Matiye 7မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

Gaa Iisa beneyyiɗe payya gaa: «Eneewoŋ, gaa Mella birittoŋ! Deyekkoŋ, kuu gasaɗɗo min oko Mellayi! Kokokkoŋ biití burgutti, gaa Mella iyyittoŋ

asan ga kulla gimu aɗe ma enaa ga Mella beree, o ma deyekka gasakka min oko Mellayi, o ma kokokka ga Mella eyee biití burgo.

Gaa Iisa gaayiɗe payya gaa: «Ay kaaka appe ga gimu ma geeway beneyyiŋgeetaw maa na beneyya kooko o ga jobokkay saabayɗe aleŋ gimu ma ibina gaari ma geewiya girti tirmilli.

«Garrarri paracco maa ku aŋka gu gittoŋ lewɗitoŋgu, ga kuŋ kulla leewaniyoogu. Ay keeke appe maa gi Kitamniti Muusa o kutubgeeco nabiinigeyyo beneyye.»

A burgo ta n̰aaɗi soopa o butultí gi un̰n̰ití raɗɗa, katawkum hayaatanti o giimi paalta ka ma gasakkaca.»

Gaa Iisa gaayiɗe payya gaa: «Un̰n̰oŋ ma burgo ta n̰aaɗi, asan gi burgo ma katawkum masilti baraamata o gi un̰n̰ití daana ka, guu giimi maani katawɗo ma iŋaa.

A gaa kuŋ ka kulla ma gidaani ɗa, ibina ku berewɗiyo lawwi ku samaane oko rontoŋ, ga Tattoŋ pa ma aaye samaani, gata ka gidaani, beraa pe ƴiila lawwi ku samaane oko giimi ma enaa.

Gaa Iisa beneyɗo missa gaa: «Aɗoŋ leewa ɗa unco giimo kuu ku ay caɗaawee ku parlanti ku maa ga Mella kulla alɗitoŋ caaɗa ɗa parlane, asan ga Mella akkitoŋ caaɗa parlane aleŋ maa ku caɗawɗiyo oko gittoŋ, o gu akkitoŋ geemisa ma maatiki maa ku geemesɗiy gittoŋ.

A gimu soopa ma geeway beneyyiŋgeetaw kooko o ga jobokkay ɗa saabayya aleŋ gimu ma ibina ɗa gaari ma geewiya girti ƴiirti.

Ayme ki elelɗiya n̰aalu ma aaye iɗiiti giicum, o barlu ma aaye iɗiicum pa ki ellaa ɗa? Ki gederra pe kii me ki beneyyiyyee oko giicum kii: “Duwaw ɗe na cimmiyyamga n̰aalu ma aaye iɗiicum.” A ki pa lekka saa pe barlu ma aaye oko tancum!

Gaa Iisa beneyɗo missa gaa: «Warroŋ maaƴi min oko giimi ma leewe goo gu ay nabiinigee. Guta kotti asaatoŋ detta ka aleŋ tamee, a ɗakko galbigeeco pa gu ay ɓiliwɓiliwnigee ma deewa. Ku ebennay min oko lubaakico. Ki jakaa aɗɗe mor̰mor̰oskee min askaniggi e baŋ pa ronti booti min miiri?

Ettu ka samaane weewa miici ku daana o ettu ka miɗɗa pa weewa miici ma daana ɗa.

Ettu ka samaane gederra ɗa ga weeɗo miici ma daana ɗa o ettu ka miɗɗa weewa ɗa miici ma daana.

Kulla ettu aɗe ma weewa ɗa miici ku daana, gu daɗakkaa guu uwwiyya okkati.