Matəw 12
12
Ibiri da aney aku ba Jû
1Akaʼa maʼa wu, Yeso nə mbə́ məŋə-anó ma mə yeŋ chigə ungɨŋ imbayn ikywi aney aku ba Jû. Injey mə zaŋa abú mbə məŋə-anó ma anigə mbə́ mə́ pa ikywi moʼ məʼə koro. 2Amaʼazənə ba Farasay zən anó zəŋ, mbə́ ghayn abú Yeso kwi, “Zən! U mbə məŋə-anó mbə aghəy anó nu cha umba unoʼo di tey ma kwi u aghəy aney aku.”
3Yeso ywiri abú úŋwən kwi, “Cha mbən di si foŋ ngwən anó zənə ufon Dafid aghəy Amaʼazənə injəy mə zaŋa uŋwən foro ba mbənə mbə́ mə́ boʼo uŋwən? 4Yə ŋu nyi ungɨŋ na Nwiye anigə uŋwən nə ba mbənə mbə́ mə́ aboʼo uŋwən jəg ijəg tənə mbə naʼa akə ghəy ifaʼ ifigi Nwiye. Cha unoʼo tey ma kwi u jəg ijəg wu. Aba ba mbənə umə́ faʼa ambəŋ Nwiye amə ghəy u jəg ijəg wu. 5Kə cha mbən di si foŋ ngwən ungɨŋ unoʼo Mose kwi ba faʼa ambəŋ Nwiye mbə gow unoʼo aney aku anigə mbə́ chomo ni ba mbənə cha u gow ma anó moʼ. 6Ayə ghayn inen kwi, ghəy moʼ yə akəŋ aməde chigə imbəŋ Nwiye. 7#Mat 9.13Mbən di bi kyay aton akə inayn Nwiye zənə ighayn kwi, ‘Ayə kaba amə kwi ba diri u chini akəma kwi mbən naʼa u aghəy ifa iniŋ.’ Nji cha mbən mə zi ngwən usaʼa igun ba mbənə cha u gow ma anó, moʼ. 8Mbən kyay kwi Ŋwə̂ Wa mə Asɨyisəg foro igun aney aku.”
Yeso zwey wa nu abugə ma si ku
9Yeso noʼ ambayn wu ŋu nyi ungɨŋ na bumi ba Jû zənə yə mə awu. 10Anom moʼ mə awu nu abugə ma feyn si ku. Ba Farasay mə kaba izi usaʼa igun Yeso anigə u biri abú uŋwən kwi, “Noʼo waʼa tey kwi u zwey wa aney aku?”
11 #
Luk 14.5
Yeso ywiri abú úŋwən kwi, “Amə ngwa injən akaʼa nu ubə mə aba nə injəg feyn anigə iŋu fwayn ungɨŋ ubəg cha umi chi ma damugə amə aney aku? 12Wa chigə ma akə injəg, anigə unoʼo tey kwi mba ghəy ichuŋ aney aku.”
13Amaʼazənə yə ghayn nigə, Yə ghayn abú anóm wu kwi, “Sá injə abugə.” Yə sá anigə abugə ma gha ka ni abugə zi.
14Amaʼazənə ba Farasay wu zən nigə, mbə́ du ŋu tana umugə umi zwere Yeso.
Wa faʼa ŋunə Nwiye choʼo
15Yeso kyay kwi ba Farasay mbə itə́ únaŋ da uŋwən anigə yə noʼ asin wu. Akama ba ŋu aboʼo uŋwən anigə yə zwey ba isɨgə ujum mbənə mbə́ mə́ aboʼo úŋwən 16Amaʼazənə yə zwey nigə, yə chere úŋwən kwi ka u aghəy ma kwi ba kyay wa ŋunə amə uŋwən. 17Yə ghəy ney da inayn zənə Nwiye chigə anjim wa ukən Azaya ghayn iduw akə asiʼ kwi,
18“Zən! Amə uŋu wa faʼa ŋunə a si choʼo,
Mə wuʼi uŋwən kwaʼa ingəʼ, nyi fiŋ yə anji chuŋ da uŋwən.
A yi zi inyi azugə igun uŋwən,
Anigə uyi ghayn abú usin ujum kwi ayi saʼa úŋwən akə inji zənə ikoʼoro.
19Cha umi taŋa ma kə ni kyayn akə ikay.
Cha ba mi zəw ma igəg ma anji
20Cha umi buʼe ma ufəʼ ŋunə u si gune
Kə iniy anam zənə amə sə nimə
Pey Amaʼazənə u mi aghəy kwi, unó mbənə u koʼoro u jəg isəg.
21Ba ujum umbi niŋi ikono uma igun ma.”
Anó da Yeso nə Belzebul
22Ba moʼ num anóm moʼ nu uzugə iboŋ mə́ ungɨŋ inyo ma ŋu abú Yeso. Anom wu figə, cha yə mə nibə inayn. Mbə ŋu nigə Yeso zwey uŋwən. Yə ti ni inayn nibə zən usin. 23Ba jum mbənə mbə́ mə́ awu zən nigə yere ghayn kwi, “Amə ghəy uŋwən mə ŋwə̂ ufon Dafid?”
24 #
Mat 9.34; 10.25 Amaʼazənə ba Farasay zəw anó zəŋ, mbə́ ghayn kwi, “Anom ŋunə yə chiyə uzugə iboŋ akə inay nu Belzebul nu amə ufon uzugə iboŋ naʼa abú uŋwən.”
25Yeso kyay anó zənə mbə́ mə́ kono anigə ighayn abú úŋwen kwi, “Abey bə ghaba akə uba uba sə zoŋo uma uma, abey wu yi saʼa. Asin moʼ kə unebey moʼ bə ghaba akə uba sə zoŋo, cha asin wu kə unebey wu mi təm. 26Satan bə mə chiyə Satan, nji yə si ghaba inyo ma. Ano ufon ma mi si təm ngiya? 27Abə mə chiyə uzugə iboŋ akə ikay nu Belzebul naʼa iniŋ, nji umbən ba mə chiyə akə ikay nu amə ngwa naʼa abú úŋwən? Mbən kyay kwi amə umbən ba mi saʼa ngwən. 28Asɨmə a bə mə chiyə akə ikay nu Azugə Nwiye naʼa iniŋ, nji yə tey kwi anó ufon Nwiye si zaʼa foro inen.”
29“Amə ngiya amə́ ghəy wa moʼ ŋu nyi ungɨŋ na wa ŋunə umə nə ikay anigə ibeʼe ughəy ma nu cha u di kod ma wa wu? U yi dey kod uŋwən ki sə beʼe ughəy ma. 30#Mak 9.40Wa ŋunə cha uŋwən nə umugə yə ton aŋu. Wa ŋunə cha umə were ma aŋu ifere, u yə saʼara.” 31Anigə ayə ghayn inen kwi, “Nwiye yi waʼ unó iboŋ ujum nibi waʼ ijimi jum itənə ba mə jimə Nwiye awu.#12.31 Unó iboŋ mbə́ mə́ ghayn da Nwiye. Asɨmə, cha umi waʼ ma unó iboŋ ba mbənə umə jimə Azugə Zayn Zayn. 32#Luk 12.10Nwiye yi waʼ unó iboŋ wa moʼ ŋunə u ghayn inayn iboŋ da Ŋwə̂ Wa, asɨmə cha umi waʼa ma umbi wa ŋunə u ghayn inayn iboŋ da Azugə zayn zayn, Kə amə akə ungɨŋ isəg zəŋ kə ungɨŋ isəg zənə imə zaʼa.”
Anó da azad nə itɨŋi ma
33 #
Mat 7.20; Luk 6.44 Yeso ŋu imbey ghayn kwi, “Azad bə boŋo, itɨŋi ma ti boŋ. Azad bə ibɨy, itɨŋi ma ti nibi ibɨy, umbə kyay azad akə itɨŋi ma. 34#Mat 3.7; 23.33; Luk 3.7; Mat 15.18; Luk 6.45Mbən mə ijugə iboŋ, mbən mə ghayn unó chuŋ ngiya nu mbən mə ba unó iboŋ? Uchəw yə ghayn amə anó zənə amə ungɨŋ fiŋ. 35Wa chuŋ yə chiyə aghəy chuŋ ungɨŋ u aghəy chuŋ mbənə umə ungɨŋ ma, wa iboŋ yə chiyə unó iboŋ ungɨŋ unó mbənə umə ungɨŋ ma. 36Ayə ghayn inen kwi, aney zənə Nwiye mi saʼa isəg, ba jum mbi naʼa aton akə inayn iboŋ tənə mbən u mə inayn. 37Amə akə inji inayn u mi num saʼa ayə kwi ngwə chigə kə ngwə gow. Amə nibə akə inji inayn, u mi num izi usaʼa igun inigə.”
Mbə ghayn abú Yeso kwi u aghəy ayere anó
38 #
Mat 16.1; Mak 8.11; Luk 11.16 Ba moʼ nu mbə́ mə́ taʼa ba akə unoʼo foro ba Farasay moʼ ghayn abú Yeso kwi, “Ataʼa ba mba yə kaba kwi ngwə aghəy ayere anó moʼ mba zən.”
39 #
Mat 16.4; Mak 8.12 Yeso ywiri abú úŋwən kwi, “Umbən ba akinine mbən yə aghəy unó iboŋ, cha mbən zi ngwən fiŋ inyo Nwiye. Mbən yə kaba kwi a aghəy ayere anó, asɨmə cha ami aghəy aŋu ayere anó moʼ chigə akə zənə yə́ aghəy abú wa ukən Nwiye Jona. 40Umugə Jona chomo ungɨŋ ibum su kyayn akə ingom nə afəb uta. Amə nibə umugə Ŋwə̂ Wa mi chomo ungɨŋ isəy akə ingom nə afəb uta. 41Aney zənə Nwiye mi saʼa isəg, ba Ninive mbi noʼ izi usaʼa igun ba kinine damugə amaʼazənə Jona ghayn inayn Nwiye mbə́ beŋe fiŋ uma. Asɨmə a ghəy moʼ yə akəŋ akinine nu aməde chigə Jona. 42Aney zənə Nwiye mi saʼa isəg, ufon ayey ŋunə amə Sheba yi noʼ izi usaʼa igun ba akinine damugə yə noʼo agha sá zaʼa zəw unó iwe abú Solomon. Asɨmə wa moʼ yə akəŋ akinine nu u mede chigə Solomon.”
Anó da umugə azugə iboŋ mi wene ŋu nyi ungɨŋ wa
43Yeso ŋu imbey ghayn kwi, “Azugə iboŋ bə duw ungɨŋ wa, ayə gha yeŋ usin mbənə cha une awu. Yeŋ yə kaba asin izwere. Abə ki zən ma, 44A yi ghayn kwi, ‘A yi wene iŋu ungɨŋ inyi na zənə mə duw ungɨŋ.’ Amaʼazənə a wene ŋu pey yi zən na wu u si səw ifira itana anji chuŋ. 45Anigə u yi wene ŋu izaʼa nə uzugə chini sambigə nu u biy chigə uŋwən. U ŋu nyi chomo ungɨŋ na wu. Ingəʼ yi nyi igun wa wu chigə izənə yi di mə awu. Amə anó zənə ami aghəy abú ba akinine nu umə aghəy unó iboŋ.”
Unya anóm Yeso nə ingo ma
46Amaʼazənə Yeso mə bugə inayn abú akama ba wu, ingo ma nə unya anóm ma ŋu pey yi təm isəg. Mbə́ mə́ kaba inayn abú uŋwən. 47Wa moʼ akaʼa ba mbənə mbə́ mə́ awu ghayn abú Yeso kwi, “Ungwə ingo nə umbə unya anóm umbə isəg kaba inayn inigə.”#12.47 Cha asin zəŋ ungɨŋ uŋwaʼanayn mo.
48Yeso ywiri abú wa wu kwi, “Amə ngiya mə uŋu ingo nə umbəŋ unya anóm?” 49Yə ghayn nigə isá abugə itey mbə məŋə-anó ma ighayn kwi, “Aney umbəŋ ingo nə umbəŋ unya anóm mbəŋ. 50Wa ŋunə umə aghəy unó mbənə uŋu Mbaʼ azobo kaba amə uŋu unya anóm, nə uŋu unya ayey foro uŋu ingo.”
Terpilih Sekarang Ini:
Matəw 12: NGI
Highlight
Kongsi
Salin
Ingin menyimpan sorotan merentas semua peranti anda? Mendaftar atau log masuk
© 2023 CABTAL
Matəw 12
12
Ibiri da aney aku ba Jû
1Akaʼa maʼa wu, Yeso nə mbə́ məŋə-anó ma mə yeŋ chigə ungɨŋ imbayn ikywi aney aku ba Jû. Injey mə zaŋa abú mbə məŋə-anó ma anigə mbə́ mə́ pa ikywi moʼ məʼə koro. 2Amaʼazənə ba Farasay zən anó zəŋ, mbə́ ghayn abú Yeso kwi, “Zən! U mbə məŋə-anó mbə aghəy anó nu cha umba unoʼo di tey ma kwi u aghəy aney aku.”
3Yeso ywiri abú úŋwən kwi, “Cha mbən di si foŋ ngwən anó zənə ufon Dafid aghəy Amaʼazənə injəy mə zaŋa uŋwən foro ba mbənə mbə́ mə́ boʼo uŋwən? 4Yə ŋu nyi ungɨŋ na Nwiye anigə uŋwən nə ba mbənə mbə́ mə́ aboʼo uŋwən jəg ijəg tənə mbə naʼa akə ghəy ifaʼ ifigi Nwiye. Cha unoʼo tey ma kwi u jəg ijəg wu. Aba ba mbənə umə́ faʼa ambəŋ Nwiye amə ghəy u jəg ijəg wu. 5Kə cha mbən di si foŋ ngwən ungɨŋ unoʼo Mose kwi ba faʼa ambəŋ Nwiye mbə gow unoʼo aney aku anigə mbə́ chomo ni ba mbənə cha u gow ma anó moʼ. 6Ayə ghayn inen kwi, ghəy moʼ yə akəŋ aməde chigə imbəŋ Nwiye. 7#Mat 9.13Mbən di bi kyay aton akə inayn Nwiye zənə ighayn kwi, ‘Ayə kaba amə kwi ba diri u chini akəma kwi mbən naʼa u aghəy ifa iniŋ.’ Nji cha mbən mə zi ngwən usaʼa igun ba mbənə cha u gow ma anó, moʼ. 8Mbən kyay kwi Ŋwə̂ Wa mə Asɨyisəg foro igun aney aku.”
Yeso zwey wa nu abugə ma si ku
9Yeso noʼ ambayn wu ŋu nyi ungɨŋ na bumi ba Jû zənə yə mə awu. 10Anom moʼ mə awu nu abugə ma feyn si ku. Ba Farasay mə kaba izi usaʼa igun Yeso anigə u biri abú uŋwən kwi, “Noʼo waʼa tey kwi u zwey wa aney aku?”
11 #
Luk 14.5
Yeso ywiri abú úŋwən kwi, “Amə ngwa injən akaʼa nu ubə mə aba nə injəg feyn anigə iŋu fwayn ungɨŋ ubəg cha umi chi ma damugə amə aney aku? 12Wa chigə ma akə injəg, anigə unoʼo tey kwi mba ghəy ichuŋ aney aku.”
13Amaʼazənə yə ghayn nigə, Yə ghayn abú anóm wu kwi, “Sá injə abugə.” Yə sá anigə abugə ma gha ka ni abugə zi.
14Amaʼazənə ba Farasay wu zən nigə, mbə́ du ŋu tana umugə umi zwere Yeso.
Wa faʼa ŋunə Nwiye choʼo
15Yeso kyay kwi ba Farasay mbə itə́ únaŋ da uŋwən anigə yə noʼ asin wu. Akama ba ŋu aboʼo uŋwən anigə yə zwey ba isɨgə ujum mbənə mbə́ mə́ aboʼo úŋwən 16Amaʼazənə yə zwey nigə, yə chere úŋwən kwi ka u aghəy ma kwi ba kyay wa ŋunə amə uŋwən. 17Yə ghəy ney da inayn zənə Nwiye chigə anjim wa ukən Azaya ghayn iduw akə asiʼ kwi,
18“Zən! Amə uŋu wa faʼa ŋunə a si choʼo,
Mə wuʼi uŋwən kwaʼa ingəʼ, nyi fiŋ yə anji chuŋ da uŋwən.
A yi zi inyi azugə igun uŋwən,
Anigə uyi ghayn abú usin ujum kwi ayi saʼa úŋwən akə inji zənə ikoʼoro.
19Cha umi taŋa ma kə ni kyayn akə ikay.
Cha ba mi zəw ma igəg ma anji
20Cha umi buʼe ma ufəʼ ŋunə u si gune
Kə iniy anam zənə amə sə nimə
Pey Amaʼazənə u mi aghəy kwi, unó mbənə u koʼoro u jəg isəg.
21Ba ujum umbi niŋi ikono uma igun ma.”
Anó da Yeso nə Belzebul
22Ba moʼ num anóm moʼ nu uzugə iboŋ mə́ ungɨŋ inyo ma ŋu abú Yeso. Anom wu figə, cha yə mə nibə inayn. Mbə ŋu nigə Yeso zwey uŋwən. Yə ti ni inayn nibə zən usin. 23Ba jum mbənə mbə́ mə́ awu zən nigə yere ghayn kwi, “Amə ghəy uŋwən mə ŋwə̂ ufon Dafid?”
24 #
Mat 9.34; 10.25 Amaʼazənə ba Farasay zəw anó zəŋ, mbə́ ghayn kwi, “Anom ŋunə yə chiyə uzugə iboŋ akə inay nu Belzebul nu amə ufon uzugə iboŋ naʼa abú uŋwən.”
25Yeso kyay anó zənə mbə́ mə́ kono anigə ighayn abú úŋwen kwi, “Abey bə ghaba akə uba uba sə zoŋo uma uma, abey wu yi saʼa. Asin moʼ kə unebey moʼ bə ghaba akə uba sə zoŋo, cha asin wu kə unebey wu mi təm. 26Satan bə mə chiyə Satan, nji yə si ghaba inyo ma. Ano ufon ma mi si təm ngiya? 27Abə mə chiyə uzugə iboŋ akə ikay nu Belzebul naʼa iniŋ, nji umbən ba mə chiyə akə ikay nu amə ngwa naʼa abú úŋwən? Mbən kyay kwi amə umbən ba mi saʼa ngwən. 28Asɨmə a bə mə chiyə akə ikay nu Azugə Nwiye naʼa iniŋ, nji yə tey kwi anó ufon Nwiye si zaʼa foro inen.”
29“Amə ngiya amə́ ghəy wa moʼ ŋu nyi ungɨŋ na wa ŋunə umə nə ikay anigə ibeʼe ughəy ma nu cha u di kod ma wa wu? U yi dey kod uŋwən ki sə beʼe ughəy ma. 30#Mak 9.40Wa ŋunə cha uŋwən nə umugə yə ton aŋu. Wa ŋunə cha umə were ma aŋu ifere, u yə saʼara.” 31Anigə ayə ghayn inen kwi, “Nwiye yi waʼ unó iboŋ ujum nibi waʼ ijimi jum itənə ba mə jimə Nwiye awu.#12.31 Unó iboŋ mbə́ mə́ ghayn da Nwiye. Asɨmə, cha umi waʼ ma unó iboŋ ba mbənə umə jimə Azugə Zayn Zayn. 32#Luk 12.10Nwiye yi waʼ unó iboŋ wa moʼ ŋunə u ghayn inayn iboŋ da Ŋwə̂ Wa, asɨmə cha umi waʼa ma umbi wa ŋunə u ghayn inayn iboŋ da Azugə zayn zayn, Kə amə akə ungɨŋ isəg zəŋ kə ungɨŋ isəg zənə imə zaʼa.”
Anó da azad nə itɨŋi ma
33 #
Mat 7.20; Luk 6.44 Yeso ŋu imbey ghayn kwi, “Azad bə boŋo, itɨŋi ma ti boŋ. Azad bə ibɨy, itɨŋi ma ti nibi ibɨy, umbə kyay azad akə itɨŋi ma. 34#Mat 3.7; 23.33; Luk 3.7; Mat 15.18; Luk 6.45Mbən mə ijugə iboŋ, mbən mə ghayn unó chuŋ ngiya nu mbən mə ba unó iboŋ? Uchəw yə ghayn amə anó zənə amə ungɨŋ fiŋ. 35Wa chuŋ yə chiyə aghəy chuŋ ungɨŋ u aghəy chuŋ mbənə umə ungɨŋ ma, wa iboŋ yə chiyə unó iboŋ ungɨŋ unó mbənə umə ungɨŋ ma. 36Ayə ghayn inen kwi, aney zənə Nwiye mi saʼa isəg, ba jum mbi naʼa aton akə inayn iboŋ tənə mbən u mə inayn. 37Amə akə inji inayn u mi num saʼa ayə kwi ngwə chigə kə ngwə gow. Amə nibə akə inji inayn, u mi num izi usaʼa igun inigə.”
Mbə ghayn abú Yeso kwi u aghəy ayere anó
38 #
Mat 16.1; Mak 8.11; Luk 11.16 Ba moʼ nu mbə́ mə́ taʼa ba akə unoʼo foro ba Farasay moʼ ghayn abú Yeso kwi, “Ataʼa ba mba yə kaba kwi ngwə aghəy ayere anó moʼ mba zən.”
39 #
Mat 16.4; Mak 8.12 Yeso ywiri abú úŋwən kwi, “Umbən ba akinine mbən yə aghəy unó iboŋ, cha mbən zi ngwən fiŋ inyo Nwiye. Mbən yə kaba kwi a aghəy ayere anó, asɨmə cha ami aghəy aŋu ayere anó moʼ chigə akə zənə yə́ aghəy abú wa ukən Nwiye Jona. 40Umugə Jona chomo ungɨŋ ibum su kyayn akə ingom nə afəb uta. Amə nibə umugə Ŋwə̂ Wa mi chomo ungɨŋ isəy akə ingom nə afəb uta. 41Aney zənə Nwiye mi saʼa isəg, ba Ninive mbi noʼ izi usaʼa igun ba kinine damugə amaʼazənə Jona ghayn inayn Nwiye mbə́ beŋe fiŋ uma. Asɨmə a ghəy moʼ yə akəŋ akinine nu aməde chigə Jona. 42Aney zənə Nwiye mi saʼa isəg, ufon ayey ŋunə amə Sheba yi noʼ izi usaʼa igun ba akinine damugə yə noʼo agha sá zaʼa zəw unó iwe abú Solomon. Asɨmə wa moʼ yə akəŋ akinine nu u mede chigə Solomon.”
Anó da umugə azugə iboŋ mi wene ŋu nyi ungɨŋ wa
43Yeso ŋu imbey ghayn kwi, “Azugə iboŋ bə duw ungɨŋ wa, ayə gha yeŋ usin mbənə cha une awu. Yeŋ yə kaba asin izwere. Abə ki zən ma, 44A yi ghayn kwi, ‘A yi wene iŋu ungɨŋ inyi na zənə mə duw ungɨŋ.’ Amaʼazənə a wene ŋu pey yi zən na wu u si səw ifira itana anji chuŋ. 45Anigə u yi wene ŋu izaʼa nə uzugə chini sambigə nu u biy chigə uŋwən. U ŋu nyi chomo ungɨŋ na wu. Ingəʼ yi nyi igun wa wu chigə izənə yi di mə awu. Amə anó zənə ami aghəy abú ba akinine nu umə aghəy unó iboŋ.”
Unya anóm Yeso nə ingo ma
46Amaʼazənə Yeso mə bugə inayn abú akama ba wu, ingo ma nə unya anóm ma ŋu pey yi təm isəg. Mbə́ mə́ kaba inayn abú uŋwən. 47Wa moʼ akaʼa ba mbənə mbə́ mə́ awu ghayn abú Yeso kwi, “Ungwə ingo nə umbə unya anóm umbə isəg kaba inayn inigə.”#12.47 Cha asin zəŋ ungɨŋ uŋwaʼanayn mo.
48Yeso ywiri abú wa wu kwi, “Amə ngiya mə uŋu ingo nə umbəŋ unya anóm?” 49Yə ghayn nigə isá abugə itey mbə məŋə-anó ma ighayn kwi, “Aney umbəŋ ingo nə umbəŋ unya anóm mbəŋ. 50Wa ŋunə umə aghəy unó mbənə uŋu Mbaʼ azobo kaba amə uŋu unya anóm, nə uŋu unya ayey foro uŋu ingo.”
Terpilih Sekarang Ini:
:
Highlight
Kongsi
Salin
Ingin menyimpan sorotan merentas semua peranti anda? Mendaftar atau log masuk
© 2023 CABTAL