Ayat Alkitab yang Popular daripada Jenɛɛsë 1

Kongsi

Nyɔsʋa nya 'daa: «A nʋ nyɔɔ ana 'sa, 'sɩrɩ a bäa', 'ɔmä 'tanie 'lɩa ‑srü 'klügälɩkälä, 'ɔmä cɛlɩa nyisie 'klügälɩkälä, 'palɩ bätëmlaa, ‑tʋtʋa 'fɩɔa ‑gälɩ nyra diili kä 'fɩɔ ‑pɛrɛa' ‑tʋtʋ ‑gälɩ.» Nyɔsʋa nya nʋ nyɔɔ 'ɔa 'sa, 'sɩrɩ 'ɔ bäa', 'asɩ 'ɔ nʋ nyɔɔ. 'Ɔnya nʋ nyɩbɛrʋ nyra 'ŋlʋʋ.

Nyɔsʋa nya 'pa 'üün 'nɩ, 'ɔnya ‑gbala 'üün: «'Ba ‑gu, 'ba 'paplagälɩ, 'ba 'si ‑tʋtʋ 'klɩ, 'kä 'a kälä 'uun 'klügälɩ, 'ba kälä 'tanie 'lɩa ‑srü 'klügälɩ, 'palɩ cɛlɩa nyisie nyra mrɛɛ o mrɛɛ 'nyɛrɛa' ‑tʋtʋ ‑gälɩ!»

Diia 'fɩɔa cɛtrɛfawʋ nɩ, cɛɩɩ nyra ‑tʋtʋ ‑kätɩ Nyɔsʋa nʋ.

‑Tʋtʋlʋ 'cakla kä 'lɩ, dɛɛ 'nyɩ 'lɩ ‑gälɩ ‑a bä, ‑bɛ 'jöjrüükpü ma bä 'nie kpakü ‑gälɩ; Nyɔsʋaa ‑susu ma ‑piie 'nieɩɩa 'klɩ.

Nyɔsʋa nya 'daa: «Abɩa 'napɛ bälɩ!» 'Napɛ nya bälɩ.

Nyɔsʋa nya 'jä 'sɩrɩ diili kä 'fɩɔ 'ɔ nʋa' bäa' 'cɩcadii 'mʋfasa. ‑Gbia nya ka, ‑srɩ nya pa: 'Ii bä ‑uundooa nü jrüü.

Nyɔsʋa nya 'jä 'sɩrɩ 'napɛ bäa' 'cɩcadɛɛ, 'ɔnya 'sasra 'napɛ nyra 'jöjrüükpü ‑gba.

Nyɔsʋa ‑nëma: «‑Jää, 'n ‑nyɩ 'amɩ 'sipia 'fɩɔ nyra diili kä 'fɩɔ ‑gaalaa' ‑tʋtʋ ‑gälɩ, i käa' 'jaju, nyra tiili kä 'fɩɔ kä 'jaju bäa' 'ua ‑tʋtʋbüa 'mlɩ. 'Ii 'mä 'ana jijri bä.

Nyɔsʋa nya 'dara 'napɛ «‑Srɩ.» 'Ɔnya 'dara 'jöjrüükpü «‑Gbia.» 'Asɩ 'i nʋ ‑gbiajrʋ nyra ‑suwla nya bälɩ: 'ii bä 'klɩsa jrüü.

Nyɔsʋa nya 'daa: «Abɩa ‑gbasasradɛɛ bä 'niea ‑tɔrʋpɩɔ, 'ɛmä ‑tʋtʋ ‑gälɩa 'nie nyra cɛlɩa 'nie ‑gbasasra.»

‑Bɛ ‑tʋtʋ ‑gälɩa mlaa 'fɩɔ, cɛlɩa nyisiea 'fɩɔ nyra ‑pɛrɛdiia 'fɩɔ ‑pɛrɛa' ‑tʋtʋ ‑gälɩ, diili kä 'fɩɔ fioa', 'sipili kä 'fɩɔ 'klaa' napɩjɩjarɛnyü bä 'üa jijri.» 'Asɩ 'i nrörö.

Nyɔsʋa nya 'daa: «Abɩa 'napu bä cɛ 'lɩ, 'umä ‑srɩ nyra ‑gbia ‑gbasasra; 'ia 'taɩn 'lɩ, dɔrʋsrɩ, jrüü nyra ‑sɩ 'mä jrere

Nyɔsʋa nya 'daa: «Abɩa 'sipi nyra tii ‑gaala ‑tʋtʋ ‑gälɩ; abɩa 'sipi nyra tii tʋ. Abɩa tii tʋ 'bü, ü kä 'mlɩ 'ua 'jaju bäa', ‑mɛ ma bälɩ ɛ tʋ 'ɛa 'mʋgbɛa 'jaju ‑tʋtʋ ‑gälɩ.» 'Asɩ 'i nrörö.

Nyɔsʋa nya nʋ ‑gbasasradɛɛ, 'ɔnya 'sasra 'nielɛ bäa' ‑gbasasradɛɛ ‑wälɩ nyra ɛ bäa' 'ɛa ‑gälɩ ‑gba. 'Asɩ 'i nrörö.

'Sipi nyra tii nya ‑gaala ‑tʋtʋ ‑gälɩ, 'sɩrɩ 'sipi ‑mɩdoo bäa' 'a 'ia 'jaju 'i tʋä, ‑bɛ tii tʋä 'bü, 'üa 'mlɩa 'jaju 'sɩrɩ tuu ‑molo bäa'. Nyɔsʋa nya 'jä 'sɩrɩ 'i bäa' 'cɩcadɛɛ.

Nyɔsʋa nya nʋ 'napu kpaku 'sɔɔ: kpakia nɛ 'mä ‑srɩ 'klügälɩkälä, ‑bɛ blaadɩɔ 'mä ‑gbia 'klügälɩkälä. 'Ɔnya nʋ bɩa ‑särë.

Nyɔsʋa nya 'daa: «Abɩa 'nielɛ kä 'fɩɔ bäa' cɛa ‑wälɩ trara ‑pɩɔ 'doo 'wʋ 'ɛmä 'dee bä, 'kä mamatʋtʋ 'tɔ.» 'Asɩ 'i nrörö. Nyɔsʋa nya 'dara 'uun «‑Tʋtʋ», 'ɔnya 'dara 'nielɩ kä 'fɩɔ traraa' ‑pɩɔ 'doo 'wʋ «'Tanie.» Nyɔsʋa nya 'jä 'sɩrɩ 'i bäa' 'cɩcadɛɛ.

Nyɔsʋa nya 'pa 'üün 'nɩ, 'ɔ ‑nëma: «'Ba ‑gu! 'Ba ‑sümlö! 'Ba 'si 'tanieɩa 'mlɩ. 'Kä nyisie ‑goglolɩ ‑tʋtʋ ‑gälɩ!»

Nyɔsʋa nya 'daa: «Abɩa 'dɩdiia 'kaɩnkaɩn 'tɔrɔ ‑tʋtʋ ‑gälɩ, bätëmlaa, ‑pɛrɛdii nyra 'klʋɛɛa mlaa; 'ia 'fɩɔa 'kaɩnkaɩn.» 'Asɩ 'i nrörö.

Nyɔsʋa nya 'daa: «Abɩa 'nie 'si mlaa 'klɩ, 'kä nyisie ‑preere cɛa 'mlɩ.»

Nyɔsʋa nʋ 'klʋɛɛa mlaa 'kaɩnkaɩn, bätëmlaa 'kaɩnkaɩn nyra ‑tʋtʋ ‑gälɩa ‑pɛrɛdiia 'kaɩnkaɩn. Nyɔsʋa nya 'jä 'sɩrɩ 'i bäa' 'cɩcadii.