Markus 1
1
1Tiyatsi lemofeme da Yesu Kristo Ndse da Pwa.
2Botsi miya dori avor malamtso da annabi Ishaya,
“Ni, na len ndso‐tuffedei ahumwasa, ma ḅa ḍado tuffedow.
3Kwormu ma‐waha avor kake, ḍamdo tuffe da Homengum, fiyemgo tuffeden:”
4Yohanna a si ma ḍa baptisma avor kake, nda boyi leme a ḍa baptisma ungo po njiya gekelo piyatso ka sahasei.
5Miye Yahudiya kat ka miye Yerusalem ta dimma hakan; nda ḍaren baptisma avor ine Urdun, ta boyen lemehaseidaren.
6Yohanna a chopwa ka syewoi lugwabtso, nda ḅweye sisen ka sillare a ngbangen, ndadi zem aw?-?ye ka nzumwatso avor kake.
7Nda boyi leme adi tsa a chi: “Ma ne di si ḅa kwodei abesin nda perrigi ka kentso, so ḅweyi hwonyeden tá kenni na gierero a parra.
8Hen, na ḍowno baptisma ka habiye; ndi, ndaḅa ḍowno baptisma ka Pitso Tsubwatso.”
9Avor getsingen Yesu a dimma di Nazarat abasa Galili. Yohanna a ḍan baptisma avor Urdun.
10Naya nda dimma di vor habiye, yanggbel pwa a wuno, Pitso botsi gullatso a janga anangen;
11Kworme a dimma di pwa adi tsa a chi: “Hye no Ndsedei, a na mo; ha ningi kow yang.”
12Pitso a madden gbel nda wudo kake.
13Tsi ne avor kake boteden bow fwat, Shaitan adi elten ka lemehasei; nda ndsa ḅwa ka sye kake; malaiku ta ḍan kissawne.
14Betso miya ḍikdo Yohanna a gberrowe, Yesu a wudo vor Galili adi boye lemefeme da Pwa, ndadi tsa a chi:
15“Bo tilo hangen, homne da Pwa ne gbel, po?-?rum njiya huna vo diyalome gaka lemofeme.”
16Ndadi weyo a kwaka habiye da Galili, nda na Siman ka Andarawus ndso‐nogo Siman, tadi ḍong ndalimtso avor habiye, ten dziye‐ker vakye.
17Yesu a tsaren a chi: “Hwam ga besin, hen gban, na ngaddowno huna ndsa dziye‐ker ḅware.”
18Ḅongong ḅongong ta ḍaka ndalimtso a kwo?-?ḍen.
19Naya nda weyo akwamu kyengkyeng nda na Yakub ndse da Zabdi, ka Yohanna ndse‐nogen; ten gban, ten ne avor kwombe di ḍade ndalimtso,
20gbel nda watiren; ta ḍaka bageren, Zabdi avor kwombe ka lagbeiden, ta kwoḍo besin.
21Ta perro vor Kafranahum. Gbel nda perro hwodiye hiwotso a fira piyatso; nda gballa kenne miye.
22Ta ndello ka kenlemeden, gibo nda kenneren hye kanna a chi tsi ne homo‐ha, á botsi miye‐ḍaḍuwe.
23Avor hwodiye hiwotso ama nedo ka pitso rektso.
24Nda mar kwormungen adi tsa a chi: “Mino ungeino kow, Yesu Ndse‐Nazarat? Hye si ḅa mberreina? Hen leyera, hye, ndso‐tsubwatsi da Pwa.”
25Yesu a boyi leme adi tsa a chi: “Kir kwa?-?munga hye dimma di yedingen.”
26Rektso pitso a taḅalaren, nda mar kwormungen kerker, nda dimma di yedingen.
27Ten kat, ta ndello a ḍiye so di siren ta tsa a chi: “Mino sano? kensye hweila na? Nda hiwa rektso pitso ka mbamtso, ten gban ta kel lemeden.”
28Lemeden a muḍo nagiduma a perrigo njiya Galili.
29Naya ta dimma di ha hiwotso ta perro hwoda Siman ka Andarawus, ten no ka Yaḳub ka Yohanna.
30-31Soyitsi Siman nga bo ka otso. Gbel ta boyen lemedaro; nda si a kittiro a tuffongero a maddo, otso a ḍakaro, nga wudo lentsodaro.
32Ka kade, fire ḅe mberro, miya si gakan ka dziye‐otso kat ka dziye‐pelle.
33Miye‐hwodiyengen ta gbowo a kwamu ha.
34Nda mbo miye‐otso hanannan, otsodaren som som; nda dimmado pelle hananan; ndá ḍaka pelle ta boye leme gekelo ta leyeren.
35Ka ha kedatso nda maḍo a dimmo, nda wudo ha nedo tá ḅwara do, gara nda ḍa hiwotso.
36Ka Siman ka miye hakan ta kwoḍo besen.
37Ta pan ta tsan a chi: “Ḅware kat ten ne di elta.”
38Nda tsaren a chi: “Ḍakamen ma wudumo hwodiye gbelye, gekelo na boye leme garo, gibo ge lano na si.”
39Nda perro vor hwodiye hiwotsodaren avor Galili kat, nda boye leme a dimdo pelle.
40A ndso‐dagdei a si gakan adi ngisen nda gyerero ahumwasen adi tsan a chi: “Na hye mwa, ha ḅo kow hye mbo otsi ino a sisin.”
41Lemongen a o Yesu, nda ḍif tuffongen a pan a tsan a chi: “Hen mwa, hya dimma chaw.”
42Ḅogong ḅongong dagdei a mbo gen, nda go dsang dsang.
43Gbel nda ven tuffe a hiwan kerker a tsan a chi:
44“Ḅé boyi a lemo ka ndong ma: dso wudo, bil?-?lo malami ka nanga hye ḍa sye Musa a hiwa gekelo tsubwatsodow go mwaledaren.”
45Nda dimmo a tiya boye miye hananan, nda kajido lemenano kat, Yesu árei mba portso avor hwodiye yangbwang. Tsi ne a basa ha tá ḅwara do; ta si gakan di ha chang.
လက္ရွိေရြးခ်ယ္ထားမွု
Markus 1: BCYMRK
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
First published by the British and Foreign Bible Society in 1915.