KENESE 3
3
Te Fakalogogata o te Tagata
1 #
Faka 12.9; 20.2 A te gata ko te toe manu faitogafiti eiloa i manu katoa ne faite ne te Aliki te Atua. Muna a te gata ki te fafine, “E tonu eiloa i te Atua ne fai atu ke sa kai koulua ki fuaga o so se lakau i te fatoaga?”
2Ne tali atu te fafine penei, “E mafai ne maua o kai ki fuaga o so se lakau i te fatoaga, 3kae tena fua ko te lakau tela i te kogaloto o te fatoaga. A te Atua ne fai mai ke tapu e 'kai maua ki fuaga o te lakau tena io me pa'tele ki ei; kafai e 'kai maua ki ei, ko maua ka 'mate.”
4Muna a te gata penei ki te fafine, “A te mea tena seai se mea tonu; a koulua e se 'mate. 5A te Atua ne fai atu pena, me e iloa ne ia me kafai e 'kai koulua ki fuaga o te lakau tena, ko koulua ka pau mo te Atua,#3.5: Atua; io me ne atua. ka iloa foki ei ne koulua te mea lei mo te mea masei.”#3.5: e iloa te lei mo te mea masei; io me iloa o mea katoa.
6Ne kilo atu te fafine ki te gali o te lakau, mo ona fuaga ko mata lei faka i te kai. Ne mafaufau aka a ia me kaati se mea sili i te lei ke maua te poto i a ia. Tela ne puke aka ne ia te fuaga lakau, kai ei ne ia. Ne tuku atu ne ia ne mu mea ki tena avaga, tela ne kai foki ki ei. 7Ko te otiga eiloa ne kai laua ki te fuaga lakau tena, te mea eiloa ko oko atu ki a laua te malamalama tela ko iloa foki ei ne laua i a laua e nofo fuafua, seai ne sulu. Tela, 'sui ei ne laua a lau o mati pela me ne titi mo ufi ei la foitino.
8I te afiafi, ne lagona ne laua te Aliki te Atua e sasale i loto i te fatoaga, tela ne 'muni ei laua mai i a ia i loto i vao lakau. 9Ka ko te Aliki te Atua ne kalaga atu ki te tagata penei, “Tefea koe?”
10Ne tali atu te tagata penei, “Ne lagona ne au a koe i te fatoaga; au ne mataku, tela ne muni ei au mai i a koe me i a au e nofo fuafua.”
11Muna a te Atua, “Ko oi te tino ne fai atu ki a koe i a koe e nofo fuafua? E a, ko oti koe ne kai ki te fuaga o te lakau tela ne fakatapu ne au koulua ke kai ki ei?” 12Muna a te tagata penei, “Ko te fafine tenei ne aumai ne koe ke nofo maua, ne aumai ne ia te fuaga o te lakau ki a au, tela ne kai ei au ki ei.”
13 #
2Koli 11.3; 1Timo 2.14 Muna a te Aliki te Atua ki te fafine penei, “Ai a ne fai ei ne koe te mea tenei?”
Ne tali atu te fafine penei, “Ko te gata ne fakaloiloi ne ia a au ke kai au ki ei.”
Ko Fakasalaga
14Tena, fai atu ei te Aliki te Atua ki te gata penei, “A koe ka fakasala e tusa mo te mea tenei ne fai ne koe; ko koe ake eiloa mai manu katoa ka nofo mo te fakasalaga tenei: Mai te taimi tenei, a koe ka 'solo ki tou tinae, ka ko te pefu ka fai mo au meakai ke oko ki tou mate. 15#Faka 12.17Ka fai ne au a koulua mo te fafine ke fai fili; a tau fanau mo tena fanau ka fai fili faeloa. Ka tuki pala ne te fanau a te fafine a tou ulu, kae ka u ne koe olotou#3.15: ana fanau; io me olotou. mulivae.”
16Kae ne fai atu a te Atua penei ki te fafine, “Ka fakafita ne au a koe i aso e faitama ei koe, kae ka mae malosi koe i te taimi e fanau ei koe. Kae e ui eiloa i te mea tena, ka ko koe e fiafia eiloa ki tau avaga, e nofo eiloa koe mai lalo o tena pulega.”
17 #
Epe 6.8
Kae ne fai atu te Aliki te Atua ki te tagata penei, “A koe ne fakalogo ki tau avaga o kai te fuaga lakau tela ne fakatapu ne au a koulua ke sa kai ki ei. Ona ko te mea tena ne fai ne koe, a te laukele ka malaia. A koe ka galue fita i tou olaga katoa ko te mea ke fua mai ne meakai ma koe i te laukele. 18Ka 'tupu ake a mouku mo lakau talatala, kae ka kai koe ki ei. 19A koe ka galue malosi kae tauta, kae fatoa maua ne au meakai mai te laukele, ke oko eiloa ki te taimi e toe foki ei koe ki te laukele tela ne mafua mai ei koe. A koe ne faite mai te laukele kae ka toe foki eiloa koe ki te laukele.”
20Ne fakaigoa ne Atamu#3.20: Atamu: Te uiga o te igoa tenei faka Epelu “tino ola katoa.” tena avaga ko Eva,#3.20: Eva: A te uiga o te igoa tenei faka Epelu “ola” tela e fakaasi mai i konei me ne tino ola. me ko ia ko te matua o tino ola katoa. 21Ne faite ne te Aliki te Atua a gatu mai pakili o manu mo Atamu mo tena avaga, fakapei atu eiloa ne ia ki a laua.
Atamu mo Eva ko Afuli Keatea mo te Fatoaga
22 #
Faka 22.14
Muna a te Aliki te Atua, “A te tagata ko pau mo tatou, ko iloa ne ia te mea lei mo te mea masei.#3.22: te poto i mea lei mo mea masei; io me te poto i mea katoa. E se tau o fakasaoloto a ia ke kai ki fuaga o te lakau o te ola, kae ke ola ki te se gata mai.” 23Tena, uga ei ne te Aliki te Atua te tagata ke fano keatea mai te Fatoaga o Etena, ke fano o galue te laukele tela ne mafua mai ei a ia. 24Oti aka, tuku ei ne ia a kelupi i te feitu ki te saegala o te fatoaga, mo te pelu afi tela e fulifuli faeloa ki feitu katoa. A te mea tena e leoleo ei a te lakau o te ola ke mo a se tino e fakapilipili ki ei.
လက္ရွိေရြးခ်ယ္ထားမွု
KENESE 3: Tusi Tapu
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Tuvalu Revised Bible © Bible Society in the South Pacific
KENESE 3
3
Te Fakalogogata o te Tagata
1 #
Faka 12.9; 20.2 A te gata ko te toe manu faitogafiti eiloa i manu katoa ne faite ne te Aliki te Atua. Muna a te gata ki te fafine, “E tonu eiloa i te Atua ne fai atu ke sa kai koulua ki fuaga o so se lakau i te fatoaga?”
2Ne tali atu te fafine penei, “E mafai ne maua o kai ki fuaga o so se lakau i te fatoaga, 3kae tena fua ko te lakau tela i te kogaloto o te fatoaga. A te Atua ne fai mai ke tapu e 'kai maua ki fuaga o te lakau tena io me pa'tele ki ei; kafai e 'kai maua ki ei, ko maua ka 'mate.”
4Muna a te gata penei ki te fafine, “A te mea tena seai se mea tonu; a koulua e se 'mate. 5A te Atua ne fai atu pena, me e iloa ne ia me kafai e 'kai koulua ki fuaga o te lakau tena, ko koulua ka pau mo te Atua,#3.5: Atua; io me ne atua. ka iloa foki ei ne koulua te mea lei mo te mea masei.”#3.5: e iloa te lei mo te mea masei; io me iloa o mea katoa.
6Ne kilo atu te fafine ki te gali o te lakau, mo ona fuaga ko mata lei faka i te kai. Ne mafaufau aka a ia me kaati se mea sili i te lei ke maua te poto i a ia. Tela ne puke aka ne ia te fuaga lakau, kai ei ne ia. Ne tuku atu ne ia ne mu mea ki tena avaga, tela ne kai foki ki ei. 7Ko te otiga eiloa ne kai laua ki te fuaga lakau tena, te mea eiloa ko oko atu ki a laua te malamalama tela ko iloa foki ei ne laua i a laua e nofo fuafua, seai ne sulu. Tela, 'sui ei ne laua a lau o mati pela me ne titi mo ufi ei la foitino.
8I te afiafi, ne lagona ne laua te Aliki te Atua e sasale i loto i te fatoaga, tela ne 'muni ei laua mai i a ia i loto i vao lakau. 9Ka ko te Aliki te Atua ne kalaga atu ki te tagata penei, “Tefea koe?”
10Ne tali atu te tagata penei, “Ne lagona ne au a koe i te fatoaga; au ne mataku, tela ne muni ei au mai i a koe me i a au e nofo fuafua.”
11Muna a te Atua, “Ko oi te tino ne fai atu ki a koe i a koe e nofo fuafua? E a, ko oti koe ne kai ki te fuaga o te lakau tela ne fakatapu ne au koulua ke kai ki ei?” 12Muna a te tagata penei, “Ko te fafine tenei ne aumai ne koe ke nofo maua, ne aumai ne ia te fuaga o te lakau ki a au, tela ne kai ei au ki ei.”
13 #
2Koli 11.3; 1Timo 2.14 Muna a te Aliki te Atua ki te fafine penei, “Ai a ne fai ei ne koe te mea tenei?”
Ne tali atu te fafine penei, “Ko te gata ne fakaloiloi ne ia a au ke kai au ki ei.”
Ko Fakasalaga
14Tena, fai atu ei te Aliki te Atua ki te gata penei, “A koe ka fakasala e tusa mo te mea tenei ne fai ne koe; ko koe ake eiloa mai manu katoa ka nofo mo te fakasalaga tenei: Mai te taimi tenei, a koe ka 'solo ki tou tinae, ka ko te pefu ka fai mo au meakai ke oko ki tou mate. 15#Faka 12.17Ka fai ne au a koulua mo te fafine ke fai fili; a tau fanau mo tena fanau ka fai fili faeloa. Ka tuki pala ne te fanau a te fafine a tou ulu, kae ka u ne koe olotou#3.15: ana fanau; io me olotou. mulivae.”
16Kae ne fai atu a te Atua penei ki te fafine, “Ka fakafita ne au a koe i aso e faitama ei koe, kae ka mae malosi koe i te taimi e fanau ei koe. Kae e ui eiloa i te mea tena, ka ko koe e fiafia eiloa ki tau avaga, e nofo eiloa koe mai lalo o tena pulega.”
17 #
Epe 6.8
Kae ne fai atu te Aliki te Atua ki te tagata penei, “A koe ne fakalogo ki tau avaga o kai te fuaga lakau tela ne fakatapu ne au a koulua ke sa kai ki ei. Ona ko te mea tena ne fai ne koe, a te laukele ka malaia. A koe ka galue fita i tou olaga katoa ko te mea ke fua mai ne meakai ma koe i te laukele. 18Ka 'tupu ake a mouku mo lakau talatala, kae ka kai koe ki ei. 19A koe ka galue malosi kae tauta, kae fatoa maua ne au meakai mai te laukele, ke oko eiloa ki te taimi e toe foki ei koe ki te laukele tela ne mafua mai ei koe. A koe ne faite mai te laukele kae ka toe foki eiloa koe ki te laukele.”
20Ne fakaigoa ne Atamu#3.20: Atamu: Te uiga o te igoa tenei faka Epelu “tino ola katoa.” tena avaga ko Eva,#3.20: Eva: A te uiga o te igoa tenei faka Epelu “ola” tela e fakaasi mai i konei me ne tino ola. me ko ia ko te matua o tino ola katoa. 21Ne faite ne te Aliki te Atua a gatu mai pakili o manu mo Atamu mo tena avaga, fakapei atu eiloa ne ia ki a laua.
Atamu mo Eva ko Afuli Keatea mo te Fatoaga
22 #
Faka 22.14
Muna a te Aliki te Atua, “A te tagata ko pau mo tatou, ko iloa ne ia te mea lei mo te mea masei.#3.22: te poto i mea lei mo mea masei; io me te poto i mea katoa. E se tau o fakasaoloto a ia ke kai ki fuaga o te lakau o te ola, kae ke ola ki te se gata mai.” 23Tena, uga ei ne te Aliki te Atua te tagata ke fano keatea mai te Fatoaga o Etena, ke fano o galue te laukele tela ne mafua mai ei a ia. 24Oti aka, tuku ei ne ia a kelupi i te feitu ki te saegala o te fatoaga, mo te pelu afi tela e fulifuli faeloa ki feitu katoa. A te mea tena e leoleo ei a te lakau o te ola ke mo a se tino e fakapilipili ki ei.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Tuvalu Revised Bible © Bible Society in the South Pacific