 57Ngengpa üjenglan hüyange Phariseelan ütamme Jesu ngohjing shingma-a Iye mamshe ngao phatüoh, hüyange I pholak she ngao phawe i.
सध्या निवडलेले:
JOHN 11: KONYBSI
ठळक
सामायिक करा
कॉपी करा
तुमचे हायलाइट तुमच्या सर्व डिव्हाइसेसवर सेव्ह करायचे आहेत? साइन अप किंवा साइन इन
Konyak Naga Bible - ÜJAO LAITEP
Copyright © 2011 by The Bible Society of India
Used by permission. All rights reserved worldwide.
JOHN 11
11
Lazar Li Hüyange Yangeye
1 #
Mk 11.1; Lk 10.38. Sha-a Mary hei Inya Martha ni nyoipu Bethani ching me Lazar she minpu kahta ja dak-e ngoh. 2#Jn 12.3; Lk 7.38; Mk 14.3.Hatüo Mary aowe Youngwanpa te üpi meipu minnga pho hüyange yoi shangmin ne I ya phutte tam, hatüo ü-nao Lazar dakyangki. 3Inya Inao niye Jesute ngaolan shon. “Youngwanpa, ao te nange kennang I daknangki.” 4#Jn 9.3.Aope Jesuwe tüopa jai Iye i, “Hatüo dakpuwe liye shonlak yeje, hüyangpoi hatüowa Kahwang müktishiwalak jingne; hatüo kaiye Kahwang müktishiwa Kahwang Üha me ngaitamlak.”
5Sha-a Jesuwe Martha hüyange Inao, hüyange Lazar lante ken. 6Tüoyangpoi aope Iye Lazar daknangki she jai, I ngohpu nyoi me yelakpe nyih ni nyoi. 7Tüophei me Iye pinlante i, “Teman Judea te leih yehah.” 8#Jn 8.59; 10.31.Pinlanne Ite i, “Rabbi” (konnyüopa), “Hipak üten ja hei taiteki Jehudilanne nangte longe shüpne lükyangki; hüyange nang tüoyete leih yelak a?”
9 #
Jn 9.4; 12.35; Lk 13.33. Jesuwe i: “Nyih ja me ghonda penme ni yeje a? Kahta ja nyihning kemma-a, I yashah yehüoja, hangjingne Iye tüopa kahtoknyu wangngai ngenang. 10Hüyangpoi kahta ja wangnyak me kemma-a I yashah hüonang, hangjingne I me wangngai yenang.”
11 #
Mk 5.39; Lam 7.60. Tüopa ngaoyang phei me Iye hüke paowe i, “Teman shümpa Lazar shiteki; hüyangpoi I shipu mepu loilak jingne Tao tainang.”
12Pinlanne Ite i, “Youngwanpa, I shipune mengma-a, meiye lüokülak üja.” 13I litepu jeng Jesuwe ngao, hüyangpoi Iye shipu wanglam inang she iman-e teih.
14Hüwante Jesuwe imante ngaiye i, “Lazar liteki. 15Hüyangpoi numan jingne Tao I phei yengoh yangpute mongmei nang, tüome nakshih numan-e ütinglak lak. Hüpoi I tangte teman taihah.”
16 #
Mt 10.3; Jn 20.24-28. Thomas, nipet she nyikpupawe, I shümpa pinlante i, “Iphei jamme lilak ne teman-o tai hah.”
Yange Yepu Hüyange Üyin Jesu
17Aope Jesu ngoi, mangkoksa me Lazar mu phei me nyih peli ngoiteiye ngoh. 18Bethani, Jerusalem mepu mile ni nanjing ngoh; 19#Job 2.11.hüyange Jehudilan maawe imni ünao lipu mongyoong meitamlak jingne Mary hei Martha ni tangte peiye ngoh.
20Aope Marthawe Jesu peiküki she jai, I phei hüolak jingne I phette yu; hüyangpoi Mary noksa me ngoh. 21Marthawe Jesute i. “Nang tüome ngohshima-a, Youngwanpa, ü-nao yelihah shepu! 22Hüyangpoi taowe shingnang shaa-o nange hanghe Kahwang mepu yulakei, Iye nangte yahphalak.”
23Jesuwe yha te i, “Nang nao üne-o yange yelak.”
24 #
Dan 12.2; Jn 5.28; Lam 24.15. Martha jan, “Taowe shingnang, üküm nyih me yange yewante I nishe yange yekülak.”
25 #
Jn 1.4; 5.26; Ütah 1.18. Jesuwe yha te i, “Yange yepu hüyange üyinna Tao. Aowe üte üting laklakei I liyapoi üyin ngohlak; 26#Jn 6.47; 8.51.hüyange aoyin üyin ngoh hüyange üte ütinglak aope-o yelilak. Nange tüopate ütinglak ya?”
27 #
Mt 16.16. Yha Ite i, “Eihya, Youngwanpa, kahtoknyu te peilak she ngohpu Kahwang Üha Messiah nang she Taowe ütinglak nang.”
Jesu Shap
28Tüopa ngao iphei me Martha leihye hüyange Inao Mary jünge nyik-e hüke i; “Konnyüopa tüome ngoh nangki, hüyange Iye nangte nyik nangki.” 29Aope Mary tüopa ngao jai I mamshe tümme yong hüyange I phei hüone lai. 30Sha-a Jesu chingte manngai, hüyangpoi Martha phei hüoyangpu nyoi me muh I ngoh. 31I mongmei tamlak jingne Mary phei nok me, ngohpu Jehudilanne Mary-e mamshe tümme taipu aope nge, yha mangjongte shapne lainang she teihyange iman-o woi.
32 #
Jn 11.22. Aope Jesu ngohjing te Mary ngoipei hüyange I nge, I yashong me yha lamme ta hüyange i, “Youngwanpa, nang tüome ngohshihma-a ü-nao yelihahshepu.”
33Aope yha shappu Jesuwe nge, hüyange Jehudilan aoyin yha phei jamme pei iman-o shap, I yaha me yeonge po hüyange shangepei. 34Hüyange Iye iman te i, “Numan-e I ümeken me mu ei?” Iman-e jan,
“Üyongpa, wenne leihu.”
35 #
Lk 19.41. Jesu shap. 36Tüokhei Jehudilanne i, “Leihu Iye hangshin Ite kenpu shi!”
37 #
Jn 9.7. Hüyangpoi ütamme i, “I ümuhma, aowe mükmüopa mük eppe tam; Iye hatüo kahta li ne yetamhah shepu no?”
Jesuwe Lazar Yange Yene Tam
38 #
Mt 27.60; Mk 15.46; Lk 24.2; Jn 20.1. Tüophei me, nishe Jesute powe pei, I mangjong te yu, hüyange mangkoksa-a longe küpyangpu longsa ne ngoh. 39Jesuwe ngaophawe i: “Longkhao nowe wintüoh!” Lipupa ünya Marthawe Ite i, “Youngwanpa, I liphei me nyih peli, shaaji namteiye ngohkülak!” 40Jesuwe yhate i, “Nange ütinglakma-a Kahwang müktishiwapu ngelak üja she Taowe nangte ye i a?”
41 #
Jn 17.1; Mt 11.25. Tüokhei iman-e longkhao nowe win. Jesuwe nganne lei hüyange i: “Opa, nange üte jaipu jingne, Taowe nangte minyongpu pha nangki. 42#Jn 12.30.Taowe shingnang nange jinte üte jainang, hüyangpoi tüome yonge ngohpalan jingne Taowe nang te tüopa ngao inang, hümme nakshih nange Tao shon she iman-e ütinglak lak.”
43Iye tüopa ngao iyangphei me Iye üngwünne nyik, “Lazar, ngaikei!” 44#Jn 19.40; 20.7.Litepu kahta lüowe, ya hei yak me pengkhai nye nyeihyange, hüyange I sheta me nyelümyange ngai. Jesuwe imante i, “Ite lantamtüoh.” “Hüyange taine tam tüoh.”
Jesu Toine Tümpu
(Mt 26.1-5; Mk 14.1,2; Lk 22.1,2)
45Jehudilan maawe Mary phei hüone peipu lanne Jesuwe hanghe ling nge, hüyange Ite ütinglak. 46Hüyangpoi iman yo me ütam Phariseelan tangte leihye hüyange Jesuwe hanghe ling imante i. 47Tüokhei Phariseelan hüyange ngengpa üjenglan, ngao ipalan phei jamshe jem hüyange i: “Teman-e hang linglak shi? Hatüo kahtawe kahnyingwüngha füo üshei lingnangki! 48Teman-e I hüke angne tamma-a, kahta liliye Ite ütinglak lakyang, hüyange Rome lan peiye teman nyoi hüyange teman kahtok meng phalak.”
49 #
Mt 26.3. Hüpoi Kaifas she minpu, iman yo me ja, tüopa wang Ütahpa Ngengpa ne mengpu pawe hüke i: “Numan-e hango yeshingpu yang! 50Hüyange numan jat üshei mahpu phei-a, kahtalan jingne kahta ja lipu numan jingne shemeipu she numan-e yeteih.”
51Hatüo ngao Iye mongpu shaha me ipu ne yeje; hüyangpoi tüopa wang I ütahpa ngengpa ne menge, jat hei li jingne Jesu lilak yang, 52#Jn 10.16; 17.21.hüyange jat hei li shaha yeje, hüpoi yanne ngohpu Kahwang halan Iye shaijemlak jingne Iye tüopa hi-ngao ngaoyangki. 53Tüokhei tüonyih memuh Jehudilanne I toilak kon yam.
54Tüokhei Judea me Jesu Jehudilan yome ütahte ngaiye yekem ok, hüyangpoi tüohyange Ephraim she minpu wanwüng nyoijing ja te I tai, hatüo me pinlan phei I ngoh.
55 #
Mt 26.1; Mk 14.1; Lk 22.1; Jn 13.1. Jehudilan Yinyepu mo owe pei, hüyange yoi kahtok mepu kahtalan maawe, mo sheshao me jaopu mo linglak jingne Jerusalem te tai. 56#Jn 7.11.Iman-e Jesu lei, hüyange iman khümjing me jemwante hüke teingaowe i, “Nange hangke teihnangki? Ütingme I tüopa mo te yepei külak heiya peiya lak?” 57Ngengpa üjenglan hüyange Phariseelan ütamme Jesu ngohjing shingma-a Iye mamshe ngao phatüoh, hüyange I pholak she ngao phawe i.
सध्या निवडलेले:
:
ठळक
सामायिक करा
कॉपी करा
तुमचे हायलाइट तुमच्या सर्व डिव्हाइसेसवर सेव्ह करायचे आहेत? साइन अप किंवा साइन इन
Konyak Naga Bible - ÜJAO LAITEP
Copyright © 2011 by The Bible Society of India
Used by permission. All rights reserved worldwide.