João 2မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

Askáti Galileia naki Canánamãsho Jesusnẽ txitáki ato yové ashõti. Aská akĩ ãwẽ mestẽ roapa ivo ato ãwẽ oĩmatõsho, ãwẽ shokõkenavõ anõ ayakétivo.

Ãwẽ aská akatõsho ãwẽ ewamẽ eséyakĩ revíki. “Manáitso, wenároa. ‘Eanã aatsikĩ’, ikĩ ato ẽ oĩmati ivo shavá nokóma”, ikĩ revíki.

Askáki Jesusnẽ saí ikí vesoyavo ato tanamakĩ. “Naa chomorasĩ wakapasha matá arína”, ato akátõsho matá matákachta apávo. Atõ aská akĩ mashtemaĩnõse ato yonoóki. “Wakapasha ichtóchta weavai voshõ, ato saí imaya kakáyapari amatana”, ãwẽ akátõsho amavo.

Atõ aská amaĩnõ, “mã ase, askáro Yové Koĩni shovo mã txoyo amaĩnõ, eã shovimaoki 3 shaváchtase ẽ mashtekatsa”, ato akĩ.

Askáinã anõ ato richkikatsiinã mayá rakáa ninivarãvaíki keyoki ato poshakõki, txivo, txasho akárasĩnĩ ashõ. Aská avaikĩ mesa anõ kopímati ato ãwẽ katoshoa ivorasĩ mewénivaíki ãwẽ ãpe ayakeáse, kopímati shashorasĩ maĩ reo reovaĩi. Aská avaikĩ, yora noma inãyavo ato tanamakĩ. “Naa awerasĩ keyoki vivaĩtana. Aská aotsomároa. Ẽ papã shovoro anõsho awe inãmarvi”, ato akĩ.