Matta 23
23
Yesu A Gʊ Nǝbɔ Gǝm Lɔl Gɔ Ka Ja Yǝlam Lɛ Na Nǝbɔ Farisaɨ
(Mar 12:38,39; Luk 11:43,46; 20:45-47)
1Nǝngɔ Yesu a sʊwa nǝb nɨ a mʊrkaɨ jǝbɔ bɛtɔ mɛlalɨ gǝnɔ gɔ, 2“Nǝb mɛlalɨ diilɔ jǝbɔ nǝbɔ Farisaɨ, ja yɨ a daa yɨm Musaɨ. 3Bɛ ya jǝ́ bwangtǝn kanjǝl nɨ lɛ jǝ mɛla jem lɛɨ. Bɛ ka jǝ́ maa lɛ jʊ nɨ jǝ maa lɛɨ, jʊ a bwɨɨ mɨ jǝ maa kanjǝl nɨ lɛ jǝ sʊwa nǝbɔ lɛ gɔ ja maaɨ. 4Ja ya nǝbɔ gǝm kanjǝl tuulo nɨ a laa kwaan dotǝm nǝbɨɨ, ja tɨka bɔ nǝbɔ gungtǝm gǝnɔ.
5“Kanjǝl nɨ jǝ maa lɛɨ, jǝ maa sǝ nǝbɔ a kuwo. Jǝ bwa tafɨyatɨn nɨ ja mʊla kɛl Kwaamaɨ woi a tɛkǝga jinɔ gǝm. Dwang malǝng jinɔ a som nyɔ gǝla kwaala lɛ a tǝm. 6Jǝ swɨ daa yɨm nɨ nǝbɔ nǝ ji dʊʊn nɛ a lɔ kangwaalɨ, jǝbɔ daa yɨm dʊʊntɨn a kan mɛlalɨ. 7Jǝ swɨ lɛ nǝbɔ ya yal ji lɛ a gamdʌbo. Jǝ swɨ lɛ nǝbɔ ya jo ji lɛ gɔ, ‘Nǝ mɛlalɨ.’
8“Ka jǝ́ jǝla lɛ nǝbɔ a jo jen gɔ, ‘Nǝ mɛlalɨ,’ jʊ a bwɨɨ nǝ mɛlalɨ jenɔ win, gwam jenɔ jǝ́ yǝlam kɛb. 9Ka jǝ́ jo lɛ kaa nǝl jengɔ ‘tɛtɛ’ a tǝm nɨ. Jʊ a bwɨɨ Tɛgɔ win na jǝ́ nǝngǝnɨ, n nʊ a dʌbʌl kwamaɨ. 10Ka jǝ́ jǝla lɛ ja jo jen gɔ, ‘tɛlalɔ,’ jʊ a bwɨɨ Tɛlalɔ win swar, nǝn Kiristi. 11Nʊ a laa jen dʊʊn gwamɨ, bɛ a yǝlam jwaalɛ jen. 12Nʊ nɨ a gung dul gǝnɨ, jǝ shig gǝn shig. Nʊ nɨ a shig dul gǝnɨ, jǝ gung gǝn gung.
Yesu A Buulʌm Mɛlalɨ Nǝb Dʊʊm Yahudawagɨɨ A Dul Jǝfʊlǝn
13“N mwɛ jen, jǝ́ nǝb mɛlalɨ diilɔ jǝbɔ nǝbɔ Farisaɨ, nǝb fento nǝn kwan! Jǝ́ nʊngǝm nyanga dɔtǝm fɔlɔn lɔ Kwaamaɨ a kǝga nǝbɨɨ. Jen tʌjen jǝ́ dɔ bɔ, jǝ́ kaa nǝbɔ swɨ lɛ a dɔɨ, dɔtǝmɔ. [14N mwɛ jen, nǝb mɛlalɨ diilɔ jǝbɔ nǝbɔ Farisaɨ, nǝb fento nǝn kwan! Jǝ́ jam kʊla nɔɔtǝmkʊlabɨ lɛ. Jǝ́ maa keligɔ a som nyɔ, sǝ nǝbɔ kuwo jen. Jǝ́ nya nya mwɛl a laa a tangǝn nǝbɨɨ.]#23:14 Kaam bɛl mʊlalɨ galɨgɔ mɨ nǝn bɛ gola nɨ.
15“N mwɛ jen, jǝ́ nǝb mɛlalɨ diilɔ jǝbɔ nǝbɔ Farisaɨ, nǝb fento nǝn kwan! Jǝ́ yab wɨma, sǝ jǝ́ la tǝmtɨn nɨ a kʊtaɨ sǝ jǝ́ nya nǝ bwangtǝm win. Na jǝ́ nya gǝnɨ, jǝ́ dǝg gǝn a dɔtǝm mʊgɔ lɔ kǝla nɨ a shilo a kwaba a jeni.
16“N mwɛ jen, jǝ́ kululʌm nɨ jǝ́ nʊng nǝbɔ gola lɛɨ! Jǝ́ sʊwa lɛ jengɔ, ‘Na nǝl a wɛɛl wɛɛlɨ nǝn kemʌn mʊn nɨ a mʊgɔ Kan Kwaamanɨ, wɛɛlɨgɔ a ta gǝn.’ 17Jǝ́ kululʌm, nǝb fʌmʌn! N nʊ won a laa jǝlɨ, n kemʌn mʊnɔ ka? N Kan Kwaaman wʊnɨ a dǝg kemʌn mʊnɔ a yǝlam jǝ sagsagɨɨ ka? 18Jǝ́ sʊwa tag jengɔ, ‘Na nǝl a wɛɛl wɛɛlɨ nǝn daa twɨtǝm yulʌni, a kal bɔ jǝl. Jǝ́ sʊwa tag jengɔ na a wɛɛl nǝn jʊ nɨ ja ya a dʌbʌl daa twɨtǝm yulʌni, wɛɛlɨgɔ a ta gǝn.’ 19Jǝ́ kululʌm! N nʊ won a laa jǝlɨ? N jǝ twɨtǝmɔ ka? N daa twɨtǝm yulʌn nɨ a dǝg jǝ twɨtǝm nɨ sagsagɨɨ ka? 20Gǝ na nyɔ, na nʊ nɨ a wɛɛl wɛɛlɨ nǝn daa twɨtǝm yulʌni, a wɛɛl nǝn jǝbɔ kanjǝl nɨ gwam a daa twɨtǝm yulʌni. 21Nʊ nɨ a wɛɛl wɛɛlɨ nǝn Kan Kwaamanɨ, a wɛɛl nǝn jǝbɔ nʊ nɨ yǝm a Kan Kwaamanɨ. 22Nʊ nɨ a wɛɛl wɛɛlɨ nǝn dʌbʌli, a wɛɛl nǝn kotere fɔlɔn Kwaamaɨ jǝbɔ nʊ nɨ yǝm a dʌbʌl gǝnɨ.
23“N mwɛ jen, nǝb mɛlalɨ diilɔ, jǝbɔ nǝbɔ Farisaɨ, nǝb fento nǝn kwan! Jǝ́ nǝ win a mʊgɔ kʊb na kanjǝl geggeg jenɔ, jǝbɔ welewele jǝbɔ yam, jǝ́ bǝla kanjǝl nɨ a laa jǝl a mʊgɔ diili, kanjǝl nɨ nǝn gɔ n maatǝm borang dǝngdǝng, jǝbɔ bʊnatǝm, jǝbɔ tatǝm swatǝm yaa. N kanjǝlɔ a bʊm na jǝ́ maa lɛɨ, ka jǝ́ bǝla lɛ maatǝm kǝtǝn kanjǝlɔ tag. 24Jǝ́ nǝb tatǝm kang kululʌmɔ! Jǝ́ kɔm bɛ ywɛgɔ lɛ, jǝ́ mɨm namtenʌmɔ lɛ.
25“N mwɛ jen, nǝb mɛlalɨ diilɔ jǝbɔ nǝbɔ Farisaɨ, nǝb fento nǝn kwan! Jǝ́ saal gul kʌshi nɔɔmwɛnɔ jǝbɔ kʌshi jajɨgɔ. Mʊgɔ jinɔ a yii nǝn wɛl jǝbɔ swɨtǝm dul. 26Mʊ kuli bwɛ Farisa! Tǝl saaltǝm mʊgɔ kʌshi nɔɔmwɛnɔ jǝbɔ kʌshi jajɨgɔ, sǝ gul jinɔ a jel tʌji.
27“N mwɛ jen, jǝ́ nǝb mɛlalɨ diilɔ jǝbɔ nǝbɔ Farisaɨ, nǝb fento nǝn kwan! Jǝ́ jelka tuutɨn nɨ nyɔ ja waatǝn gwaal fulo tʌgoi, ja fulo a bʊm nyɔ a yooli, mʊgɔ gǝnɔ n kuto nǝb nɨ a bʊlala bʊlalaɨ, jǝbɔ duto nǝn dʌmʌn. 28Jǝ́ na nyɔ tʌjen, nǝbɔ kuwo jen nɛ a yooli maamɔ jǝ́ nǝb dǝngdǝng. Mʊgɔ bʊtɔ jenɔ n kɛl fento jǝbɔ maatǝm bwɨlan.
29“N mwɛ jen, nǝb mɛlalɨ diilɔ jǝbɔ nǝbɔ Farisaɨ, nǝb fento nǝn kwan! Jǝ́ mɔba tuutɨn nǝbkuwotǝmkǝgagɔ a bʊma nyɔ, jǝ́ fɛla kalfʌto nǝb dǝngdǝngɨɨ a bʊma nyɔ. 30Jǝ́ sʊwa jengɔ, ‘Na na bǝ wo a jol tʊgalam bǝnɨ, na bǝ tɨka ji bɔ jʌbotǝm nǝbkuwotǝmkǝgagɔ.’ 31A dul kɛl nɨ, jǝ́ nǝ nyiyo nǝn kang jen jengɔ nǝjen jǝ́ bɛtɔ lɔ nǝb nɨ a jʌbo nǝbkuwotǝmkǝgagɨɨ. 32Jǝ́ tagǝm maajɨ bwɨla nɨ tʊgalam jenɔ a tǝlɨ!
33“Jǝ́ sɔɔtɨn, jǝ́ bɛlɨ sɔɔ bwɨlantɨn! Jǝ́ bʊʊ borang lɔ kǝlagɔ nyǝn? 34Mǝ twam jem twam nǝbkuwotǝmkǝgagɔ, jǝbɔ nǝb nyǝmtǝmɔ, jǝbɔ nǝb mɛlalɨ diilɔ. Jǝ́ jʌbo jʌbo kaam jinɔ. Jǝ́ kʊʊ kʊʊ kaam jinɔ. Jǝ́ tʊm tʊm kaam jinɔ a kantɨn mɛlalɨ. Jǝ́ bwang jim lɛ a tuulɔtɨn jǝ́ nǝ ji gaalan nɛ. 35Mǝ twam twam nǝb nɨ dɨsɔ tʊʊm nǝb dǝngdǝng nɨ ja tǝla a yooli nɨɨ a yǝla a bɛ a dul jen, jʊ a tǝl a tʊʊm Habilaɨ nǝ dǝngdǝng, ba la nǝn a daa Zakariya woi, bʊla Berikiyaɨ, wʊnɨ jǝ́ jʌ a tɨbǝl daa Sagsag jǝbɔ daa twɨtǝm yulʌni. 36N bɨlǝngkɛl mǝ sʊwa jen nɛɨ, gwam kanjǝl nɨ bwɨ bwɨ jǝbɔ nǝbɔ jol nɨ.
Kɛl Urushalimagɔ A Kom Yesu Bɨlǝngǝn
(Luk 13:34,35)
37“A laa dɨsɔ jǝ́ nǝbɔ Urushalimaɨ, jǝ́ nǝbɔ Urushalimaɨ nɨ jǝ́ jʌbo nǝbkuwotǝmkǝgagɨɨ, jǝ́ mala nǝb nɨ ja twam ji a daa jen woi nǝn tɛl ja bʊlalaɨ! Naa nyǝn mǝ swɨ lɛ n dǝg jen a mʊgɔ gaamɨ mǝndɨ gǝmɨ, kanga jangagɔ gǝ dǝgam bɛlɨ gǝnɔ lɛ a mʊgɔ bɨlǝn gǝnɨ, jǝ́ kɔɨ! 38N wɔ kǝngkɔ ja bǝla jem lɔ jenɔ mɨ kaa nǝl wo. 39Mǝ sʊwa jen nɛ, mɨsɔ jǝ́ kuwo i lɛ wo tag, na ke bɔ kwama jǝ́ sʊwa lɛ jengɔ, ‘Bwiligɔ na a nʊ nɨ bɛ lɛ a mʊgɔ dun Tɛlalɔɨ.’ ”
Terpilih Sekarang Ini:
Matta 23: DBD
Highlight
Kongsi
Salin
Ingin menyimpan sorotan merentas semua peranti anda? Mendaftar atau log masuk
©️2024 Luke Initiative for Scripture Translation
Matta 23
23
Yesu A Gʊ Nǝbɔ Gǝm Lɔl Gɔ Ka Ja Yǝlam Lɛ Na Nǝbɔ Farisaɨ
(Mar 12:38,39; Luk 11:43,46; 20:45-47)
1Nǝngɔ Yesu a sʊwa nǝb nɨ a mʊrkaɨ jǝbɔ bɛtɔ mɛlalɨ gǝnɔ gɔ, 2“Nǝb mɛlalɨ diilɔ jǝbɔ nǝbɔ Farisaɨ, ja yɨ a daa yɨm Musaɨ. 3Bɛ ya jǝ́ bwangtǝn kanjǝl nɨ lɛ jǝ mɛla jem lɛɨ. Bɛ ka jǝ́ maa lɛ jʊ nɨ jǝ maa lɛɨ, jʊ a bwɨɨ mɨ jǝ maa kanjǝl nɨ lɛ jǝ sʊwa nǝbɔ lɛ gɔ ja maaɨ. 4Ja ya nǝbɔ gǝm kanjǝl tuulo nɨ a laa kwaan dotǝm nǝbɨɨ, ja tɨka bɔ nǝbɔ gungtǝm gǝnɔ.
5“Kanjǝl nɨ jǝ maa lɛɨ, jǝ maa sǝ nǝbɔ a kuwo. Jǝ bwa tafɨyatɨn nɨ ja mʊla kɛl Kwaamaɨ woi a tɛkǝga jinɔ gǝm. Dwang malǝng jinɔ a som nyɔ gǝla kwaala lɛ a tǝm. 6Jǝ swɨ daa yɨm nɨ nǝbɔ nǝ ji dʊʊn nɛ a lɔ kangwaalɨ, jǝbɔ daa yɨm dʊʊntɨn a kan mɛlalɨ. 7Jǝ swɨ lɛ nǝbɔ ya yal ji lɛ a gamdʌbo. Jǝ swɨ lɛ nǝbɔ ya jo ji lɛ gɔ, ‘Nǝ mɛlalɨ.’
8“Ka jǝ́ jǝla lɛ nǝbɔ a jo jen gɔ, ‘Nǝ mɛlalɨ,’ jʊ a bwɨɨ nǝ mɛlalɨ jenɔ win, gwam jenɔ jǝ́ yǝlam kɛb. 9Ka jǝ́ jo lɛ kaa nǝl jengɔ ‘tɛtɛ’ a tǝm nɨ. Jʊ a bwɨɨ Tɛgɔ win na jǝ́ nǝngǝnɨ, n nʊ a dʌbʌl kwamaɨ. 10Ka jǝ́ jǝla lɛ ja jo jen gɔ, ‘tɛlalɔ,’ jʊ a bwɨɨ Tɛlalɔ win swar, nǝn Kiristi. 11Nʊ a laa jen dʊʊn gwamɨ, bɛ a yǝlam jwaalɛ jen. 12Nʊ nɨ a gung dul gǝnɨ, jǝ shig gǝn shig. Nʊ nɨ a shig dul gǝnɨ, jǝ gung gǝn gung.
Yesu A Buulʌm Mɛlalɨ Nǝb Dʊʊm Yahudawagɨɨ A Dul Jǝfʊlǝn
13“N mwɛ jen, jǝ́ nǝb mɛlalɨ diilɔ jǝbɔ nǝbɔ Farisaɨ, nǝb fento nǝn kwan! Jǝ́ nʊngǝm nyanga dɔtǝm fɔlɔn lɔ Kwaamaɨ a kǝga nǝbɨɨ. Jen tʌjen jǝ́ dɔ bɔ, jǝ́ kaa nǝbɔ swɨ lɛ a dɔɨ, dɔtǝmɔ. [14N mwɛ jen, nǝb mɛlalɨ diilɔ jǝbɔ nǝbɔ Farisaɨ, nǝb fento nǝn kwan! Jǝ́ jam kʊla nɔɔtǝmkʊlabɨ lɛ. Jǝ́ maa keligɔ a som nyɔ, sǝ nǝbɔ kuwo jen. Jǝ́ nya nya mwɛl a laa a tangǝn nǝbɨɨ.]#23:14 Kaam bɛl mʊlalɨ galɨgɔ mɨ nǝn bɛ gola nɨ.
15“N mwɛ jen, jǝ́ nǝb mɛlalɨ diilɔ jǝbɔ nǝbɔ Farisaɨ, nǝb fento nǝn kwan! Jǝ́ yab wɨma, sǝ jǝ́ la tǝmtɨn nɨ a kʊtaɨ sǝ jǝ́ nya nǝ bwangtǝm win. Na jǝ́ nya gǝnɨ, jǝ́ dǝg gǝn a dɔtǝm mʊgɔ lɔ kǝla nɨ a shilo a kwaba a jeni.
16“N mwɛ jen, jǝ́ kululʌm nɨ jǝ́ nʊng nǝbɔ gola lɛɨ! Jǝ́ sʊwa lɛ jengɔ, ‘Na nǝl a wɛɛl wɛɛlɨ nǝn kemʌn mʊn nɨ a mʊgɔ Kan Kwaamanɨ, wɛɛlɨgɔ a ta gǝn.’ 17Jǝ́ kululʌm, nǝb fʌmʌn! N nʊ won a laa jǝlɨ, n kemʌn mʊnɔ ka? N Kan Kwaaman wʊnɨ a dǝg kemʌn mʊnɔ a yǝlam jǝ sagsagɨɨ ka? 18Jǝ́ sʊwa tag jengɔ, ‘Na nǝl a wɛɛl wɛɛlɨ nǝn daa twɨtǝm yulʌni, a kal bɔ jǝl. Jǝ́ sʊwa tag jengɔ na a wɛɛl nǝn jʊ nɨ ja ya a dʌbʌl daa twɨtǝm yulʌni, wɛɛlɨgɔ a ta gǝn.’ 19Jǝ́ kululʌm! N nʊ won a laa jǝlɨ? N jǝ twɨtǝmɔ ka? N daa twɨtǝm yulʌn nɨ a dǝg jǝ twɨtǝm nɨ sagsagɨɨ ka? 20Gǝ na nyɔ, na nʊ nɨ a wɛɛl wɛɛlɨ nǝn daa twɨtǝm yulʌni, a wɛɛl nǝn jǝbɔ kanjǝl nɨ gwam a daa twɨtǝm yulʌni. 21Nʊ nɨ a wɛɛl wɛɛlɨ nǝn Kan Kwaamanɨ, a wɛɛl nǝn jǝbɔ nʊ nɨ yǝm a Kan Kwaamanɨ. 22Nʊ nɨ a wɛɛl wɛɛlɨ nǝn dʌbʌli, a wɛɛl nǝn kotere fɔlɔn Kwaamaɨ jǝbɔ nʊ nɨ yǝm a dʌbʌl gǝnɨ.
23“N mwɛ jen, nǝb mɛlalɨ diilɔ, jǝbɔ nǝbɔ Farisaɨ, nǝb fento nǝn kwan! Jǝ́ nǝ win a mʊgɔ kʊb na kanjǝl geggeg jenɔ, jǝbɔ welewele jǝbɔ yam, jǝ́ bǝla kanjǝl nɨ a laa jǝl a mʊgɔ diili, kanjǝl nɨ nǝn gɔ n maatǝm borang dǝngdǝng, jǝbɔ bʊnatǝm, jǝbɔ tatǝm swatǝm yaa. N kanjǝlɔ a bʊm na jǝ́ maa lɛɨ, ka jǝ́ bǝla lɛ maatǝm kǝtǝn kanjǝlɔ tag. 24Jǝ́ nǝb tatǝm kang kululʌmɔ! Jǝ́ kɔm bɛ ywɛgɔ lɛ, jǝ́ mɨm namtenʌmɔ lɛ.
25“N mwɛ jen, nǝb mɛlalɨ diilɔ jǝbɔ nǝbɔ Farisaɨ, nǝb fento nǝn kwan! Jǝ́ saal gul kʌshi nɔɔmwɛnɔ jǝbɔ kʌshi jajɨgɔ. Mʊgɔ jinɔ a yii nǝn wɛl jǝbɔ swɨtǝm dul. 26Mʊ kuli bwɛ Farisa! Tǝl saaltǝm mʊgɔ kʌshi nɔɔmwɛnɔ jǝbɔ kʌshi jajɨgɔ, sǝ gul jinɔ a jel tʌji.
27“N mwɛ jen, jǝ́ nǝb mɛlalɨ diilɔ jǝbɔ nǝbɔ Farisaɨ, nǝb fento nǝn kwan! Jǝ́ jelka tuutɨn nɨ nyɔ ja waatǝn gwaal fulo tʌgoi, ja fulo a bʊm nyɔ a yooli, mʊgɔ gǝnɔ n kuto nǝb nɨ a bʊlala bʊlalaɨ, jǝbɔ duto nǝn dʌmʌn. 28Jǝ́ na nyɔ tʌjen, nǝbɔ kuwo jen nɛ a yooli maamɔ jǝ́ nǝb dǝngdǝng. Mʊgɔ bʊtɔ jenɔ n kɛl fento jǝbɔ maatǝm bwɨlan.
29“N mwɛ jen, nǝb mɛlalɨ diilɔ jǝbɔ nǝbɔ Farisaɨ, nǝb fento nǝn kwan! Jǝ́ mɔba tuutɨn nǝbkuwotǝmkǝgagɔ a bʊma nyɔ, jǝ́ fɛla kalfʌto nǝb dǝngdǝngɨɨ a bʊma nyɔ. 30Jǝ́ sʊwa jengɔ, ‘Na na bǝ wo a jol tʊgalam bǝnɨ, na bǝ tɨka ji bɔ jʌbotǝm nǝbkuwotǝmkǝgagɔ.’ 31A dul kɛl nɨ, jǝ́ nǝ nyiyo nǝn kang jen jengɔ nǝjen jǝ́ bɛtɔ lɔ nǝb nɨ a jʌbo nǝbkuwotǝmkǝgagɨɨ. 32Jǝ́ tagǝm maajɨ bwɨla nɨ tʊgalam jenɔ a tǝlɨ!
33“Jǝ́ sɔɔtɨn, jǝ́ bɛlɨ sɔɔ bwɨlantɨn! Jǝ́ bʊʊ borang lɔ kǝlagɔ nyǝn? 34Mǝ twam jem twam nǝbkuwotǝmkǝgagɔ, jǝbɔ nǝb nyǝmtǝmɔ, jǝbɔ nǝb mɛlalɨ diilɔ. Jǝ́ jʌbo jʌbo kaam jinɔ. Jǝ́ kʊʊ kʊʊ kaam jinɔ. Jǝ́ tʊm tʊm kaam jinɔ a kantɨn mɛlalɨ. Jǝ́ bwang jim lɛ a tuulɔtɨn jǝ́ nǝ ji gaalan nɛ. 35Mǝ twam twam nǝb nɨ dɨsɔ tʊʊm nǝb dǝngdǝng nɨ ja tǝla a yooli nɨɨ a yǝla a bɛ a dul jen, jʊ a tǝl a tʊʊm Habilaɨ nǝ dǝngdǝng, ba la nǝn a daa Zakariya woi, bʊla Berikiyaɨ, wʊnɨ jǝ́ jʌ a tɨbǝl daa Sagsag jǝbɔ daa twɨtǝm yulʌni. 36N bɨlǝngkɛl mǝ sʊwa jen nɛɨ, gwam kanjǝl nɨ bwɨ bwɨ jǝbɔ nǝbɔ jol nɨ.
Kɛl Urushalimagɔ A Kom Yesu Bɨlǝngǝn
(Luk 13:34,35)
37“A laa dɨsɔ jǝ́ nǝbɔ Urushalimaɨ, jǝ́ nǝbɔ Urushalimaɨ nɨ jǝ́ jʌbo nǝbkuwotǝmkǝgagɨɨ, jǝ́ mala nǝb nɨ ja twam ji a daa jen woi nǝn tɛl ja bʊlalaɨ! Naa nyǝn mǝ swɨ lɛ n dǝg jen a mʊgɔ gaamɨ mǝndɨ gǝmɨ, kanga jangagɔ gǝ dǝgam bɛlɨ gǝnɔ lɛ a mʊgɔ bɨlǝn gǝnɨ, jǝ́ kɔɨ! 38N wɔ kǝngkɔ ja bǝla jem lɔ jenɔ mɨ kaa nǝl wo. 39Mǝ sʊwa jen nɛ, mɨsɔ jǝ́ kuwo i lɛ wo tag, na ke bɔ kwama jǝ́ sʊwa lɛ jengɔ, ‘Bwiligɔ na a nʊ nɨ bɛ lɛ a mʊgɔ dun Tɛlalɔɨ.’ ”
Terpilih Sekarang Ini:
:
Highlight
Kongsi
Salin
Ingin menyimpan sorotan merentas semua peranti anda? Mendaftar atau log masuk
©️2024 Luke Initiative for Scripture Translation