Aepa Gemae 22
22
Gotiʼa Emalehamufeʼmo amalageka hisiyafeʼmo, Aisakiʼmo amagika ofalinimo namiyo, huno huʼniya gemae
1 #
Hi 11:17
Henagaʼamo ani kavaʼmo akamelegaʼamo Gotiʼa Emalehamuʼmo amalageka huʼniye. Agaefeʼmo keya aeno ge hunoʼaeʼmo, Emalehamuo, huno huʼnigenoʼaeʼmo Emalehamuʼa, maiʼnove, huno huʼniye. 2#Aep 22:12,16; Yo 5:20Huno huʼnigenoʼaeʼmo inagi Gotiʼa ha painoʼaeʼmo, magoke mafaʼnekamo lusi kava huno kahau kayamopafiʼmo kahauʼniya mafaʼnekamo Aisakiʼmo Molaiya haopalegamo avalelikugeʼna mago aveeʼmo kaha paiguve. Ani aveleʼmo kagaemo Aisakiʼmo amagika atafiʼmo kaeka ofalinimo namigane, huno ha paiʼniye.
3Inagi gotilamiyapiʼmo Emalehamuʼmo he tino ago usiyafeʼmo noki afuʼamo alino alagepa huteno Aisakiʼe neya vekalaʼmo aliʼyaʼamo neʼaliʼa vekalaʼeʼmo apavaleʼniye. Ofalinimo kaesiya atamo lagino aliteno Gotiʼa ha paiʼniya haopalegamo uʼniye. 4Inagi Emalehamuʼa loleʼe magoʼe afinaʼmo neʼunoʼaeʼmo alino maku huno ageyana ani koʼmo magoʼe huno afagiʼaleʼmo haneʼnigeno ageʼniye. 5#Hi 11:19Agaemo aliʼyaʼamo neʼaliʼa vekalaʼanifeʼmo, lanakaeʼe nokiʼeʼmo manile maiʼniyo. Nagaeʼe mafaʼneʼniʼeʼmo mugaʼaleʼmo utaʼa Gotifeʼmo mono huguʼae. Hutetaʼaeʼmo henagaʼamo halate ataginetaʼa lapakaetegamo manileʼmo egauʼae, huno hana paiʼniye.
6 #
Yo 19:17
Emalehamuʼa ofalinimo kaesiya atamo alino Aisaki agiʼnaleʼmo kofino ateteno neleya ataʼe haginaʼeʼmo Emalehamuʼa alitegeʼana uʼnaʼae. 7Neʼuʼanaeʼmo Aisakiʼa, afo, huno huʼnigenoʼaeʼmo Emalehamuʼa, mafaʼneʼnimogae, huno, na yane, huno huʼnigenoʼaeʼmo Aisakiʼa, afo, huno, neleya ataʼe kaesuʼa ataʼaʼeʼmo ageʼnovaʼmonanafa amagitaʼa atafiʼmo ofalini kaesuʼa aikeli sipisipimo haiyate maiʼniye, huno ge huno afi geʼniye. 8#Yo 1:29,36; Hat 12:3-6Emalehamuʼa geʼaleʼmo aeno atagaina huno ha painoʼaeʼmo, Mafaʼneʼnimogae, huno, Gotiʼa agaiʼamo alisiya ofalinimo amisuʼa aikeli sipisipimo afaʼa laʼamigiye, huno ha paitegeʼana uʼnaʼae. 9Inagi anakaemo Gotiʼa ha paiʼniya koteʼmo uʼana avaʼyi huteʼanaeʼmo Emalehamuʼa yafa hiʼyalamuʼmo hu maleteno agotofuleʼmo atamo alino alagepa huno maletenoʼaeʼmo mafaʼneʼamo Aisaki aiyalateʼe ayatalateʼeʼmo nofi kiteno yafa hiʼyalamute atamo agotofuleʼmo alino havaeno ateʼniye. 10Inagi Emalehamuʼa haginamo alino mafaʼneʼamo lugoʼamo hatagausiyafeʼmo huʼniyaʼmonanafa 11#Aep 16:7-11Ala kava neʼmo enisole vekaʼamoʼmo kokunapatiʼmo ge hunoʼaeʼmo, Emalehamuo, Emalehamuo, huno keya aeno ge huʼnigeno Emalehamuʼa, maiʼnove, huno ha paiʼniye.
12 #
1 Sam 15:22; Ye 2:21-22 Ha paiʼnigenoʼaeʼmo enisole vekamoʼmo, mafaʼnekamo lugoʼamo ohatagauka agaetegamo mago agufa kavaʼmo osuvo. Kagaemo ani magoke mafaʼnekamo namisanafeʼmo agegeka oʼateʼnanaʼmofeʼmo nagaemo kageʼnovana Gotifeʼmo kaipafatiʼmo koli huʼneka mono nehane, huno ha paiʼniye.
13Emalehamuʼmo alino maku huno agelinuneno huno akamelega ageyana mago ve sipisipimoʼmo mago aise yosamo akopafiʼmo lokiyaʼafiʼmo vailiteno maiʼnigeno ageʼniye. Inagi agaemo uno ani sipisipimo avalelineno Aisaki aimuʼyaleʼmo amagino atafiʼmo kaeno Gotina ofalinimo amiʼniye. 14Inagi Emalehamuʼa ani kotefeʼmo, Ala kava neʼmoʼa laha maesiyafeʼmo fikumo lamigiye, huno agi ateʼniye. Vayaʼmogimo ani agimo aeme aeme eʼa hemenimo huʼapaeʼmo, Ala kava neʼmoʼa agaiʼa aveleʼmo laha maesiyafeʼmo fikumo lamigiye, huʼa nehae. 15Inagi Ala kava neʼmo enisole vekaʼamoʼmo kokuʼnapatiʼmo Emalehamufeʼmo halate ha painoʼaeʼmo, 16#Sam 105:9Nagaemo nagoʼyamo ataleteʼna nagiʼniletiʼmo lama gemo nehuve. Kagaemo magoke mafaʼnekamogeka afaʼa agegeka oʼateka ani kavaʼmo huʼnanaʼmofeʼmo 17#Aep 17:16; 15:5; 13:16nagaemo aliʼna auleʼna kateʼnaeʼmo aliʼna auleʼna kategauve. Nagaemo kaginago vayaʼmo aliʼna afole aiʼna apatesuva vayaʼmogimo kokuʼnate kanefikana huʼa afole aige ani kahaepagana huʼa afole aige hugae. Kaginago vayaʼmogimo kame vayaʼapimo kamemo huʼa aeʼa apaka seteʼa taoniʼapimo aligae. 18#Aep 12:3; 22:3Geʼnimo akame huʼnanaʼmofeʼmo kaginago mafaʼnekafatiʼmo muki ma mopafi nofi vayaʼmo aliʼna auleʼna apategauve, huno ha paiʼniye. 19Inagi Emalehamuʼa Aisakiʼmo avalelino aliʼyaʼamo neʼaliʼa neya vekalaʼanitegamo uʼnigeʼa Miyasima kotegamo atagineʼa uʼa ani koteʼmo Emalehamuʼmo alagi maiʼniye.
Neho nofi vayaʼai apakiʼapimo haneʼniya gemae
20Mani kavaʼmo hutegenoʼaeʼmo henagaʼamo Emalehamuʼa afiʼniyana kaganakamo Neho aʼmo Milikaʼmo mafaʼnemo alino apateʼniye, huʼa huʼnae. 21-22Ani mafaʼne anagaʼai apakiʼapimo yege mafaʼnemo Husiʼagi aganaʼamoʼmo Musiʼagi Kemuveliʼa Alami afoʼamoʼagi Kesetiʼagi Hasoʼagi Pilitasiʼagi Yitilapuʼagi Metueliʼagi huʼa maiʼnae. 23Metueliʼa Lipeka afoʼamoʼmae. Nehoʼa Emalehamu aganaʼamo aʼmo Milikaʼa ani eitiʼa mafaʼne anagaʼmo alino apateʼniye. 24Nehoʼmo henaga aliʼniya aʼamo agiʼamo Leyumaʼmo Temaʼagi Gahamuʼagi Tahasiʼagi Makaʼagi huno alino apateʼniye.
လက္ရွိေရြးခ်ယ္ထားမွု
Aepa Gemae 22: kyg2013
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2013, Wycliffe Bible Translators, Inc. All rights reserved.
Aepa Gemae 22
22
Gotiʼa Emalehamufeʼmo amalageka hisiyafeʼmo, Aisakiʼmo amagika ofalinimo namiyo, huno huʼniya gemae
1 #
Hi 11:17
Henagaʼamo ani kavaʼmo akamelegaʼamo Gotiʼa Emalehamuʼmo amalageka huʼniye. Agaefeʼmo keya aeno ge hunoʼaeʼmo, Emalehamuo, huno huʼnigenoʼaeʼmo Emalehamuʼa, maiʼnove, huno huʼniye. 2#Aep 22:12,16; Yo 5:20Huno huʼnigenoʼaeʼmo inagi Gotiʼa ha painoʼaeʼmo, magoke mafaʼnekamo lusi kava huno kahau kayamopafiʼmo kahauʼniya mafaʼnekamo Aisakiʼmo Molaiya haopalegamo avalelikugeʼna mago aveeʼmo kaha paiguve. Ani aveleʼmo kagaemo Aisakiʼmo amagika atafiʼmo kaeka ofalinimo namigane, huno ha paiʼniye.
3Inagi gotilamiyapiʼmo Emalehamuʼmo he tino ago usiyafeʼmo noki afuʼamo alino alagepa huteno Aisakiʼe neya vekalaʼmo aliʼyaʼamo neʼaliʼa vekalaʼeʼmo apavaleʼniye. Ofalinimo kaesiya atamo lagino aliteno Gotiʼa ha paiʼniya haopalegamo uʼniye. 4Inagi Emalehamuʼa loleʼe magoʼe afinaʼmo neʼunoʼaeʼmo alino maku huno ageyana ani koʼmo magoʼe huno afagiʼaleʼmo haneʼnigeno ageʼniye. 5#Hi 11:19Agaemo aliʼyaʼamo neʼaliʼa vekalaʼanifeʼmo, lanakaeʼe nokiʼeʼmo manile maiʼniyo. Nagaeʼe mafaʼneʼniʼeʼmo mugaʼaleʼmo utaʼa Gotifeʼmo mono huguʼae. Hutetaʼaeʼmo henagaʼamo halate ataginetaʼa lapakaetegamo manileʼmo egauʼae, huno hana paiʼniye.
6 #
Yo 19:17
Emalehamuʼa ofalinimo kaesiya atamo alino Aisaki agiʼnaleʼmo kofino ateteno neleya ataʼe haginaʼeʼmo Emalehamuʼa alitegeʼana uʼnaʼae. 7Neʼuʼanaeʼmo Aisakiʼa, afo, huno huʼnigenoʼaeʼmo Emalehamuʼa, mafaʼneʼnimogae, huno, na yane, huno huʼnigenoʼaeʼmo Aisakiʼa, afo, huno, neleya ataʼe kaesuʼa ataʼaʼeʼmo ageʼnovaʼmonanafa amagitaʼa atafiʼmo ofalini kaesuʼa aikeli sipisipimo haiyate maiʼniye, huno ge huno afi geʼniye. 8#Yo 1:29,36; Hat 12:3-6Emalehamuʼa geʼaleʼmo aeno atagaina huno ha painoʼaeʼmo, Mafaʼneʼnimogae, huno, Gotiʼa agaiʼamo alisiya ofalinimo amisuʼa aikeli sipisipimo afaʼa laʼamigiye, huno ha paitegeʼana uʼnaʼae. 9Inagi anakaemo Gotiʼa ha paiʼniya koteʼmo uʼana avaʼyi huteʼanaeʼmo Emalehamuʼa yafa hiʼyalamuʼmo hu maleteno agotofuleʼmo atamo alino alagepa huno maletenoʼaeʼmo mafaʼneʼamo Aisaki aiyalateʼe ayatalateʼeʼmo nofi kiteno yafa hiʼyalamute atamo agotofuleʼmo alino havaeno ateʼniye. 10Inagi Emalehamuʼa haginamo alino mafaʼneʼamo lugoʼamo hatagausiyafeʼmo huʼniyaʼmonanafa 11#Aep 16:7-11Ala kava neʼmo enisole vekaʼamoʼmo kokunapatiʼmo ge hunoʼaeʼmo, Emalehamuo, Emalehamuo, huno keya aeno ge huʼnigeno Emalehamuʼa, maiʼnove, huno ha paiʼniye.
12 #
1 Sam 15:22; Ye 2:21-22 Ha paiʼnigenoʼaeʼmo enisole vekamoʼmo, mafaʼnekamo lugoʼamo ohatagauka agaetegamo mago agufa kavaʼmo osuvo. Kagaemo ani magoke mafaʼnekamo namisanafeʼmo agegeka oʼateʼnanaʼmofeʼmo nagaemo kageʼnovana Gotifeʼmo kaipafatiʼmo koli huʼneka mono nehane, huno ha paiʼniye.
13Emalehamuʼmo alino maku huno agelinuneno huno akamelega ageyana mago ve sipisipimoʼmo mago aise yosamo akopafiʼmo lokiyaʼafiʼmo vailiteno maiʼnigeno ageʼniye. Inagi agaemo uno ani sipisipimo avalelineno Aisaki aimuʼyaleʼmo amagino atafiʼmo kaeno Gotina ofalinimo amiʼniye. 14Inagi Emalehamuʼa ani kotefeʼmo, Ala kava neʼmoʼa laha maesiyafeʼmo fikumo lamigiye, huno agi ateʼniye. Vayaʼmogimo ani agimo aeme aeme eʼa hemenimo huʼapaeʼmo, Ala kava neʼmoʼa agaiʼa aveleʼmo laha maesiyafeʼmo fikumo lamigiye, huʼa nehae. 15Inagi Ala kava neʼmo enisole vekaʼamoʼmo kokuʼnapatiʼmo Emalehamufeʼmo halate ha painoʼaeʼmo, 16#Sam 105:9Nagaemo nagoʼyamo ataleteʼna nagiʼniletiʼmo lama gemo nehuve. Kagaemo magoke mafaʼnekamogeka afaʼa agegeka oʼateka ani kavaʼmo huʼnanaʼmofeʼmo 17#Aep 17:16; 15:5; 13:16nagaemo aliʼna auleʼna kateʼnaeʼmo aliʼna auleʼna kategauve. Nagaemo kaginago vayaʼmo aliʼna afole aiʼna apatesuva vayaʼmogimo kokuʼnate kanefikana huʼa afole aige ani kahaepagana huʼa afole aige hugae. Kaginago vayaʼmogimo kame vayaʼapimo kamemo huʼa aeʼa apaka seteʼa taoniʼapimo aligae. 18#Aep 12:3; 22:3Geʼnimo akame huʼnanaʼmofeʼmo kaginago mafaʼnekafatiʼmo muki ma mopafi nofi vayaʼmo aliʼna auleʼna apategauve, huno ha paiʼniye. 19Inagi Emalehamuʼa Aisakiʼmo avalelino aliʼyaʼamo neʼaliʼa neya vekalaʼanitegamo uʼnigeʼa Miyasima kotegamo atagineʼa uʼa ani koteʼmo Emalehamuʼmo alagi maiʼniye.
Neho nofi vayaʼai apakiʼapimo haneʼniya gemae
20Mani kavaʼmo hutegenoʼaeʼmo henagaʼamo Emalehamuʼa afiʼniyana kaganakamo Neho aʼmo Milikaʼmo mafaʼnemo alino apateʼniye, huʼa huʼnae. 21-22Ani mafaʼne anagaʼai apakiʼapimo yege mafaʼnemo Husiʼagi aganaʼamoʼmo Musiʼagi Kemuveliʼa Alami afoʼamoʼagi Kesetiʼagi Hasoʼagi Pilitasiʼagi Yitilapuʼagi Metueliʼagi huʼa maiʼnae. 23Metueliʼa Lipeka afoʼamoʼmae. Nehoʼa Emalehamu aganaʼamo aʼmo Milikaʼa ani eitiʼa mafaʼne anagaʼmo alino apateʼniye. 24Nehoʼmo henaga aliʼniya aʼamo agiʼamo Leyumaʼmo Temaʼagi Gahamuʼagi Tahasiʼagi Makaʼagi huno alino apateʼniye.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2013, Wycliffe Bible Translators, Inc. All rights reserved.