Matta 12
12
Bʌtʌm Kɛl A Dul Kɨlatǝm Kum Fǝbtǝm
(Mar 2:23-28; Luk 6:1-5)
1Nǝn Kum Fǝbtǝm, Yesu jǝbɔ bɛtɔ mɛlalɨ gǝnɔ shu lɛ a gola nɨ a yɔ a twam jaamɨ. Jʊwanɔ a ta bɛtɔ mɛlalɨ gǝnɔ. Nǝngɔ ja tǝl ja kwɛl nu jaamɔ jǝ kʊʊ lɛɨ. 2Nǝbɔ Farisaɨ a kuwo nyɨɨ, nǝngɔ ja sʊwa gǝn gɔ, “N wɔ, bɛtɔ mɛlalɨ mʊnɔ maa jʊ nɨ lɛ diilɔ a sʊwa gɔ ka ja maa lɛ nǝn Kum Fǝbtǝmɨ.”
3Nǝngɔ a sʊwa ji gɔ, “Jǝ́ kiyo bɔ jʊ nɨ Dauda a maa kwama nɨ a nyʊwam jʊwan jǝbɔ fatǝm yɔm gǝnɨ ka? 4A dɔ lɔ Kwaamaɨ, gɔ jǝbɔ fatǝlam gǝnɔ ja ja kʊkkʊm nɨ ja tǝlam twamaɨ, wʊnɨ diilɔ a sʊwa gɔ ke bɔ gɔ jǝbɔ fatǝm yɔm gǝnɔ jǝ ja lɛɨ, n nǝbkǝlam kwaaji maa lɛ nyɨɨ. 5Jǝ́ kiyo bɔ a mʊgɔ diil Musaɨ ka, kanga nǝbkǝlamɔ a kǝl diil Kum Fǝbtǝmɔ a Kan Kwaamanɨ, a wʊnɨ a yǝlam jim bɔ bwɨlangkɛlɨ? 6Mǝ sʊwa jen nɛ, nʊ nɨ a laa Kan Kwaamanɨ, n wɔ. 7Na na jǝ́ nyǝm n wɛ jʊ nɨ nʊng lɛɨ, ‘A mǝndɨ n jitǝm bʊnǝn nǝbɨɨ mǝ saa lɛ a daa jen woi, n ke bɔ twɨtǝm yulʌn,’ na mɨsɔ jǝ́ tuwo nǝb bɨlǝngkɛlɔ lɛ nǝn bwɨlangkɛl. 8Jʊ a bwɨɨ, Bʊla Nǝlɨ nǝn gɔ Tɛlalɔ Kum Fǝbtǝmɨ.”
Nʊ Nɨ Kangɔ A Swam Swamɨ
(Mar 3:1-6; Luk 6:6-11)
9Nǝngɔ Yesu a bǝla daa gɔ a dɔ kan mɛlalɨ jini. 10Kaa nǝl wo kangɔ a swam swamɨ, nǝngɔ ja bʌ Yesu gɔ, “A diilɔ gǝmɨ, a bʊm nyɔ ja gung nǝl nǝn Kum Fǝbtǝm ka?” Ja bʌ nyɔ, jʊ a bwɨɨ jǝ swɨ lɛ ja ka kɛl gǝnɔ.
11Nǝngɔ a sʊwa ji gɔ, “Mǝ swɨ lɛ n bʌ jen kɛl. Na kaa nǝl a kʊm jen nǝngǝn nǝn kwamɨ, na a yal a bʊwa nǝn Kum Fǝbtǝmɨ, mɨsɔ jǝg lɛ ka?” 12Nǝngɔ a bʌ ji gɔ, “Nǝfili a laa bɔ kwamɨgɔ dʊʊn ka? A dul kɛl diilɔ gǝmɨ, a bʊm nyɔ jǝ́ maa jǝ nya nǝn Kum Fǝbtǝm.”
13Nǝngɔ a sʊwa nʊ nɨ gɔ, “Mal kang mʊnɔ.” Nǝngɔ a malɨ. Nǝngɔ kang gǝnɔ a yǝla a bɛ tʌgo dǝngdǝng na a wini. 14Nǝbɔ Farisaɨ a jel, ja kiyo kɛl a dul gǝn, kanga jǝ jʌm gǝn nɛɨ.
Yiitǝm Kɛl Ishayaɨ Nǝkuwotǝmkǝga
15Yesu a nyǝm nyɨɨ, nǝngɔ a gun a bǝla daa gɨɨ. Nǝbɔ a lada nyɔ a bwang gǝm, nǝngɔ a gung ji gwamɨ. 16Nǝngɔ a gʊ lɔl jinɔ gɔ ka ja sʊwa lɛ nǝbɔ gɔ gǝ nǝn nuwo. 17Wʊnɨ n yiitǝm sʊwatǝm nǝkuwotǝmkǝga Ishayaɨ gɔ,
18“Bwɛ jwaalɛ mǝndɨ n wɔ,
wʊnɨ mǝ jǝgǝmɨ,
nʊ mǝ swɨ lɛɨ,
mǝ nyʊwa fulotǝm
nǝl lɛ nǝn gǝ dangǝnɨ.
Mǝ dǝg gǝm dǝg Yʊwa mǝndɨɨ,
nǝn gɔ ba sʊwa Bʌtʌbɔ gɔ n
mwatɨ borangɔ dǝngdǝngɨ.
19Mɨsɔ gʊbka kɛl lɛ.
Mɨsɔ do kɛl lɛ nǝn nabwɨl.
Mɨ nǝn nʊ nɨ nyʊwa diil gǝnɔ lɛ a golaɨ.
20Mɨsɔ kǝl mɛlang nɨ lɛ a lʊʊ lʊʊɨ,
mɨsɔ dum kǝla nɨ lɛ saa dumotǝm lɛɨ,
a yɔ nǝn a kwama nɨ a dǝg
bɨlǝngkɛlɔ la ku jelʌni.
21Bʌtʌbɔ ya ya nǝl a dun gǝn.”
Yesu Jǝbɔ Baalzabul
(Mar 3:19-30; Luk 11:14-23)
22Nǝngɔ ja bɛ gǝm nǝn kuli nɨ mɨ sʊwa kɛl lɛɨ, wʊnɨ nǝn yʊwa bwɨlaɨ. Yesu a gung gǝn. Sʊwa kɛl lɛ, kuwo lɛ. 23Nǝbɔ gwam a ta kang a nyiyo gɔ, “Nʊ nɨ nǝn bʊla Daudaɨ ka?”
24Nǝbɔ Farisaɨ a nyʊwa nyɨɨ, nǝngɔ ja sʊwa gɔ, “Nǝn Baalzabul fɔlɔ nǝblaamɨ, a nǝ gǝn kwaan jǝgtǝm nǝblaamɨ.”
25Yesu a nyǝm bʊʊlalɨ jini, nǝngɔ a sʊwa ji gɔ, “Gwam fɔlɔn nɨ a bel yo a kɛl kii, fɔlɔn gɔ mɨsɔ tɨ lɛ. Mɨ tuulɔ nɨ jǝbɔ lɔ nɨ maa kii lɛ a kʊm jini, tɨ lɛɨ. 26Na Mammɔ a jǝg Mammɔ jǝ maa kii lɛ dakinii, maa nyǝn fɔlɔn gǝnɔ tɨ lɛɨ? 27Na mǝ jǝg nǝblaamɔ nǝn kwaan Baalzabuli, bɛtɔ mɛlalɨ jenɔ lɛ, jǝ jǝg nǝn kwaan woi? Bɛtɔ mɛlalɨ jenɔ, nǝji jǝ yǝlam nǝb gartǝm borang jenɔ lɛɨ. 28Na mǝ jǝg nǝblaamɔ nǝn Yʊwa Kwaamaɨ, a nʊng fɔlɔn lɔ Kwaamaɨ a bɛ jem.
29“Nǝl maa nyǝn dɔ lɔ nǝ kwaan nɛ#12:29 Nǝ kwaan nɨ nǝn Baalzabul, mammɔ. ga wɔɔ kanjǝl gǝnɨ, na ga tǝl bɔ ga bwa gǝn dɨnɨ, sǝla ga wɔɔ kanjǝl lɔ gǝnɨ?
30“Nʊ nɨ ke bɔ a mɨɨ, n kii maa lɛ jǝbɔ mɨɨ. Nʊ nɨ mɨ tɨka ɨ mʊrtǝm lɛɨ, n kwɨtǝm kwɨ lɛɨ. 31Mǝ sʊwa jen nɛ, Kwaama kǝlǝm kǝlǝm nǝbɔ gǝm a maa bwɨlangkɛl, a kal dun gǝnɨ. Nʊ nɨ a kal dun Yʊwa Kwaamaɨ, mɨsɔ kǝlǝm gǝm lɛ. 32Nʊ nɨ a kal dun Bʊla Nǝlɨ, Kwaama kǝlǝm gǝm kǝlǝm. Nʊ nɨ a kal dun Yʊwa Kwaamaɨ, mɨsɔ kǝlǝm gǝm lɛ fɔ a yooli nɨ, a yɔ nǝn a dʌbʌl.
Tɨya Jǝbɔ Tʊʊl Gǝnɔ
(Luk 6:43-45)
33“Tɨya nyan, gǝ tʊʊ tʊʊl nyan, tɨya bwɨla, gǝ tʊʊ tʊʊl bwɨla, tɨyagɔ jǝ nyǝm gǝn nǝn tʊʊl gǝnɔ. 34Jǝ́ faatɨn! Jǝ́ nyǝm sʊwatǝm kɛl nyanɔ nyǝn, jen nɨ jǝ́ nǝb bwɨlanɨ? Jʊ a mʊgɔ nǝlɨ, n jʊ jel lɛ a nyiyoi. 35Nǝ nyan gǝ jǝg kanjǝl nyan a jʊ nɨ a yʊ a mʊgɔ nǝl gǝnɨ. Nǝ bwɨla n kanjǝl bwɨla gǝ jǝg lɛ a jʊ nɨ a yʊ a nǝl gǝnɨ. 36Mǝ sʊwa jen nɛ, bwɨlang katɨ nɨ gwam nǝbɔ sʊwa lɛɨ, jǝ kiyo kiyo nǝn kɔkɔ borangɔ fʌngi. 37Kɛl mʊnɔ nǝn gɔ jǝg ń nɛɨ, nǝn gɔ nʊng bwɨlangkɛl mʊnɔ lɛɨ.”
Nǝb Mɛlalɨ Diilɔ Jǝbɔ Nǝbɔ Farisaɨ Saa Jǝ Nʊngtǝm Lɛ
(Mar 8:11,12; Luk 11:29-32)
38Kaam nǝb mɛlalɨ diilɔ jǝbɔ nǝbɔ Farisaɨ ja sʊwa gǝn gɔ, “Feyi, nǝn swɨ lɛ nǝ kuwo jǝ laatǝm kang a daa mʊ woi, wʊnɨ nʊng lɛ mʊ jel a daa Kwaama woi.”
39Nǝngɔ a jǝla ji gɔ, “Kal nɨ, nǝb bwɨlan, mɨ jǝ nyʊwa taal Kwaamaɨ lɛ. Jǝ swɨ lɛ ja kuwo jǝ nʊngtǝm! Mɨ kaa jʊ nɨ wo jǝ nʊng ji lɛɨ, na ke bɔ a nǝkuwotǝmkǝga Yunanaɨ. 40Kanga Yunana a maa kumɔ taal a mʊgɔ fʌl jʌngi dʊʊnɨ, Bʊla Nǝlɨ maa kumɔ taal, kum jǝbɔ kɔkɔ a mʊgɔ tǝm. 41Galɨgǝn nǝbɔ Ninebaɨ a yǝla a bǝla bwɨlangkɛl jinɔ a gola fulon kɛlɔ Yunana a sʊwa jii. Kǝngkɔ nʊ nɨ a laa Yunanaɨ n wɔ sul, kal nɨ kǝngkɨɨ a kɔ nyʊwatǝm gǝnɔ. A dul kɛl nɨ, nǝn kɔkɔ borangɔ nǝbɔ Ninebaɨ jǝ gun gun tʌgo a kal nɨ gǝm sǝ ja buulʌm jʊ ja maaɨ. 42Galɨgǝn Nɔɔfɔlɔ Sheba a bɛ a tǝm nɨ a kʊta kʊtaɨ sǝ a nyʊwa mɛlalɨ yʊlan nyan fɔlɔ Sulemanui. Kǝngkɔ nʊ nɨ a laa Sulemanui n wɔ sul, kal nɨ kǝngkɨɨ a kɔ nyʊwatǝm gǝnɔ. A dul kɛl nɨ, nǝn kɔkɔ borangɔ Nɔɔfɔlɔ Sheba gun gun tʌgo a kal nɨ gǝm sǝ a buulʌm jʊ ja maaɨ.
Yǝlatǝm Bwɛlaa Fili
(Luk 11:24-26)
43“Na yʊwa bwɨlagɔ a jel a bʊtɔ nǝlɨ, ya gǝ bola a daatɨn nɨ mɨ mwɛ woi, sǝ a nya daa fǝbtǝm, mɨ gǝ nya lɛ. 44Sʊwa gɔ, ‘Mǝ yǝla mǝ yi a lɔ galɨ mǝndɨ mǝ jelʌmi.’ Na a yǝla ya nya lɔngɔ mɨ nǝl woi, ja kʊlam, ja fɛkamɨ, 45yǝla ya wɔɔ kaam nǝblaam wʊnɨ a laa gǝn shili nʌbʌl, sǝ ja dɔ ja yɨ wo. Nʊ nɨ kalatǝm gǝnɔ laa laa na tɨkǝgagɔ. Yǝlam nyɔ nǝn bwɨlang kal nɨɨ.”
Nyɨya Yesui Jǝbɔ Kɛtǝlam Gǝnɔ
(Mar 3:31-35; Luk 8:19-21)
46Sʊwa nǝbɔ kɛlɔ lɛ nyɨɨ, nǝngɔ nyɨya gɔ jǝbɔ kɛtǝlam gǝnɔ jǝ tɨm a yoolii, jǝ swɨ lɛ ja sʊwa gǝn kɛl, 47kaa nǝl a sʊwa gǝn gɔ, “Nɛnɛ mɔ jǝbɔ kɛtǝlam mʊnɔ tɨm a yooli, jǝ swɨ lɛ ja sʊwa ń kɛl.”
48Nǝngɔ a jǝla nʊ nɨ a sʊwa gǝn kɛlɨ gɔ, “Nuwo nyɨ nǝn nɛnɛ mɨɨ, na bǝ wo n kɛtǝlam mɨɨ?” 49Nǝngɔ a mal kang gǝnɔ a daa bɛtɔ mɛlalɨ gǝnɔ woi a sʊwa gɔ, “Nɛnɛ mɨ jǝbɔ kɛtǝlam mɨɨ n wɔ. 50Na nʊ nɨ a maa jʊ nɨ Tɛtɛ mɨ nɨ a dʌbʌli swɨ lɛɨ, n nʊ nǝn kɨla mɨ balɨ jǝbɔ kɨla mɨ nɔɔlɨ jǝbɔ nɛnɛ mɨɨ.”
Terpilih Sekarang Ini:
Matta 12: DBD
Highlight
Kongsi
Salin
Ingin menyimpan sorotan merentas semua peranti anda? Mendaftar atau log masuk
©️2024 Luke Initiative for Scripture Translation
Matta 12
12
Bʌtʌm Kɛl A Dul Kɨlatǝm Kum Fǝbtǝm
(Mar 2:23-28; Luk 6:1-5)
1Nǝn Kum Fǝbtǝm, Yesu jǝbɔ bɛtɔ mɛlalɨ gǝnɔ shu lɛ a gola nɨ a yɔ a twam jaamɨ. Jʊwanɔ a ta bɛtɔ mɛlalɨ gǝnɔ. Nǝngɔ ja tǝl ja kwɛl nu jaamɔ jǝ kʊʊ lɛɨ. 2Nǝbɔ Farisaɨ a kuwo nyɨɨ, nǝngɔ ja sʊwa gǝn gɔ, “N wɔ, bɛtɔ mɛlalɨ mʊnɔ maa jʊ nɨ lɛ diilɔ a sʊwa gɔ ka ja maa lɛ nǝn Kum Fǝbtǝmɨ.”
3Nǝngɔ a sʊwa ji gɔ, “Jǝ́ kiyo bɔ jʊ nɨ Dauda a maa kwama nɨ a nyʊwam jʊwan jǝbɔ fatǝm yɔm gǝnɨ ka? 4A dɔ lɔ Kwaamaɨ, gɔ jǝbɔ fatǝlam gǝnɔ ja ja kʊkkʊm nɨ ja tǝlam twamaɨ, wʊnɨ diilɔ a sʊwa gɔ ke bɔ gɔ jǝbɔ fatǝm yɔm gǝnɔ jǝ ja lɛɨ, n nǝbkǝlam kwaaji maa lɛ nyɨɨ. 5Jǝ́ kiyo bɔ a mʊgɔ diil Musaɨ ka, kanga nǝbkǝlamɔ a kǝl diil Kum Fǝbtǝmɔ a Kan Kwaamanɨ, a wʊnɨ a yǝlam jim bɔ bwɨlangkɛlɨ? 6Mǝ sʊwa jen nɛ, nʊ nɨ a laa Kan Kwaamanɨ, n wɔ. 7Na na jǝ́ nyǝm n wɛ jʊ nɨ nʊng lɛɨ, ‘A mǝndɨ n jitǝm bʊnǝn nǝbɨɨ mǝ saa lɛ a daa jen woi, n ke bɔ twɨtǝm yulʌn,’ na mɨsɔ jǝ́ tuwo nǝb bɨlǝngkɛlɔ lɛ nǝn bwɨlangkɛl. 8Jʊ a bwɨɨ, Bʊla Nǝlɨ nǝn gɔ Tɛlalɔ Kum Fǝbtǝmɨ.”
Nʊ Nɨ Kangɔ A Swam Swamɨ
(Mar 3:1-6; Luk 6:6-11)
9Nǝngɔ Yesu a bǝla daa gɔ a dɔ kan mɛlalɨ jini. 10Kaa nǝl wo kangɔ a swam swamɨ, nǝngɔ ja bʌ Yesu gɔ, “A diilɔ gǝmɨ, a bʊm nyɔ ja gung nǝl nǝn Kum Fǝbtǝm ka?” Ja bʌ nyɔ, jʊ a bwɨɨ jǝ swɨ lɛ ja ka kɛl gǝnɔ.
11Nǝngɔ a sʊwa ji gɔ, “Mǝ swɨ lɛ n bʌ jen kɛl. Na kaa nǝl a kʊm jen nǝngǝn nǝn kwamɨ, na a yal a bʊwa nǝn Kum Fǝbtǝmɨ, mɨsɔ jǝg lɛ ka?” 12Nǝngɔ a bʌ ji gɔ, “Nǝfili a laa bɔ kwamɨgɔ dʊʊn ka? A dul kɛl diilɔ gǝmɨ, a bʊm nyɔ jǝ́ maa jǝ nya nǝn Kum Fǝbtǝm.”
13Nǝngɔ a sʊwa nʊ nɨ gɔ, “Mal kang mʊnɔ.” Nǝngɔ a malɨ. Nǝngɔ kang gǝnɔ a yǝla a bɛ tʌgo dǝngdǝng na a wini. 14Nǝbɔ Farisaɨ a jel, ja kiyo kɛl a dul gǝn, kanga jǝ jʌm gǝn nɛɨ.
Yiitǝm Kɛl Ishayaɨ Nǝkuwotǝmkǝga
15Yesu a nyǝm nyɨɨ, nǝngɔ a gun a bǝla daa gɨɨ. Nǝbɔ a lada nyɔ a bwang gǝm, nǝngɔ a gung ji gwamɨ. 16Nǝngɔ a gʊ lɔl jinɔ gɔ ka ja sʊwa lɛ nǝbɔ gɔ gǝ nǝn nuwo. 17Wʊnɨ n yiitǝm sʊwatǝm nǝkuwotǝmkǝga Ishayaɨ gɔ,
18“Bwɛ jwaalɛ mǝndɨ n wɔ,
wʊnɨ mǝ jǝgǝmɨ,
nʊ mǝ swɨ lɛɨ,
mǝ nyʊwa fulotǝm
nǝl lɛ nǝn gǝ dangǝnɨ.
Mǝ dǝg gǝm dǝg Yʊwa mǝndɨɨ,
nǝn gɔ ba sʊwa Bʌtʌbɔ gɔ n
mwatɨ borangɔ dǝngdǝngɨ.
19Mɨsɔ gʊbka kɛl lɛ.
Mɨsɔ do kɛl lɛ nǝn nabwɨl.
Mɨ nǝn nʊ nɨ nyʊwa diil gǝnɔ lɛ a golaɨ.
20Mɨsɔ kǝl mɛlang nɨ lɛ a lʊʊ lʊʊɨ,
mɨsɔ dum kǝla nɨ lɛ saa dumotǝm lɛɨ,
a yɔ nǝn a kwama nɨ a dǝg
bɨlǝngkɛlɔ la ku jelʌni.
21Bʌtʌbɔ ya ya nǝl a dun gǝn.”
Yesu Jǝbɔ Baalzabul
(Mar 3:19-30; Luk 11:14-23)
22Nǝngɔ ja bɛ gǝm nǝn kuli nɨ mɨ sʊwa kɛl lɛɨ, wʊnɨ nǝn yʊwa bwɨlaɨ. Yesu a gung gǝn. Sʊwa kɛl lɛ, kuwo lɛ. 23Nǝbɔ gwam a ta kang a nyiyo gɔ, “Nʊ nɨ nǝn bʊla Daudaɨ ka?”
24Nǝbɔ Farisaɨ a nyʊwa nyɨɨ, nǝngɔ ja sʊwa gɔ, “Nǝn Baalzabul fɔlɔ nǝblaamɨ, a nǝ gǝn kwaan jǝgtǝm nǝblaamɨ.”
25Yesu a nyǝm bʊʊlalɨ jini, nǝngɔ a sʊwa ji gɔ, “Gwam fɔlɔn nɨ a bel yo a kɛl kii, fɔlɔn gɔ mɨsɔ tɨ lɛ. Mɨ tuulɔ nɨ jǝbɔ lɔ nɨ maa kii lɛ a kʊm jini, tɨ lɛɨ. 26Na Mammɔ a jǝg Mammɔ jǝ maa kii lɛ dakinii, maa nyǝn fɔlɔn gǝnɔ tɨ lɛɨ? 27Na mǝ jǝg nǝblaamɔ nǝn kwaan Baalzabuli, bɛtɔ mɛlalɨ jenɔ lɛ, jǝ jǝg nǝn kwaan woi? Bɛtɔ mɛlalɨ jenɔ, nǝji jǝ yǝlam nǝb gartǝm borang jenɔ lɛɨ. 28Na mǝ jǝg nǝblaamɔ nǝn Yʊwa Kwaamaɨ, a nʊng fɔlɔn lɔ Kwaamaɨ a bɛ jem.
29“Nǝl maa nyǝn dɔ lɔ nǝ kwaan nɛ#12:29 Nǝ kwaan nɨ nǝn Baalzabul, mammɔ. ga wɔɔ kanjǝl gǝnɨ, na ga tǝl bɔ ga bwa gǝn dɨnɨ, sǝla ga wɔɔ kanjǝl lɔ gǝnɨ?
30“Nʊ nɨ ke bɔ a mɨɨ, n kii maa lɛ jǝbɔ mɨɨ. Nʊ nɨ mɨ tɨka ɨ mʊrtǝm lɛɨ, n kwɨtǝm kwɨ lɛɨ. 31Mǝ sʊwa jen nɛ, Kwaama kǝlǝm kǝlǝm nǝbɔ gǝm a maa bwɨlangkɛl, a kal dun gǝnɨ. Nʊ nɨ a kal dun Yʊwa Kwaamaɨ, mɨsɔ kǝlǝm gǝm lɛ. 32Nʊ nɨ a kal dun Bʊla Nǝlɨ, Kwaama kǝlǝm gǝm kǝlǝm. Nʊ nɨ a kal dun Yʊwa Kwaamaɨ, mɨsɔ kǝlǝm gǝm lɛ fɔ a yooli nɨ, a yɔ nǝn a dʌbʌl.
Tɨya Jǝbɔ Tʊʊl Gǝnɔ
(Luk 6:43-45)
33“Tɨya nyan, gǝ tʊʊ tʊʊl nyan, tɨya bwɨla, gǝ tʊʊ tʊʊl bwɨla, tɨyagɔ jǝ nyǝm gǝn nǝn tʊʊl gǝnɔ. 34Jǝ́ faatɨn! Jǝ́ nyǝm sʊwatǝm kɛl nyanɔ nyǝn, jen nɨ jǝ́ nǝb bwɨlanɨ? Jʊ a mʊgɔ nǝlɨ, n jʊ jel lɛ a nyiyoi. 35Nǝ nyan gǝ jǝg kanjǝl nyan a jʊ nɨ a yʊ a mʊgɔ nǝl gǝnɨ. Nǝ bwɨla n kanjǝl bwɨla gǝ jǝg lɛ a jʊ nɨ a yʊ a nǝl gǝnɨ. 36Mǝ sʊwa jen nɛ, bwɨlang katɨ nɨ gwam nǝbɔ sʊwa lɛɨ, jǝ kiyo kiyo nǝn kɔkɔ borangɔ fʌngi. 37Kɛl mʊnɔ nǝn gɔ jǝg ń nɛɨ, nǝn gɔ nʊng bwɨlangkɛl mʊnɔ lɛɨ.”
Nǝb Mɛlalɨ Diilɔ Jǝbɔ Nǝbɔ Farisaɨ Saa Jǝ Nʊngtǝm Lɛ
(Mar 8:11,12; Luk 11:29-32)
38Kaam nǝb mɛlalɨ diilɔ jǝbɔ nǝbɔ Farisaɨ ja sʊwa gǝn gɔ, “Feyi, nǝn swɨ lɛ nǝ kuwo jǝ laatǝm kang a daa mʊ woi, wʊnɨ nʊng lɛ mʊ jel a daa Kwaama woi.”
39Nǝngɔ a jǝla ji gɔ, “Kal nɨ, nǝb bwɨlan, mɨ jǝ nyʊwa taal Kwaamaɨ lɛ. Jǝ swɨ lɛ ja kuwo jǝ nʊngtǝm! Mɨ kaa jʊ nɨ wo jǝ nʊng ji lɛɨ, na ke bɔ a nǝkuwotǝmkǝga Yunanaɨ. 40Kanga Yunana a maa kumɔ taal a mʊgɔ fʌl jʌngi dʊʊnɨ, Bʊla Nǝlɨ maa kumɔ taal, kum jǝbɔ kɔkɔ a mʊgɔ tǝm. 41Galɨgǝn nǝbɔ Ninebaɨ a yǝla a bǝla bwɨlangkɛl jinɔ a gola fulon kɛlɔ Yunana a sʊwa jii. Kǝngkɔ nʊ nɨ a laa Yunanaɨ n wɔ sul, kal nɨ kǝngkɨɨ a kɔ nyʊwatǝm gǝnɔ. A dul kɛl nɨ, nǝn kɔkɔ borangɔ nǝbɔ Ninebaɨ jǝ gun gun tʌgo a kal nɨ gǝm sǝ ja buulʌm jʊ ja maaɨ. 42Galɨgǝn Nɔɔfɔlɔ Sheba a bɛ a tǝm nɨ a kʊta kʊtaɨ sǝ a nyʊwa mɛlalɨ yʊlan nyan fɔlɔ Sulemanui. Kǝngkɔ nʊ nɨ a laa Sulemanui n wɔ sul, kal nɨ kǝngkɨɨ a kɔ nyʊwatǝm gǝnɔ. A dul kɛl nɨ, nǝn kɔkɔ borangɔ Nɔɔfɔlɔ Sheba gun gun tʌgo a kal nɨ gǝm sǝ a buulʌm jʊ ja maaɨ.
Yǝlatǝm Bwɛlaa Fili
(Luk 11:24-26)
43“Na yʊwa bwɨlagɔ a jel a bʊtɔ nǝlɨ, ya gǝ bola a daatɨn nɨ mɨ mwɛ woi, sǝ a nya daa fǝbtǝm, mɨ gǝ nya lɛ. 44Sʊwa gɔ, ‘Mǝ yǝla mǝ yi a lɔ galɨ mǝndɨ mǝ jelʌmi.’ Na a yǝla ya nya lɔngɔ mɨ nǝl woi, ja kʊlam, ja fɛkamɨ, 45yǝla ya wɔɔ kaam nǝblaam wʊnɨ a laa gǝn shili nʌbʌl, sǝ ja dɔ ja yɨ wo. Nʊ nɨ kalatǝm gǝnɔ laa laa na tɨkǝgagɔ. Yǝlam nyɔ nǝn bwɨlang kal nɨɨ.”
Nyɨya Yesui Jǝbɔ Kɛtǝlam Gǝnɔ
(Mar 3:31-35; Luk 8:19-21)
46Sʊwa nǝbɔ kɛlɔ lɛ nyɨɨ, nǝngɔ nyɨya gɔ jǝbɔ kɛtǝlam gǝnɔ jǝ tɨm a yoolii, jǝ swɨ lɛ ja sʊwa gǝn kɛl, 47kaa nǝl a sʊwa gǝn gɔ, “Nɛnɛ mɔ jǝbɔ kɛtǝlam mʊnɔ tɨm a yooli, jǝ swɨ lɛ ja sʊwa ń kɛl.”
48Nǝngɔ a jǝla nʊ nɨ a sʊwa gǝn kɛlɨ gɔ, “Nuwo nyɨ nǝn nɛnɛ mɨɨ, na bǝ wo n kɛtǝlam mɨɨ?” 49Nǝngɔ a mal kang gǝnɔ a daa bɛtɔ mɛlalɨ gǝnɔ woi a sʊwa gɔ, “Nɛnɛ mɨ jǝbɔ kɛtǝlam mɨɨ n wɔ. 50Na nʊ nɨ a maa jʊ nɨ Tɛtɛ mɨ nɨ a dʌbʌli swɨ lɛɨ, n nʊ nǝn kɨla mɨ balɨ jǝbɔ kɨla mɨ nɔɔlɨ jǝbɔ nɛnɛ mɨɨ.”
Terpilih Sekarang Ini:
:
Highlight
Kongsi
Salin
Ingin menyimpan sorotan merentas semua peranti anda? Mendaftar atau log masuk
©️2024 Luke Initiative for Scripture Translation