Ayat Alkitab yang Popular daripada Matta 13

Kongsi

Dʊʊm nɨ a yal a tǝm nyaɨ, gǝ nʊng nʊ nɨ a nyʊwa kɛl Kwaamaɨ, a nyǝm, maa maajɨ lɛ nǝnɨ, jǝg dʊʊmɔ lɛɨ, kaamɨ fʊlkʊb win win, kaamɨ fʊltǝnukun nukun, kaamɨ fʊtǝtaal taal.”

Nʊ nɨ a yal a kʊm sholaɨ, n nʊ nɨ a nyʊwa kɛl Kwaamaɨ, komʌn kanjǝl yooligɔ jǝbɔ swɨtǝm shilo a bǝm kɛl Kwaamaɨ a kala nǝn kwanɨ.

Na nǝl a nyʊwa kɛl a dul fɔlɔn lɔ Kwaamaɨ, nǝngɔ a nyǝm bɨɨ, Mammɔ ba jǝgǝm jǝgǝm jʊ ja kwal a mʊgɔ nǝl nʊ gɨɨ. Wʊnɨ nǝn gɔ dʊʊmɔ a yal a golaɨ.

Dʊʊm nɨ a yal a daa tatǝnɨ, gǝ nʊng nʊ nɨ a nyʊwa kɛl Kwaamaɨ, a yo nǝn fulotǝm nǝlɨ. Mɨ nǝn nʌl, mɨ gǝ tɨ lɛ a kʊta, na gaalanɔ jǝbɔ gʌtǝmɔ a nya gǝn a dul kɛl Kwaamaɨ, gǝ fǝ fǝ naa, a yǝla a gʊ nǝn gul.

“Fɔlɔn lɔ Kwaamaɨ gǝ na na shilo nɨ ja yʊ a tɔtwamɨ. Kwama nɨ kaa nǝl a nyaɨ, a yǝla a yʊ tagɨ. Fulotǝm nǝlɔ a la gǝm daaɨ, nǝngɔ a yɔ ya miyom kanjǝl nɨ gǝ nǝngǝnɨ pʌd, a tenʌm tɔtwam gɨɨ.

Kaamɨ a yal a tǝm nyan, ja jǝg dulɔ, nugɔ a bʊm, kaamɨ dulɔ fʊlkʊb fʊlkʊb, kaamɨ fʊltǝnukun nukun, kaamɨ fʊtǝtaal taal.

Jǝ́ bǝla ji wo gwam ja dʊʊl dakini ba la nǝn di kʌsotǝmɔ. Na la kwama kʌsotǝmɨ, sǝ n sʊwa nǝb kʌsotǝmɔ ja tǝl ja biyo yǝlagɔ, ja mʊr ja bwabam, ja twɨm, sǝ ja mʊr jaamɔ ja tal a bʌni.’ ”