LUK 22
22
Judaswe Jesu Lo Ne Mongpu
(Mt 26.1-16; Mk 14.1-11; Jn 11.45-53)
1 #
Mt 26.2-5; Mk 14.1-2; Jn 11.47-53. Sha-a do yenyütpu an mo, hanghepa te Yinyepu Mo she nyikyapeih tüopa mo owe pei. 2Ngengpalan hüyange ngaokeng konnyüopalan ne Jesu toilak ülam lowe yam; hangjingne kahtalan te iman nyam.
3Hüwante Iskariot she nyikpu Judas, pinlan pen-me-ni yome ja te kahshih ong. 4Tüokhei ngengpa hei yopnok yompu üyonglan tangte Judas taiye, iman yakme Jesu phünne phapu oklak ngao i. 5#Mt 26.14-16; Mk 14.10-11; Jn 13.2.Hüyange iman yeonge mongmei, hüyange Ite ngin phalak jingne tümme ngao. 6Judaswe tüopa ngao mongte onge yah hüyange kahtalan te tüopa jeng shingne yetampe imante Jesu phowe phalak hipak ümei Iye leiye ngoh.
Ükümpa Mo
(Mt 26.17-25; Mk 14.12-21; Jn 13.21-30)
7 #
Mt 26.17-19; Mk 14.12-16. #Woi 12.18-20; Hin 16.5-8.Tüopa nyih do yenyütpu an mo hüyange Yinyepu mo jingne nyeeha toipu nyih ne pei. 8#Lam 3.1; Lk 19.29.Jesuwe Peter hei John nite tüopa ngao iye shon: “Taitüoh hüyange teman-e hahlak jingne yinyepu mo tümtüoh.” 9Imniye Ite tong, “Toman-e üme kenme tümne tamhunangki?” 10Iye imante jan; “Jaitehu! Numan chingnyu te ngoipu phei jam jamshe yengtük kiyange kahta ja hüolak. I pheite woiye I ngoipu nokte ongtüoh; 11hüyange nokpupa te hüke itüoh: ‘Konnyüopawe nangte hüke ipu üja: ü pinlan hüyange Taowe Yinyepu mo hahlak nyoi üme ngoh nangki?’ 12Iye yeonge meiye tümyangpu nok ütokpa nyoi hüophalak; tüoken me numan-e lampheli tümlak.” 13Iman yanne tai hüyange Jesuwe iyangpu kih lamphe li tüo, hüyange Yinyepu mo tüm.
Youngwanpa Mo
(Mt 26.26-30; Mk 14.22-26; 1 Kor 11.23-25)
14 #
Mt 26.20; Mk 14.17; Jn 13.17. Aope hipak ngoipei, pinlan phei Jesuwe yoi nyoijing khao me shot. 15#Lk 12.49-50.Hüyange Iye imante i: “Tao shange pongshao me numan phei tüopa Yinyepu mo teshinne hahhu! 16#Lk 14.15.Hangjingne Taowe numante tüo ngao inang, Kahwang ahngching me hatüopa ütahte manngai manngai Taowe tüopa mo yehahlak;” 17#Mt 26.27; Mk 14.23; 1 Kor 10.16.Tüophei me Jesuwe wan ja yah, Kahwang te minyong pha, hüyange Iye i, “Tüopa yahtüoh hüyange numan teitamyah; 18#Mt 26.29; Mk 14.25.hangjingne Taowe numante inang Kahwang ahngching manpei manpei sha-a me peiye Taowe tüopa wulick yeng yeyinglak.” 19#Mt 26.26; Mk 14.22; 1 Kor 10.16; 11.23-26; Lk 9.16.Tüophei me Iye an yah, Kahwangte minyong pha, tüopa khoih, hüyange imante hüke iye pha, “Hatüowa numan jingne phapu ü-püm. Tao teihtüowe tüopa jontüoh.” 20Tüokih-e muh hah phei me Iye imante wan phayange hüke i, “Tüopa wan-a ü-iy me jiengjeppu üla ngohnang, hanghepa numan jingne shai.”
21 #
Mt 26.21-24; Mk 14.18-21; Tüo 41.9; Jn 13.21-30. “Hüpoi leihu, ao yakke Tao lowe tam, Iya ü-phei khao me jamme ngohnang! 22Hangjingne Kahwange tümyangpukih, Kahta Üha lilak; hüpoi I lowe tampupa jingne hangshin yemeipu!” 23Tüophei me tüopa linglak jingne iman yo me ao ngailak she iman teitongne ükong wang.
Üyongpane Menglak Moppu
24 #
Lk 9.46; Mk 9.34. Iman yo me ao üyongpa ne menglak she pinlan yo me teingaowe mop ngai. 25#Mt 20.25-28; Mk 10.42-45; Jn 13.3-16.Hüwante Jesuwe imante i: “Tüopa kahtoknyu ahnglan-e, iman pinnyuha tangme wong ngohnang, hüyange wanglamlampa lante pinnyuha shempalan she nyik nang. 26#Lk 9.48.Hüpoi numan jingne tüopa ne yeje, hüleima, numan yo mepu üyongpa-a üjoipa leye ngohyah, hüyange woipa-a shaoshanpa ja leye ngohlak. 27Hüma-a ao üyongpa ne menglak, khao me hahne shotpupa heiya namnowe Ite phapupa? Khao me shotpupa muh üyongpa. Hüpoi aowe namnowe pha, tüopa leye Tao numan phei ngoh nang.”
28 #
Mt 19.28. #Lk 4.13; Heb 2.18; 4.15.Üte shangne tampu hipak lili me numan ü-phei ngohyangki. 29#Mk 14.24; Heb 9.20.Hüyange üpawe wanglam lamlak wong phapu kih-e, taowe numan phei hükih-e teimongpu linglak. 30#Mk 10.37; Ütah 3.21; 20.4.Ü-ahngching phongshong khao me numan hahlak hüyange yinglak, hüyange Israel jat penme ni ngao phünlak jingne ahngpa shotjing me numan shotlak.
Peterwe Yejanlak Jesuwe Itpu
(Mt 26.31-35; Mk 14.27-31; Jn 13.36-38)
31 #
Job 1.6-12; Amos 9.9. “Simon, Simon! Jaiyah! Kahhampawe üphan mepu tahlick lepukih, numan üshei te toklak jingne satanne wong yahteki. 32#Jn 17.15; 21.15-17.Hüyangpoi Simon, nang ütinglakpu mepu ye-okpu ye-ngetamlak jingne Taowe nang jingne yopyangki. Hüyange aope ü-tangte lüppe yelakei, nange nang jeinaolan wongnange tamlak.” 33#Mt 26.33-35; Mk 14.29-31; Jn 13.37-38.Hüpoi Peterwe jan, “Youngwanpa, küpnok ngoiye nangphei tailak hüyange lilak jingne tao tümyange ngoh nang!” 34“Jesuwe jan, Taowe iphaning Peter,” “Nange lümme Tao yeshing she manjan manjan tenyih awha yekolak.”
35 #
Lk 10.4; Mt 10.9. Tüophei me Jesuwe imante i, “Aope Taowe numan ngin-nyekhok, nyekhok, yejema-a yashom yenangpe tei, numan ülam jawe nehoi yewangpe ngohya shi?” Iman-e jan, “Yewangpe hango yenang ei.” 36#Lk 22.49-50.Jesuwe i, “Hüpoi sha-a, aome ngin-nyekhok yejema-a nyekhok ngoh ngaitüoh; hüyange aoyinne yanglow yenang iman-e yoi phakshaoh yaoyange hüyange ja shaktüoh. 37#Isa 53.12.Hangjingne Taowe numante tüo inang Laishipa me tüo inang, ‘I-o ümeng lingpalan phei om,’ tüopa ütingme üte ngailak. Hangjingne üjingne hanghepa nyan ütingme ngaiteki.” 38Pinlanne i, “Youngwanpa, leihu! Tüome yanglow ni ngohnang,” hüwante Iye jan, “Hatüowe wangpu!”
Olive Kahtangme Jesuwe Yop
(Mt 26.36-46; Mk 14.32-42)
39 #
Mt 26.30; Mk 14.26; Jn 18.1. Jesuwe chingnyu tüohyange I wanglamke Olive Kahtang te ong; hüyange pinlan I pheite woi. 40#Mt 26.36-46; Mk 14.32-42; Heb 5.7-8. #Lk 11.4.Hüyange aope nyoijing te I pei Iye imante i, “Ütuh me yeyeilak jingne numan-e yoptüoh.” 41Tüophei me iman mepu I shejai she taiye yatuh shingyange yop. 42#Mk 10.38; Jn 18.11; 5.30.“Opa,” Iye i, “Nange mongma-a, ü-mepu tüopa wan yahtepha. Hüke jeyapoi, ümongne yeje, hüpoi nange mongpu lingpha.” 43Hüwante I tangte wangdang shongmokpa pei hüyange wong nange tam. 44Hüyange yeonge innyaiye mongkhah ngaipu phei Iye yop; hüyange I mepu ngaipu wanglüm iy sehpukih-e ngaiye kahtokte yei.#Lai ülang ütamme üleng 43 hei 44 yenang.
45Hüyange aope I yoppu sho, hüyange pinlan tangte I leihye, hüyangpoi jamloi mongmengpu kaiye iman shiye ngohpu nge. 46Hüyange Iye imante i, “Hangne numan shiye ngohpu shi? Lüotüoh hüyange numan ütuh me yeyeilak jingne yoptüoh.”
Jesu Lowetam Hüyange Phopu
(Mt 26.47-56; Mk 14.43-50; Jn 18.3-11)
47 #
Mt 26.47-56; Mk 14.43-49; Jn 18.3-11. Aope I yelakpe ngaowe ngohyapeih hüwante ükhong owe pei, hüyange Judas she minpu pinlan penme ni yo mepu jawe woiyange pei, hüyange Jesu phei hüone I shaoyete kemme pei hüyange Ite omhüp. 48Hüpoi Jesuwe i, “Judas, ütingme om ja me hüppu kaiye nange Kahta Üha yüopu a?” 49#Lk 22.38.Aope Jesu phei ngohpu pinlanne, hanghe ngailak iman-e nge, hüyange hüke i, “Youngwanpa, toman yanglow phei lük hahyao!” 50Hüyange iman yomepu shejawe ngengpa ütah rhapa te lük hüyange I yakjah ye na lange win. 51Hüpoi Jesuwe janne i, “Hükihpu shaaji ülinglak!” Hüyange Iye tüopa kahtapa nate jon hüyange meiye tam.
52Tüophei me I pho ne peipu ütahpa ngengpalan hüyange khümjing tepu nyanpa ütahlan hüyange jeiyonglan te Jesuwe hüke i: “Kuhpa ja phei tüi-e yongpu kih-e, yanglow hei peshüm phei numan peipu a? 53#Lk 19.47.Aope Tao numan phei khümjing me nyih jeih she ngoh, numan-e üte yak yele. Hüpoi tüopa-a numan hipak hüyange wangnyak wong.”
Peterwe Jesu Yejanpu
(Mt 26.57,58,69-75; Mk 14.53-54,66-72; Jn 18.12-18,25-27)
54 #
Mt 26.57-58; Mk 14.53-54; Jn 18.12-16. Tüophei me iman-e Jesu pho hüyange ngengpa ütahpa nok te woiye pei; hüyange Peter-o üjai me woi. 55Nokshao longkon hotan me vün jak, Peter peiye tüome vünlüm meiye ngohpalan phei jamme shot. 56#Mt 26.69-75; Mk 14.66-72; Jn 18.16-18,25-27.Aope shaoshannyu jawe I-o vünlüm meiye shotte nge, Iye tingkhakke Ite lei hüyange i, “Tüopa kahta-o I phei ngohyangpu üja!” 57Hüpoi Peterwe tüote lan: “Sheko, taowe I yeshing!” 58Kenja ngohyang phei me kahta jawe I shinge pei hüyange i, “Nango iman yo me ja üja!” Hüpoi Peterwe janne i, “Kahta, tao yeje!” 59Hüyange ghonda ja nanjing ngohyang phei me kahta jawe Ite yeonge kange i: “Tüopa kahta I phei ye-ngoh ja she ilak hangte-o nüngneilak yenangja, hangjingne I-o Galilee mepu!” 60Hüpoi Peterwe janne i, “Kahta, nange hanghe jeng ngaoyapeih taowe yeshing!” Mokhshe, I ngaopu manlakpe ngohwante awha ko. 61#Lk 7.13; 22.34.Youngwanpa lüppe ye hüyange Peterte tingkhakke lei, hüyange Youngwanpawe ngaoyangpu Peterwe teihpei, “Teya awha ka shaome nange lümme Tao yeshing she ilak.” 62Peter nokshaote yu hüyange yeonge ükhah ngaiye shap.
Yompalan-e Jesute Phoi
(Mt 26.67-68; Mk 14.65)
63 #
Mt 26.67-68; Mk 14.65; Jn 18.22-24. Sha-a Jesu neikonne ngohpu yompalanne Ite phoitam hüyange Ite shet. 64Iman-e I mük büangne tam hüyange hüke i, “Aowe nangte shetnangki, itehu!” 65Hüyange Ite yaolepu ülao ngao maawe iman-e i.
Ngengtüp Sheshaome Jesu
(Mt 26.59-66; Mk 14.55-64; Jn 18.19-24)
66 #
Mt 26.57; Mk 14.53; Lk 22.54. Aope wanghe ong, Jehudi jeiyonglan, ütahpa ngengpalan, hüyange ngaokeng nyüopalan jemmeta, hüyange iman jemjing me Jesu woipei. 67#Mt 26.63-66; Mk 14.61-64; Jn 18.19-21.Iman-e i, “Tomante ipha,” “Nanga Messiah a?” Iye janne i: “Taowe numante ima-a, numan-e üte üting yelaklak, 68hüyange Taowe numante ngaoja tongma-a numan-e üte minjan ja. 69Hüpoi sha-a me peiye Kahta Üha wongnangpupa Kahwang yak jah yeme shotlak.” 70Hüwante iman üsheiye i, “Hüma-a, nanga Kahwang üha a?” Iye imante janne i, “Numan-e Tao üja she ipu shunang.”
71Hüyange iman-e i, “Teman-e ülao saki wongpong ne yeje; I nying nyingke yoi ju me ngaopu teman-e muh jaiyangki!”
सध्या निवडलेले:
LUK 22: KONYBSI
ठळक
सामायिक करा
कॉपी करा
तुमचे हायलाइट तुमच्या सर्व डिव्हाइसेसवर सेव्ह करायचे आहेत? साइन अप किंवा साइन इन
Konyak Naga Bible - ÜJAO LAITEP
Copyright © 2011 by The Bible Society of India
Used by permission. All rights reserved worldwide.
LUK 22
22
Judaswe Jesu Lo Ne Mongpu
(Mt 26.1-16; Mk 14.1-11; Jn 11.45-53)
1 #
Mt 26.2-5; Mk 14.1-2; Jn 11.47-53. Sha-a do yenyütpu an mo, hanghepa te Yinyepu Mo she nyikyapeih tüopa mo owe pei. 2Ngengpalan hüyange ngaokeng konnyüopalan ne Jesu toilak ülam lowe yam; hangjingne kahtalan te iman nyam.
3Hüwante Iskariot she nyikpu Judas, pinlan pen-me-ni yome ja te kahshih ong. 4Tüokhei ngengpa hei yopnok yompu üyonglan tangte Judas taiye, iman yakme Jesu phünne phapu oklak ngao i. 5#Mt 26.14-16; Mk 14.10-11; Jn 13.2.Hüyange iman yeonge mongmei, hüyange Ite ngin phalak jingne tümme ngao. 6Judaswe tüopa ngao mongte onge yah hüyange kahtalan te tüopa jeng shingne yetampe imante Jesu phowe phalak hipak ümei Iye leiye ngoh.
Ükümpa Mo
(Mt 26.17-25; Mk 14.12-21; Jn 13.21-30)
7 #
Mt 26.17-19; Mk 14.12-16. #Woi 12.18-20; Hin 16.5-8.Tüopa nyih do yenyütpu an mo hüyange Yinyepu mo jingne nyeeha toipu nyih ne pei. 8#Lam 3.1; Lk 19.29.Jesuwe Peter hei John nite tüopa ngao iye shon: “Taitüoh hüyange teman-e hahlak jingne yinyepu mo tümtüoh.” 9Imniye Ite tong, “Toman-e üme kenme tümne tamhunangki?” 10Iye imante jan; “Jaitehu! Numan chingnyu te ngoipu phei jam jamshe yengtük kiyange kahta ja hüolak. I pheite woiye I ngoipu nokte ongtüoh; 11hüyange nokpupa te hüke itüoh: ‘Konnyüopawe nangte hüke ipu üja: ü pinlan hüyange Taowe Yinyepu mo hahlak nyoi üme ngoh nangki?’ 12Iye yeonge meiye tümyangpu nok ütokpa nyoi hüophalak; tüoken me numan-e lampheli tümlak.” 13Iman yanne tai hüyange Jesuwe iyangpu kih lamphe li tüo, hüyange Yinyepu mo tüm.
Youngwanpa Mo
(Mt 26.26-30; Mk 14.22-26; 1 Kor 11.23-25)
14 #
Mt 26.20; Mk 14.17; Jn 13.17. Aope hipak ngoipei, pinlan phei Jesuwe yoi nyoijing khao me shot. 15#Lk 12.49-50.Hüyange Iye imante i: “Tao shange pongshao me numan phei tüopa Yinyepu mo teshinne hahhu! 16#Lk 14.15.Hangjingne Taowe numante tüo ngao inang, Kahwang ahngching me hatüopa ütahte manngai manngai Taowe tüopa mo yehahlak;” 17#Mt 26.27; Mk 14.23; 1 Kor 10.16.Tüophei me Jesuwe wan ja yah, Kahwang te minyong pha, hüyange Iye i, “Tüopa yahtüoh hüyange numan teitamyah; 18#Mt 26.29; Mk 14.25.hangjingne Taowe numante inang Kahwang ahngching manpei manpei sha-a me peiye Taowe tüopa wulick yeng yeyinglak.” 19#Mt 26.26; Mk 14.22; 1 Kor 10.16; 11.23-26; Lk 9.16.Tüophei me Iye an yah, Kahwangte minyong pha, tüopa khoih, hüyange imante hüke iye pha, “Hatüowa numan jingne phapu ü-püm. Tao teihtüowe tüopa jontüoh.” 20Tüokih-e muh hah phei me Iye imante wan phayange hüke i, “Tüopa wan-a ü-iy me jiengjeppu üla ngohnang, hanghepa numan jingne shai.”
21 #
Mt 26.21-24; Mk 14.18-21; Tüo 41.9; Jn 13.21-30. “Hüpoi leihu, ao yakke Tao lowe tam, Iya ü-phei khao me jamme ngohnang! 22Hangjingne Kahwange tümyangpukih, Kahta Üha lilak; hüpoi I lowe tampupa jingne hangshin yemeipu!” 23Tüophei me tüopa linglak jingne iman yo me ao ngailak she iman teitongne ükong wang.
Üyongpane Menglak Moppu
24 #
Lk 9.46; Mk 9.34. Iman yo me ao üyongpa ne menglak she pinlan yo me teingaowe mop ngai. 25#Mt 20.25-28; Mk 10.42-45; Jn 13.3-16.Hüwante Jesuwe imante i: “Tüopa kahtoknyu ahnglan-e, iman pinnyuha tangme wong ngohnang, hüyange wanglamlampa lante pinnyuha shempalan she nyik nang. 26#Lk 9.48.Hüpoi numan jingne tüopa ne yeje, hüleima, numan yo mepu üyongpa-a üjoipa leye ngohyah, hüyange woipa-a shaoshanpa ja leye ngohlak. 27Hüma-a ao üyongpa ne menglak, khao me hahne shotpupa heiya namnowe Ite phapupa? Khao me shotpupa muh üyongpa. Hüpoi aowe namnowe pha, tüopa leye Tao numan phei ngoh nang.”
28 #
Mt 19.28. #Lk 4.13; Heb 2.18; 4.15.Üte shangne tampu hipak lili me numan ü-phei ngohyangki. 29#Mk 14.24; Heb 9.20.Hüyange üpawe wanglam lamlak wong phapu kih-e, taowe numan phei hükih-e teimongpu linglak. 30#Mk 10.37; Ütah 3.21; 20.4.Ü-ahngching phongshong khao me numan hahlak hüyange yinglak, hüyange Israel jat penme ni ngao phünlak jingne ahngpa shotjing me numan shotlak.
Peterwe Yejanlak Jesuwe Itpu
(Mt 26.31-35; Mk 14.27-31; Jn 13.36-38)
31 #
Job 1.6-12; Amos 9.9. “Simon, Simon! Jaiyah! Kahhampawe üphan mepu tahlick lepukih, numan üshei te toklak jingne satanne wong yahteki. 32#Jn 17.15; 21.15-17.Hüyangpoi Simon, nang ütinglakpu mepu ye-okpu ye-ngetamlak jingne Taowe nang jingne yopyangki. Hüyange aope ü-tangte lüppe yelakei, nange nang jeinaolan wongnange tamlak.” 33#Mt 26.33-35; Mk 14.29-31; Jn 13.37-38.Hüpoi Peterwe jan, “Youngwanpa, küpnok ngoiye nangphei tailak hüyange lilak jingne tao tümyange ngoh nang!” 34“Jesuwe jan, Taowe iphaning Peter,” “Nange lümme Tao yeshing she manjan manjan tenyih awha yekolak.”
35 #
Lk 10.4; Mt 10.9. Tüophei me Jesuwe imante i, “Aope Taowe numan ngin-nyekhok, nyekhok, yejema-a yashom yenangpe tei, numan ülam jawe nehoi yewangpe ngohya shi?” Iman-e jan, “Yewangpe hango yenang ei.” 36#Lk 22.49-50.Jesuwe i, “Hüpoi sha-a, aome ngin-nyekhok yejema-a nyekhok ngoh ngaitüoh; hüyange aoyinne yanglow yenang iman-e yoi phakshaoh yaoyange hüyange ja shaktüoh. 37#Isa 53.12.Hangjingne Taowe numante tüo inang Laishipa me tüo inang, ‘I-o ümeng lingpalan phei om,’ tüopa ütingme üte ngailak. Hangjingne üjingne hanghepa nyan ütingme ngaiteki.” 38Pinlanne i, “Youngwanpa, leihu! Tüome yanglow ni ngohnang,” hüwante Iye jan, “Hatüowe wangpu!”
Olive Kahtangme Jesuwe Yop
(Mt 26.36-46; Mk 14.32-42)
39 #
Mt 26.30; Mk 14.26; Jn 18.1. Jesuwe chingnyu tüohyange I wanglamke Olive Kahtang te ong; hüyange pinlan I pheite woi. 40#Mt 26.36-46; Mk 14.32-42; Heb 5.7-8. #Lk 11.4.Hüyange aope nyoijing te I pei Iye imante i, “Ütuh me yeyeilak jingne numan-e yoptüoh.” 41Tüophei me iman mepu I shejai she taiye yatuh shingyange yop. 42#Mk 10.38; Jn 18.11; 5.30.“Opa,” Iye i, “Nange mongma-a, ü-mepu tüopa wan yahtepha. Hüke jeyapoi, ümongne yeje, hüpoi nange mongpu lingpha.” 43Hüwante I tangte wangdang shongmokpa pei hüyange wong nange tam. 44Hüyange yeonge innyaiye mongkhah ngaipu phei Iye yop; hüyange I mepu ngaipu wanglüm iy sehpukih-e ngaiye kahtokte yei.#Lai ülang ütamme üleng 43 hei 44 yenang.
45Hüyange aope I yoppu sho, hüyange pinlan tangte I leihye, hüyangpoi jamloi mongmengpu kaiye iman shiye ngohpu nge. 46Hüyange Iye imante i, “Hangne numan shiye ngohpu shi? Lüotüoh hüyange numan ütuh me yeyeilak jingne yoptüoh.”
Jesu Lowetam Hüyange Phopu
(Mt 26.47-56; Mk 14.43-50; Jn 18.3-11)
47 #
Mt 26.47-56; Mk 14.43-49; Jn 18.3-11. Aope I yelakpe ngaowe ngohyapeih hüwante ükhong owe pei, hüyange Judas she minpu pinlan penme ni yo mepu jawe woiyange pei, hüyange Jesu phei hüone I shaoyete kemme pei hüyange Ite omhüp. 48Hüpoi Jesuwe i, “Judas, ütingme om ja me hüppu kaiye nange Kahta Üha yüopu a?” 49#Lk 22.38.Aope Jesu phei ngohpu pinlanne, hanghe ngailak iman-e nge, hüyange hüke i, “Youngwanpa, toman yanglow phei lük hahyao!” 50Hüyange iman yomepu shejawe ngengpa ütah rhapa te lük hüyange I yakjah ye na lange win. 51Hüpoi Jesuwe janne i, “Hükihpu shaaji ülinglak!” Hüyange Iye tüopa kahtapa nate jon hüyange meiye tam.
52Tüophei me I pho ne peipu ütahpa ngengpalan hüyange khümjing tepu nyanpa ütahlan hüyange jeiyonglan te Jesuwe hüke i: “Kuhpa ja phei tüi-e yongpu kih-e, yanglow hei peshüm phei numan peipu a? 53#Lk 19.47.Aope Tao numan phei khümjing me nyih jeih she ngoh, numan-e üte yak yele. Hüpoi tüopa-a numan hipak hüyange wangnyak wong.”
Peterwe Jesu Yejanpu
(Mt 26.57,58,69-75; Mk 14.53-54,66-72; Jn 18.12-18,25-27)
54 #
Mt 26.57-58; Mk 14.53-54; Jn 18.12-16. Tüophei me iman-e Jesu pho hüyange ngengpa ütahpa nok te woiye pei; hüyange Peter-o üjai me woi. 55Nokshao longkon hotan me vün jak, Peter peiye tüome vünlüm meiye ngohpalan phei jamme shot. 56#Mt 26.69-75; Mk 14.66-72; Jn 18.16-18,25-27.Aope shaoshannyu jawe I-o vünlüm meiye shotte nge, Iye tingkhakke Ite lei hüyange i, “Tüopa kahta-o I phei ngohyangpu üja!” 57Hüpoi Peterwe tüote lan: “Sheko, taowe I yeshing!” 58Kenja ngohyang phei me kahta jawe I shinge pei hüyange i, “Nango iman yo me ja üja!” Hüpoi Peterwe janne i, “Kahta, tao yeje!” 59Hüyange ghonda ja nanjing ngohyang phei me kahta jawe Ite yeonge kange i: “Tüopa kahta I phei ye-ngoh ja she ilak hangte-o nüngneilak yenangja, hangjingne I-o Galilee mepu!” 60Hüpoi Peterwe janne i, “Kahta, nange hanghe jeng ngaoyapeih taowe yeshing!” Mokhshe, I ngaopu manlakpe ngohwante awha ko. 61#Lk 7.13; 22.34.Youngwanpa lüppe ye hüyange Peterte tingkhakke lei, hüyange Youngwanpawe ngaoyangpu Peterwe teihpei, “Teya awha ka shaome nange lümme Tao yeshing she ilak.” 62Peter nokshaote yu hüyange yeonge ükhah ngaiye shap.
Yompalan-e Jesute Phoi
(Mt 26.67-68; Mk 14.65)
63 #
Mt 26.67-68; Mk 14.65; Jn 18.22-24. Sha-a Jesu neikonne ngohpu yompalanne Ite phoitam hüyange Ite shet. 64Iman-e I mük büangne tam hüyange hüke i, “Aowe nangte shetnangki, itehu!” 65Hüyange Ite yaolepu ülao ngao maawe iman-e i.
Ngengtüp Sheshaome Jesu
(Mt 26.59-66; Mk 14.55-64; Jn 18.19-24)
66 #
Mt 26.57; Mk 14.53; Lk 22.54. Aope wanghe ong, Jehudi jeiyonglan, ütahpa ngengpalan, hüyange ngaokeng nyüopalan jemmeta, hüyange iman jemjing me Jesu woipei. 67#Mt 26.63-66; Mk 14.61-64; Jn 18.19-21.Iman-e i, “Tomante ipha,” “Nanga Messiah a?” Iye janne i: “Taowe numante ima-a, numan-e üte üting yelaklak, 68hüyange Taowe numante ngaoja tongma-a numan-e üte minjan ja. 69Hüpoi sha-a me peiye Kahta Üha wongnangpupa Kahwang yak jah yeme shotlak.” 70Hüwante iman üsheiye i, “Hüma-a, nanga Kahwang üha a?” Iye imante janne i, “Numan-e Tao üja she ipu shunang.”
71Hüyange iman-e i, “Teman-e ülao saki wongpong ne yeje; I nying nyingke yoi ju me ngaopu teman-e muh jaiyangki!”
सध्या निवडलेले:
:
ठळक
सामायिक करा
कॉपी करा
तुमचे हायलाइट तुमच्या सर्व डिव्हाइसेसवर सेव्ह करायचे आहेत? साइन अप किंवा साइन इन
Konyak Naga Bible - ÜJAO LAITEP
Copyright © 2011 by The Bible Society of India
Used by permission. All rights reserved worldwide.