Matyo 13
13
Nklama timi mbɔʼ àkɔn elankɔn
(Mak 4:1-9; Luk 8:4-8)
1Anji aŋwaʼ yɛ, Yeso nyɛrɛ a ndɔ ngɔɔ ebara angli gɛ̀rɛ̀ tsɔmɔ a chwâ. 2Aŋu ebaŋagho wɛ à me ghɛʼ tsà ngɛ, Yeso nyii è tsɔmɔ efwɔ ekpe, ebaŋagho tamma ewee ndim. 3Engɔ toʼro abwa akɛkɛ ebe angɔ ene nklama timi kpe,
“À shi anji deʼ, àkɔn elankɔn deʼ ngɔɔ é kɔrɔ ela mɔ. 4Aŋu à ma mìi esam mɔ ngɛ, adeʼ turu amblabɔ̀n ènɔ̀n kla pɛ̀dɛ̀ nde. 5Adeʼ turu edɔm aklaʼa atye, chwâ me tsɛʼ eghɛʼ bo. Ela byɛ à zamma bwedde mbɔʼnga chwâ à ne me do bo. 6Aŋu enchwe à gli ngɛ, e sɔ̂ʼ elankɔn byɛ. Aŋu egha à ne me nyii a chwâ anchwɔnchwɔ bo ngɛ, e zɔm kudu. 7Esam wɛ deʼ a turu abwaʼ ńtwɔn. Ńtwɔn tɛb è tòʼrò ela byɛ. 8Bɛʼngɛ adeʼ à turu afwɔ chwâ ǹchwɔ̀. Alankɔn yɛ kla enta. Edeʼ ge samara eko, adeʼ èsama tɛd, edeʼ asamabi tɛʼ wum.”
9Yeso ngudu ga kpe, “Egho wɛ me le ètimi ngɛ zhuru!”
Ǹji yɛ Yeso à ma gà ene nklama timi ngɛ
(Mak 4:10-12; Luk 8:9-10)
10Éngɛ bɔ bɛɛrɛ abwa Yeso zeʼ biiri ebe engɔ kpe, “Ngwo na ga ebe abɔ bɔnɔ me ne nklama timi kpe ayɛ?” 11Yeso gíì kpe, “Ngwe a shi ndɛʼɛ azɔm endɔn é nɛɛ abwa nɛŋɛ mbɔʼ ebwa m̀fɔ̀ ekere shi ne me ndɛʼ ebe angɔ é nɛɛ bo 12Éngɛ egho wɛ me le ngɛ, e ba zhiiri è wu le fɔɔ, bɛʼngɛ egho wɛ ne me le bo ngɛ, ka de mwɔ afwɔ ngɔ wɛ engɔ me le ngɛ, e ba nu. 13Enji yɛ mmɛ ma timi aga timi ebe angɔ ngɛ ne enga angɔ ma kede ne ma zɔ bo, e zhuru shi ne ma zo kà nɛɛ bo. 14Éngɛ ebwa wɛ Àmɛnɛkɔn Ngwe Azaya à ga mbɔʼ angɔ ngɛ gli éŋwaʼa kpe
‘Mbɔn ba ngo zhuru gɛ̀rɛ̀ we zhuru ne ǹji nɛɛ,
kɔʼɔ gɛ̀rɛ̀ kɔʼɔ shi ne zɔ.
15Mmɛ na ga énde mbɔʼnga angɔ ke né wu bɛɛrɛ ebwa deʼ bo!
Angɔ shi zhuʼru ètimi àmɔ̀
gɛ̀rɛ̀ shi kubu aghɔɔ àmɔ̀,
mbɔʼtye aghɔɔ angɔ ne zɔ,
ètimi angɔ gɛrɛ zo ebwa deʼ bo, eto
angɔ ne ma kli nɛɛ ebwa deʼ bo,
angɔ gɛrɛ ke ma ghɛɛbɛ zeʼ ena kpe Ngwe,
mmɛ gɛrɛ gli angɔ bo.’
16Ma mbɔn ngɛ, mbɔn be le m̀bɔ̀nɔ! Aghɔɔ ndzɔn ya zɔ akwâ, ètimi mbɔn gɛrɛ ma zo ebwa. 17Mmɛ ga éŋwaʼa endɔn kpe bàmɛnɛkɔn Ngwe akɛkɛ mane bɔ Ngwe akɛkɛ â na ke é zɔ ala yɛ mbɔn ma zɔ ngɛ, me tsɛʼ ekà bo, angɔ gɛrɛ ke é zo ebwa wɛ mbɔn ma zo nɔ me tsɛʼ ekà bo.”
Yeso toʼro ǹji nklama timi àkɔn elankɔn
(Mak 4:13-20; Luk 8:11-15)
18“Mbɔn zhuru gɛ̀rɛ̀ bɛ̀ɛrɛ ǹji ene nklama timi àkɔn elankɔn. 19Abɔ byɛ e ma zo ekɔn mbɔʼ ebwa m̀fɔ̀ Ngwe shi ne ma nɛɛ bo ngɛ, ne mwɔ na esam wɛ à turu amblabɔ̀n ngɛ nɔ, Gho Bɔɔbɔɔ zeʼ è fèe ala a me kɔn efwɔ ńtara angɔ ngɛ. 20Esam ngɔ wɛ à turu efwɔ aklaʼa atye ngɛ na abɔ byɛ e ma zo ekɔn mbɔʼ ebwa m̀fɔ̀ Ngwe, gɛ̀rɛ̀ zamma nu ene egɛnɛ ngɛ. 21Bɛʼngɛ ebwa wɛ shi ne nyii efwɔ ńtara angɔ anchwɔnchwɔ bo gɛ̀rɛ̀ ne ndada bo. Éngɛ nɔ, ǹgoʼ kà e nyii angɔ mbɔʼ ekɔn wɛ, angɔ kumu chi etaa àmɔ̀ anyi. 22Esam ngɔ wɛ à turu abwaʼ ńtwɔn ngɛ ne mwɔ na abɔ ngɔ byɛ e ma de zo ekɔn mbɔʼ ebwa m̀fɔ̀ Ngwe, ezhuŋu abwa mbɔʼ ela efwɔ ese mane andɔŋɔ àfɔ̀n efwɔ ese koro ebwa Ngwe wɛ nɔ. Éngɛ angɔ ke ma kla enta bo. 23Engɔ wɛ a turu ene afwɔ chwâ nchwɔnchwɔ ngɛ ne na abɔ byɛ e ma de zo ekɔn mbɔʼ ebwa m̀fɔ̀ Ngwe, e nɛɛ ǹji gɛ̀rɛ̀ kla enta, adeʼ ekobi, adeʼ èsama tɛd, abê asamabi tɛʼ wum ngɛ.”
Nklama timi mbɔʼ efo bɔɔbɔɔ
24Yeso wu tim nklama timi tsɛrɛ ebe angɔ kpe, “Ebwa m̀fɔ̀ ekere ne mwɔ énde, gho deʼ à kɔ̂n elankɔn ǹchwɔ̀ efwɔ esɔmɔ mɔ. 25Bɛʼngɛ a shi ǹklì anji deʼ, aŋu bɔ à ma bwɛnɛ ngɛ, gho m̀pɛ̀ʼ zeʼe kɔ̂n afo abwaʼ elankɔn egho wɛ nyɔɔ amɔ. 26Aŋu elankɔn byɛ à tɛb klada sa sɔʼrɔ ngɛ, afo byɛ gɛrɛ tee eto. 27Bɔ afwɛʼ egho wɛ zeʼe ebe engɔ ga kpe, ‘Masa ngwo à ne kɔrɔ ela ngbèe ǹchwɔ̀ efwɔ esɔmɔ ngwɛ, afo zeʼ awe abwaʼ?’ 28Masa gii kpe ‘Na gho m̀pɛ̀ʼ deʼ a me le éngɛ.’ Bɔ afwɛʼ byɛ biiri kpe ‘Ngwo we doʼo kpe mbyɛɛ ngɔɔ nàm afo byɛ?’ 29Masa wɛ gii kpe ‘Keʼ, mbɔʼnga mbɔn be né tse wùu elankɔn deʼ abwaʼ afo byɛ. 30Mbɔn shi elankɔn mane afo buumu tɛb afwɔbi bwɛn endzobo dza. Mmɛ wa ga ebe abɔ e ma ngo dzà ngɛ kpe e dye duu afo, kod ene eboʼro, è twɔ̀n efwɔ éwu de shi sa dzà elankɔn mbu shi efwɔ atɛ ndza.’ ”
Nklama timi mbɔʼ sam digidigi
(Mak 4:30-32; Luk 13:18-19)
31Yeso gɛrɛ wu ga nklama timi tsɛrɛ ebe ebaŋagho wɛ kpe, “Ebwa m̀fɔ̀ ekere ne mwɔ na gho deʼ à nu sam digidigi è kɔ̂n ekwa mɔ nɔ. 32Sam digidigi zɔnɔ à ne tɛŋɛ kpɛɛ fɔɔ samara tsɛrɛ gimkpaʼ. Bɛʼngɛ à tɛb, e shi azɔd yɛ a me klɔ fɔɔ ezɔd gimkpaʼ efwɔ ǹtsà ngɛ. Ene aghɛʼ zɔnɔ ènɔ̀n ekere à zeʼ sa byɛ ndɔrɔ àmɔ̀ ene atɔ mɔ ngɛ.”
Nklama timi mbɔʼ àfòo
(Luk 13:20-21)
33Yeso gɛrɛ wu fɔɔ embè è ga nklama timi tsɛrɛ kpe, “Ebwa m̀fɔ̀ ekere ne mwɔ na àfòo wɛ aye deʼ à nu è blidi ene ebun ǹgoŋ efwɔ ekuʼ kɛ́ e kwaʼ ghɛʼ ngɛ.”
Enji yɛ Yeso à ma sɛ̀ɛrɛ̀ nklama timi ngɛ
(Mak 4:33-34)
34Yeso a na gli nklamara é tòʼrò abwa zɔnɔ ebe ebaŋabɔ. À ke ma ga ebwa deʼ nɔ ne ma gli nklama timi bo bo. 35À na le énde nɔ é le kpe ebwa wɛ àmɛnɛkɔn Ngwe à ga kpe, “Mmɛ wa gli nklama timi é ga ebe bɔ. Mmɛ wa tòʼrò abwa yɛ angɔ à ne me nɛɛ bo nyɛrɛ èndzobo chɛ Ngwe à ndeere ese ngɛ” gli éŋwaʼa.
Yeso toʼro ǹji nklama timi mbɔʼ afo bɔɔbɔɔ
36Èndzobo chɛ Yeso à nyɛrɛ abwaʼ ebaŋagho nyìi a ndɔ ngɛ, bɔ bɛɛrɛ abwa ngɔ zeʼ ga ebe engɔ kpe, “Toʼro ǹji ene nklama timi mbɔʼ efo efwɔ esɔmɔ ngɛ endyɛɛ.” 37Yeso gíì kpe, “Egho wɛ à kɔn elankɔn ǹchwɔ̀ ngɛ na Ŋwɔ Gho. 38Ekwâ yɛ ne ese zɔnɔ, elankɔn ǹchwɔ̀ byɛ na abɔ efwɔ ebwa m̀fɔ̀ Ngwe ngɛ. Afo bɔnɔ na abɔ byɛ e mwɔ bɔ Gho Bɔɔbɔɔ ngɛ. 39Gho m̀pɛ̀ʼ wɛ à kɔn afo abwaʼ elankɔn ǹchwɔ̀ ngɛ na Dɛbli. Endzobo dza na anji ngùdu ese, abɔ byɛ e ma ngo dzà ela ngɛ na engere. 40Aŋu e ma dùurù efo e twɔ̀n edzɔ ngɛ, e gɛrɛ wa ngo gli éngɛ anji ngùdu ese. 41Ŋwɔ gho wa ngo tɔm engere mɔ é pwɔ̀nɔ̀ chi efwɔ ebwa m̀fɔ̀ mɔ, abɔ byɛ e ma le bɔ nyim abwa mane angɔ byɛ e gɛrɛ ma le abwa bɔɔbɔɔ ngɛ. 42E shunu angɔ ndwa efwɔ éwu wɛ e me ngoʼo ngɛ, e sa ku̧u kwo ashwɔ àmɔ̀ aŋu 43Éngɛ nɔ, bɔ byɛ e me koʼro efàarà Ngwe ngɛ sa nɛŋɛrɛ ne etaranchwe nɔ efwɔ ebwa m̀fɔ̀ àtɛ àmɔ̀. Egho me le ètimi ngɛ zhuru.”
Nklama timi mbɔʼ àfɔ̀n nɛŋɛ
44Ebwa m̀fɔ̀ ekere gɛrɛ ne mwɔ na àfɔ̀n deʼ wɛ e me nɛŋɛ efwɔ ekwâ deʼ, gho ngɔɔ efwɔ ekwâ dù jɛ ne engɔ, engɔ gɛrɛ wu koo shi aŋu, gɛnɛ amɔ ghɛʼ, ngɔɔ fɛ̀nnɛ̀ ela mɔ gimkpaʼ zeʼe zɔn ekwâ yɛ anyi nɔ.
Nklama timi mbɔʼ etye kama ekɛb deʼ yɛ â ma zɔʼrɔ kpe pɛɛl ngɛ
45Ebwa m̀fɔ̀ Ngwe gɛrɛ ne mwɔ na gho ewu̧ deʼ wɛ ma zɛʼ m̀pèrè akɔbɔ atye nchwɔnchwɔ deʼ yɛ a me kama ekɛb ghɛʼ e ma zɔʼrɔ kpe pɛɛl ngɛ nɔ 46Èndzobo chɛ e zɔ edeʼ yɛ e me nara da dɛʼɛ ngɛ, engɔ ngɔɔ fɛ̀nnɛ ela mɔ gimkpaʼ è zɔn anyi.
Nklama timi mbɔʼ ǹklɔ̀
47Ebwa m̀fɔ̀ ekere gɛrɛ ne mwɔ na ǹklɔ̀ zɔ àsòʼ shuuru deʼ à ndwa efwɔ angli, bèddè Shuuru m̀pèrempèrè nɔ. 48Èndzobo chɛ ǹklɔ̀ à shwe ngɛ, è goo ngɔɔ ewee eji, tsɔmɔ a chwâ, pwɔ̀nɔ̀ shuuru ǹchwɔ̀ ngɛ gè efwɔ ànkàm, waʼ e bɔɔbɔɔ ngɛ. 49E yà mwɔ énde anji yɛ ese ma ngùdù ngɛ. Engere yà sɛ̀ʼrɛ̀ bɔ abwa bɔɔbɔɔ abwaʼ angɔ byɛ e ma le abwa yɛ a me koʼro efàarà Ngwe ngɛ. 50Angɔ yà ndwa bɔ bɔɔbɔɔ edzɔwu yɛ e me kama ngɛ, e sa ku̧uru sa kwo ashwɔ àmɔ̀ aŋu.
Yeso gâ mbɔʼ etee abwa fe mane asam
51Yeso biiri kpe, “Mbɔn be nɛɛ ǹji ene abwa zɔnɔ?” Bɔ bɛɛrɛ abwa ngɔ gii kpe, “Ɔ̧̀ɔɔ” 52Éngɛ Yeso gâ kpe, “Ewunɔ ne ga kpe àtee atsɛrɛ ŋwàʼaŋwàʼ wɛ e mwɔ gho bɛ̀ɛrɛ abwa efwɔ ebwa m̀fɔ̀ Ngwe ekere ngɛ ne na gho ndɔ wɛ à chi ela fe mane asam afwɔ yɛ a me shi ngɛ nɔ.”
E bɛʼrɛ Yeso a Nazarɛd
(Mak 6:1-6; Luk 4:16-30)
53Èndzobo chɛ Yeso à mɛɛrɛ gà nklamara timi tsɔnɔ ngɛ, è nyɛrɛ afwɔ yɛ. 54Engɔ ngɔɔ achim abɛ be mɔ. Engɔ tee abwa ebe bɔ efwɔ ndɔ bɛ̀ɛrɛ abwa Ngwe bɔ Juu. Abɔ a zhuru ngɛ kɔ̂n sa biiri kpe, “Engɔ ne nu m̀pè azɔm zɔnɔ awe? Engɔ ne nu ekama é fwɛʼ abwa zodo zodo zɔnɔ awe? 55Engɔ ke ma ŋwɔ àkwɔm ezɔd bo? Áʼɔ̧̀ mɔ ke ma Meri bo? Jems, Yɔsɛf Shimun, mane Judas ke ma bwɔngwa ngɔ bo? 56Bwɔngwaaye ngɔ gimkpaʼ ke ma tsɔmɔ nè ntsɔ anɔ bo? È ne nu azɔm mane ekama zɔnɔ zeʼ awe?” 57Éngɛ â bɛʼrɛ engɔ. Bɛʼngɛ Yeso gâ ebe angɔ kpe, “E ba ghɔ àmɛnɛkɔn Ngwe akwâ gimkpaʼ à tye ekla ngɔ mane abɛ mɔ.” 58Yeso à ke le abwa zodo zodo akɛkɛ aŋu bo mbɔʼnga angɔ à ke me le ebɛrɛtaa bo.
Terpilih Sekarang Ini:
Matyo 13: nbt
Highlight
Kongsi
Salin
Ingin menyimpan sorotan merentas semua peranti anda? Mendaftar atau log masuk
© 2022, CABTAL
Matyo 13
13
Nklama timi mbɔʼ àkɔn elankɔn
(Mak 4:1-9; Luk 8:4-8)
1Anji aŋwaʼ yɛ, Yeso nyɛrɛ a ndɔ ngɔɔ ebara angli gɛ̀rɛ̀ tsɔmɔ a chwâ. 2Aŋu ebaŋagho wɛ à me ghɛʼ tsà ngɛ, Yeso nyii è tsɔmɔ efwɔ ekpe, ebaŋagho tamma ewee ndim. 3Engɔ toʼro abwa akɛkɛ ebe angɔ ene nklama timi kpe,
“À shi anji deʼ, àkɔn elankɔn deʼ ngɔɔ é kɔrɔ ela mɔ. 4Aŋu à ma mìi esam mɔ ngɛ, adeʼ turu amblabɔ̀n ènɔ̀n kla pɛ̀dɛ̀ nde. 5Adeʼ turu edɔm aklaʼa atye, chwâ me tsɛʼ eghɛʼ bo. Ela byɛ à zamma bwedde mbɔʼnga chwâ à ne me do bo. 6Aŋu enchwe à gli ngɛ, e sɔ̂ʼ elankɔn byɛ. Aŋu egha à ne me nyii a chwâ anchwɔnchwɔ bo ngɛ, e zɔm kudu. 7Esam wɛ deʼ a turu abwaʼ ńtwɔn. Ńtwɔn tɛb è tòʼrò ela byɛ. 8Bɛʼngɛ adeʼ à turu afwɔ chwâ ǹchwɔ̀. Alankɔn yɛ kla enta. Edeʼ ge samara eko, adeʼ èsama tɛd, edeʼ asamabi tɛʼ wum.”
9Yeso ngudu ga kpe, “Egho wɛ me le ètimi ngɛ zhuru!”
Ǹji yɛ Yeso à ma gà ene nklama timi ngɛ
(Mak 4:10-12; Luk 8:9-10)
10Éngɛ bɔ bɛɛrɛ abwa Yeso zeʼ biiri ebe engɔ kpe, “Ngwo na ga ebe abɔ bɔnɔ me ne nklama timi kpe ayɛ?” 11Yeso gíì kpe, “Ngwe a shi ndɛʼɛ azɔm endɔn é nɛɛ abwa nɛŋɛ mbɔʼ ebwa m̀fɔ̀ ekere shi ne me ndɛʼ ebe angɔ é nɛɛ bo 12Éngɛ egho wɛ me le ngɛ, e ba zhiiri è wu le fɔɔ, bɛʼngɛ egho wɛ ne me le bo ngɛ, ka de mwɔ afwɔ ngɔ wɛ engɔ me le ngɛ, e ba nu. 13Enji yɛ mmɛ ma timi aga timi ebe angɔ ngɛ ne enga angɔ ma kede ne ma zɔ bo, e zhuru shi ne ma zo kà nɛɛ bo. 14Éngɛ ebwa wɛ Àmɛnɛkɔn Ngwe Azaya à ga mbɔʼ angɔ ngɛ gli éŋwaʼa kpe
‘Mbɔn ba ngo zhuru gɛ̀rɛ̀ we zhuru ne ǹji nɛɛ,
kɔʼɔ gɛ̀rɛ̀ kɔʼɔ shi ne zɔ.
15Mmɛ na ga énde mbɔʼnga angɔ ke né wu bɛɛrɛ ebwa deʼ bo!
Angɔ shi zhuʼru ètimi àmɔ̀
gɛ̀rɛ̀ shi kubu aghɔɔ àmɔ̀,
mbɔʼtye aghɔɔ angɔ ne zɔ,
ètimi angɔ gɛrɛ zo ebwa deʼ bo, eto
angɔ ne ma kli nɛɛ ebwa deʼ bo,
angɔ gɛrɛ ke ma ghɛɛbɛ zeʼ ena kpe Ngwe,
mmɛ gɛrɛ gli angɔ bo.’
16Ma mbɔn ngɛ, mbɔn be le m̀bɔ̀nɔ! Aghɔɔ ndzɔn ya zɔ akwâ, ètimi mbɔn gɛrɛ ma zo ebwa. 17Mmɛ ga éŋwaʼa endɔn kpe bàmɛnɛkɔn Ngwe akɛkɛ mane bɔ Ngwe akɛkɛ â na ke é zɔ ala yɛ mbɔn ma zɔ ngɛ, me tsɛʼ ekà bo, angɔ gɛrɛ ke é zo ebwa wɛ mbɔn ma zo nɔ me tsɛʼ ekà bo.”
Yeso toʼro ǹji nklama timi àkɔn elankɔn
(Mak 4:13-20; Luk 8:11-15)
18“Mbɔn zhuru gɛ̀rɛ̀ bɛ̀ɛrɛ ǹji ene nklama timi àkɔn elankɔn. 19Abɔ byɛ e ma zo ekɔn mbɔʼ ebwa m̀fɔ̀ Ngwe shi ne ma nɛɛ bo ngɛ, ne mwɔ na esam wɛ à turu amblabɔ̀n ngɛ nɔ, Gho Bɔɔbɔɔ zeʼ è fèe ala a me kɔn efwɔ ńtara angɔ ngɛ. 20Esam ngɔ wɛ à turu efwɔ aklaʼa atye ngɛ na abɔ byɛ e ma zo ekɔn mbɔʼ ebwa m̀fɔ̀ Ngwe, gɛ̀rɛ̀ zamma nu ene egɛnɛ ngɛ. 21Bɛʼngɛ ebwa wɛ shi ne nyii efwɔ ńtara angɔ anchwɔnchwɔ bo gɛ̀rɛ̀ ne ndada bo. Éngɛ nɔ, ǹgoʼ kà e nyii angɔ mbɔʼ ekɔn wɛ, angɔ kumu chi etaa àmɔ̀ anyi. 22Esam ngɔ wɛ à turu abwaʼ ńtwɔn ngɛ ne mwɔ na abɔ ngɔ byɛ e ma de zo ekɔn mbɔʼ ebwa m̀fɔ̀ Ngwe, ezhuŋu abwa mbɔʼ ela efwɔ ese mane andɔŋɔ àfɔ̀n efwɔ ese koro ebwa Ngwe wɛ nɔ. Éngɛ angɔ ke ma kla enta bo. 23Engɔ wɛ a turu ene afwɔ chwâ nchwɔnchwɔ ngɛ ne na abɔ byɛ e ma de zo ekɔn mbɔʼ ebwa m̀fɔ̀ Ngwe, e nɛɛ ǹji gɛ̀rɛ̀ kla enta, adeʼ ekobi, adeʼ èsama tɛd, abê asamabi tɛʼ wum ngɛ.”
Nklama timi mbɔʼ efo bɔɔbɔɔ
24Yeso wu tim nklama timi tsɛrɛ ebe angɔ kpe, “Ebwa m̀fɔ̀ ekere ne mwɔ énde, gho deʼ à kɔ̂n elankɔn ǹchwɔ̀ efwɔ esɔmɔ mɔ. 25Bɛʼngɛ a shi ǹklì anji deʼ, aŋu bɔ à ma bwɛnɛ ngɛ, gho m̀pɛ̀ʼ zeʼe kɔ̂n afo abwaʼ elankɔn egho wɛ nyɔɔ amɔ. 26Aŋu elankɔn byɛ à tɛb klada sa sɔʼrɔ ngɛ, afo byɛ gɛrɛ tee eto. 27Bɔ afwɛʼ egho wɛ zeʼe ebe engɔ ga kpe, ‘Masa ngwo à ne kɔrɔ ela ngbèe ǹchwɔ̀ efwɔ esɔmɔ ngwɛ, afo zeʼ awe abwaʼ?’ 28Masa gii kpe ‘Na gho m̀pɛ̀ʼ deʼ a me le éngɛ.’ Bɔ afwɛʼ byɛ biiri kpe ‘Ngwo we doʼo kpe mbyɛɛ ngɔɔ nàm afo byɛ?’ 29Masa wɛ gii kpe ‘Keʼ, mbɔʼnga mbɔn be né tse wùu elankɔn deʼ abwaʼ afo byɛ. 30Mbɔn shi elankɔn mane afo buumu tɛb afwɔbi bwɛn endzobo dza. Mmɛ wa ga ebe abɔ e ma ngo dzà ngɛ kpe e dye duu afo, kod ene eboʼro, è twɔ̀n efwɔ éwu de shi sa dzà elankɔn mbu shi efwɔ atɛ ndza.’ ”
Nklama timi mbɔʼ sam digidigi
(Mak 4:30-32; Luk 13:18-19)
31Yeso gɛrɛ wu ga nklama timi tsɛrɛ ebe ebaŋagho wɛ kpe, “Ebwa m̀fɔ̀ ekere ne mwɔ na gho deʼ à nu sam digidigi è kɔ̂n ekwa mɔ nɔ. 32Sam digidigi zɔnɔ à ne tɛŋɛ kpɛɛ fɔɔ samara tsɛrɛ gimkpaʼ. Bɛʼngɛ à tɛb, e shi azɔd yɛ a me klɔ fɔɔ ezɔd gimkpaʼ efwɔ ǹtsà ngɛ. Ene aghɛʼ zɔnɔ ènɔ̀n ekere à zeʼ sa byɛ ndɔrɔ àmɔ̀ ene atɔ mɔ ngɛ.”
Nklama timi mbɔʼ àfòo
(Luk 13:20-21)
33Yeso gɛrɛ wu fɔɔ embè è ga nklama timi tsɛrɛ kpe, “Ebwa m̀fɔ̀ ekere ne mwɔ na àfòo wɛ aye deʼ à nu è blidi ene ebun ǹgoŋ efwɔ ekuʼ kɛ́ e kwaʼ ghɛʼ ngɛ.”
Enji yɛ Yeso à ma sɛ̀ɛrɛ̀ nklama timi ngɛ
(Mak 4:33-34)
34Yeso a na gli nklamara é tòʼrò abwa zɔnɔ ebe ebaŋabɔ. À ke ma ga ebwa deʼ nɔ ne ma gli nklama timi bo bo. 35À na le énde nɔ é le kpe ebwa wɛ àmɛnɛkɔn Ngwe à ga kpe, “Mmɛ wa gli nklama timi é ga ebe bɔ. Mmɛ wa tòʼrò abwa yɛ angɔ à ne me nɛɛ bo nyɛrɛ èndzobo chɛ Ngwe à ndeere ese ngɛ” gli éŋwaʼa.
Yeso toʼro ǹji nklama timi mbɔʼ afo bɔɔbɔɔ
36Èndzobo chɛ Yeso à nyɛrɛ abwaʼ ebaŋagho nyìi a ndɔ ngɛ, bɔ bɛɛrɛ abwa ngɔ zeʼ ga ebe engɔ kpe, “Toʼro ǹji ene nklama timi mbɔʼ efo efwɔ esɔmɔ ngɛ endyɛɛ.” 37Yeso gíì kpe, “Egho wɛ à kɔn elankɔn ǹchwɔ̀ ngɛ na Ŋwɔ Gho. 38Ekwâ yɛ ne ese zɔnɔ, elankɔn ǹchwɔ̀ byɛ na abɔ efwɔ ebwa m̀fɔ̀ Ngwe ngɛ. Afo bɔnɔ na abɔ byɛ e mwɔ bɔ Gho Bɔɔbɔɔ ngɛ. 39Gho m̀pɛ̀ʼ wɛ à kɔn afo abwaʼ elankɔn ǹchwɔ̀ ngɛ na Dɛbli. Endzobo dza na anji ngùdu ese, abɔ byɛ e ma ngo dzà ela ngɛ na engere. 40Aŋu e ma dùurù efo e twɔ̀n edzɔ ngɛ, e gɛrɛ wa ngo gli éngɛ anji ngùdu ese. 41Ŋwɔ gho wa ngo tɔm engere mɔ é pwɔ̀nɔ̀ chi efwɔ ebwa m̀fɔ̀ mɔ, abɔ byɛ e ma le bɔ nyim abwa mane angɔ byɛ e gɛrɛ ma le abwa bɔɔbɔɔ ngɛ. 42E shunu angɔ ndwa efwɔ éwu wɛ e me ngoʼo ngɛ, e sa ku̧u kwo ashwɔ àmɔ̀ aŋu 43Éngɛ nɔ, bɔ byɛ e me koʼro efàarà Ngwe ngɛ sa nɛŋɛrɛ ne etaranchwe nɔ efwɔ ebwa m̀fɔ̀ àtɛ àmɔ̀. Egho me le ètimi ngɛ zhuru.”
Nklama timi mbɔʼ àfɔ̀n nɛŋɛ
44Ebwa m̀fɔ̀ ekere gɛrɛ ne mwɔ na àfɔ̀n deʼ wɛ e me nɛŋɛ efwɔ ekwâ deʼ, gho ngɔɔ efwɔ ekwâ dù jɛ ne engɔ, engɔ gɛrɛ wu koo shi aŋu, gɛnɛ amɔ ghɛʼ, ngɔɔ fɛ̀nnɛ̀ ela mɔ gimkpaʼ zeʼe zɔn ekwâ yɛ anyi nɔ.
Nklama timi mbɔʼ etye kama ekɛb deʼ yɛ â ma zɔʼrɔ kpe pɛɛl ngɛ
45Ebwa m̀fɔ̀ Ngwe gɛrɛ ne mwɔ na gho ewu̧ deʼ wɛ ma zɛʼ m̀pèrè akɔbɔ atye nchwɔnchwɔ deʼ yɛ a me kama ekɛb ghɛʼ e ma zɔʼrɔ kpe pɛɛl ngɛ nɔ 46Èndzobo chɛ e zɔ edeʼ yɛ e me nara da dɛʼɛ ngɛ, engɔ ngɔɔ fɛ̀nnɛ ela mɔ gimkpaʼ è zɔn anyi.
Nklama timi mbɔʼ ǹklɔ̀
47Ebwa m̀fɔ̀ ekere gɛrɛ ne mwɔ na ǹklɔ̀ zɔ àsòʼ shuuru deʼ à ndwa efwɔ angli, bèddè Shuuru m̀pèrempèrè nɔ. 48Èndzobo chɛ ǹklɔ̀ à shwe ngɛ, è goo ngɔɔ ewee eji, tsɔmɔ a chwâ, pwɔ̀nɔ̀ shuuru ǹchwɔ̀ ngɛ gè efwɔ ànkàm, waʼ e bɔɔbɔɔ ngɛ. 49E yà mwɔ énde anji yɛ ese ma ngùdù ngɛ. Engere yà sɛ̀ʼrɛ̀ bɔ abwa bɔɔbɔɔ abwaʼ angɔ byɛ e ma le abwa yɛ a me koʼro efàarà Ngwe ngɛ. 50Angɔ yà ndwa bɔ bɔɔbɔɔ edzɔwu yɛ e me kama ngɛ, e sa ku̧uru sa kwo ashwɔ àmɔ̀ aŋu.
Yeso gâ mbɔʼ etee abwa fe mane asam
51Yeso biiri kpe, “Mbɔn be nɛɛ ǹji ene abwa zɔnɔ?” Bɔ bɛɛrɛ abwa ngɔ gii kpe, “Ɔ̧̀ɔɔ” 52Éngɛ Yeso gâ kpe, “Ewunɔ ne ga kpe àtee atsɛrɛ ŋwàʼaŋwàʼ wɛ e mwɔ gho bɛ̀ɛrɛ abwa efwɔ ebwa m̀fɔ̀ Ngwe ekere ngɛ ne na gho ndɔ wɛ à chi ela fe mane asam afwɔ yɛ a me shi ngɛ nɔ.”
E bɛʼrɛ Yeso a Nazarɛd
(Mak 6:1-6; Luk 4:16-30)
53Èndzobo chɛ Yeso à mɛɛrɛ gà nklamara timi tsɔnɔ ngɛ, è nyɛrɛ afwɔ yɛ. 54Engɔ ngɔɔ achim abɛ be mɔ. Engɔ tee abwa ebe bɔ efwɔ ndɔ bɛ̀ɛrɛ abwa Ngwe bɔ Juu. Abɔ a zhuru ngɛ kɔ̂n sa biiri kpe, “Engɔ ne nu m̀pè azɔm zɔnɔ awe? Engɔ ne nu ekama é fwɛʼ abwa zodo zodo zɔnɔ awe? 55Engɔ ke ma ŋwɔ àkwɔm ezɔd bo? Áʼɔ̧̀ mɔ ke ma Meri bo? Jems, Yɔsɛf Shimun, mane Judas ke ma bwɔngwa ngɔ bo? 56Bwɔngwaaye ngɔ gimkpaʼ ke ma tsɔmɔ nè ntsɔ anɔ bo? È ne nu azɔm mane ekama zɔnɔ zeʼ awe?” 57Éngɛ â bɛʼrɛ engɔ. Bɛʼngɛ Yeso gâ ebe angɔ kpe, “E ba ghɔ àmɛnɛkɔn Ngwe akwâ gimkpaʼ à tye ekla ngɔ mane abɛ mɔ.” 58Yeso à ke le abwa zodo zodo akɛkɛ aŋu bo mbɔʼnga angɔ à ke me le ebɛrɛtaa bo.
Terpilih Sekarang Ini:
:
Highlight
Kongsi
Salin
Ingin menyimpan sorotan merentas semua peranti anda? Mendaftar atau log masuk
© 2022, CABTAL