Ma-thi-ơ 5
5
Pal smlaang klanh
(Lu-ka 6:20-23)
1Tơt sau phung raih ơk, Brah Jê-sus han hao bnơm. Plah Pang gôq, bơl jơrnơ lôh dơơh. 2Pang pơơk baak tơmbơh tti laah:
3“Smlaang aan pal bnih l'ơơi rngiêl chưt nuih,
Đươm nggoor trôôk pơơn teq u bu!
4Smlaang aan pal bnih nhim ngliêng,
Đươm a kươi kươt nđum nđiêng!
5Smlaang aan pal bnih l'ưt lmư,
Đươm a kươi dơơn ryơơng teh!
6Smlaang aan bơl bnih nh'hit nh'hiêr baak sêch song,
Đươm a kươi kươt hơơm!
7Smlaang aan pal bnih geh chưt gmaak,
Đươm a kươi kươt gmaak!
8Smlaang aan pal bnih geh chưt sêch jrah,
Đươm a kươi sau Brah Ưn!
9Smlaang aan pal bnih ta krôih,
Đươm a kươi kươt chôôl laa koon Brah Ưn!
10Smlaang aan pal bnih dol nhôp kơt đươm baak sêch song,#I Phi 3:14.
Đươm nggoor trôôk pơơn teq u bu!
11Smlaang aan bơl 'bei tơt đươm Hei baah bơl 'bei dol jôm bnih jam joot, nhôp kơt, pnđing#5:11 pnđing: Knông m'baak plơơp 'bian ti laa pnđing tiah bơl 'bei. sơp baak ap.#I Phi 4:14. 12Phrui broh s'bai chham rơơn, đươm tkôm bơl 'bei ri a lơ trôôk laa ttih đat; đươm yau grnưt noor di mat bơl 'bei kot ja dol nhôp kơt bei nei.”#Kênh 7:52.
Boh u Chrah aang
(Mak 9:50; Lu-ka 14:34,35)
13“Bơl 'bei laa boh teh ri, dôh mơq boh saap ttiat nei lơh bei êch aan ttiat kươi kươt? Boh nei but 'bưn til, phrui jang teq u dol bu nday jaq a jơng.#Mak 9:50; Lu 14:34-35. 14Bơl 'bei laa chrah aang aan swich teh. Di poh sun lơ bnơm nei 'bưn geh km'ang kươt.#Ja 8:12; 9:5. 15'Bưn 'bơơn kkaat đeng baah dơih a teh krôôm thông, dôh dơih lơ jơng đeng jah yơr sm'baang jôm bnih knông nhi.#Mak 4:21; Lu 8:16; 11:33. 16Kot bei nei, rơn aang bơl 'bei phrui yơr aang di mat jôm bnih, jah bu sau pal kaar lơh klanh bơl 'bei u pơt wơơl Bươp bơl 'bei a lơ trôôk.”#I Phi 2:12.
Ch'bap u baak grnưt noor
17“Khơm kơn ơơn Hei lôh jah teq lơơi ch'bap paich baak grnưt noor; Hei lôh, 'bưn geh jah teq lơơi dôh jah lơh sơp. 18Đươm ngan, Hei lah bơl 'bei, di mat teh trôôk han rlach nei di chrơ nơm, di glat knông ch'bap kot 'bưn geh han rlach kươt, aan tơt jơl jôm baak kươt lơh sơp.#5:18 jôm baak kươt lơh sơp: Paich laa jôm baak lôh tơt.#Lu 16:17. 19Đươm nei, 'bơơn teq lơơi di ntil dêq đat knông baak ch'bap au u kne bu nday lơh bei nei, nei a kươi dol mơq laa dêq đat knông nggoor trôôk; nha 'bơơn prap pal baak ch'bap nei u kne bu nha, nei a kươi kươt mơq laa ttih knông nggoor trôôk. 20Đươm Hei lah aan bơl 'bei gưt: Mơq baak sêch song bơl 'bei ri 'bưn huôih baak sêch song bơl yau gưt jhai ri u bnih Pha-ri-si, bơl 'bei 'bưn geh mưt kươt nggoor trôôk.
21Bơl 'bei ja iat baak tơmbơh kne aan bnih khal hư laah: ‘Khơơm lưm bnih; mơq 'bơơn lưm bnih nei phrui dol pơrkat dôih.’ 22Dôh Hei lah bơl 'bei: 'Bơơn hao nuih#5:22 hao nuih: Knông m'baak plơơp 'bian ti laa hao nuih arơi. oh bi bơn kot dip dol pơrkat dôih; 'bơơn raak oh bi bơn laa ‘kơrlung kơrlong’ nei kot dip dol Phung kliêu Jưm mlưm pơrkat; 'bơơn raak oh bi bơn laa wơơng pniêm nei dip dol phaat gưndrung ôinh. 23Đươm nei, tơt koon liêu griêng piyơ ktôk bliêng r'bưn baah gênh kơơi bnih oh bi bơn plah geh baak ơơn kmang n'hai bơn, 24phrui jah griêng amat bliêng r'bưn, plơq siq ta krôih n'hai oh bi noor, kươi nei phrui lôh piyơ thwaai. 25Tơt 'bei han troong n'hai bnih pnđing bơn, phrui gway ta krôih n'hai bnih nei; mơq 'bưn, bnih nei a kươi ndơơp 'bei amat yau pơrkat, yau pơrkat ndơơp aan kan khaam, u koon a kươi dol teq khaam. 26A ngan, Hei maanh koon, koon a kươi 'bưn khal êch sot rlach khaam kươt aan tơt jơl kah sơp slưng prak ptut.
27Bơl 'bei ja iat baak tơmbơh kne: ‘Khơơm geh dôih jrôq jrơm.’ 28Dôh Hei lah aan bơl 'bei gưt: 'Bơơn mơq dơur baah êch sơ ôp nei knông chưt ja geh dôih jrôq jrơm n'hai bnih nei hơơi. 29Mơq pi mat mak ma lơh 'bei geh dôih, phrui glach u jang teq ơơi! Đươm n'hop n'hal 'bei saap di bôh chhak jan nha huôih laa sơp leq chhak jan dol jang teq u gưndrung ôinh.#Mat 18:9; Mak 9:47. 30Mơq ti ma 'bei ri rook aan 'bei geh dôih, phrui paang u jang teq ơơi! Đươm n'hop n'hal lơh 'bei saap di bôh chhak jan huôih laa sơp leq chhak jan phrui jang teq u gưndrung ôinh.#Mat 18:8; Mak 9:43.
31Kơơi kot kne laah: ‘'Bơơn teq lơơi sai ur, phrui aan mei di đaai teq lơơi.’ 32Dôh Hei lah n'hai bơl 'bei: 'Bơơn teq lơơi sai ur 'bưn geh đươm rơ kheet ta tưr nei lơh aan sai ur bơn but geh ta tưr, nha 'bơơn kliêr dơur dol teq lơơi nei geh dôih ta tưr.#Mat 19:9; Mak 10:11-12; Lu 16:18; I Kô 7:10-11.
33Bơl 'bei geh iat baak kne aan bnih khal hư laah: ‘Khơơm huôih baak daai, phrui prap ơn baak daai teq n'hai Brah.’ 34Dôh Hei lah bơl 'bei: Khơơm daai ơơn leq. Khơơm chong trôôk baah daai, đươm nei laa gơrnôq Brah Ưn ri;#Jak 5:12; Mat 23:22. 35khơơm chong teh baah daai, đươm nei laa knơơl jơng Pang ri; khơơm chong poh Jê-ru-sa-lem baah daai, đươm nei laa poh snđach ttih ri. 36Kot khơơm chong bôôk bơn baah daai, đươm koon 'bưn geh lơh aan di kong chhok sot book paich nhhông kươt. 37Dôh dơơn mor: ‘Dip, dip’ paich ‘'Bưn, 'bưn’ laa sơp. Nha top chhem ntil ơơn laa đươm lôh a chaak ap.
38Bơl 'bei geh iat baak kne laah: ‘Mat soong mat, chhêk soong chhêk.’ 39Dôh Hei maanh bơl 'bei: Khơơm ta wal bơl đơơk. Mat baah kơơi, mơq 'bơơn taap bom mak ma, phrui ndơơp broih bom mak tôw aan bnih nei; 40Mơq 'bơơn êch pnđing koon jah pơih ao agaih, phrui aan bnih nei pơih broih ao klung; 41mơq 'bơơn nhôp koon han di bôông, phrui han n'hai bnih nei baar bôông. 42'Bơơn dan, phrui aan; 'bơơn buôn koon ri nei khơơm dmôw.
43Bơl 'bei geh iat baak kne laah: ‘Phrui êch srlanh bnih a gêêng, u phrui a kiêr bơl kmang.’ 44Dôh Hei lah bơl 'bei: Phrui êch srlanh bơl kmang u r'bon dan aan bơl nhôp kơt bơl 'bei 45jah bơl 'bei kươt but koon Bươp ri a lơ trôôk, đươm Pang lơh mat nar kơơt hao yơr aang bnih đơơk leq bnih l'ưt chưt, ươn mi aan bnih sêch song leq bnih bn'ap.
46Mơq bơl koon dơơn êch srlanh bơl 'bơơn êch srlanh bơn, nei geh ơơn klanh dip awơơl laang? Pal bnih nhôq prak 'bưn geh gôq rêh bei nei laang? 47Mơq bơl 'bei dơơn wơơt ôp oh bi bơn ei nei geh huôih ơơn 'bơơn? Bơl raih agaih 'bưn gôq rêh bei nei laang? 48Bei nei bơl 'bei phrui mơ klanh rliêp bei Bươp bơl 'bei a lơ trôôk laa klanh rliêp.”
လက္ရွိေရြးခ်ယ္ထားမွု
Ma-thi-ơ 5: SBL2024
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2024 Bible Society Vietnam. All rights reserved.
Ma-thi-ơ 5
5
Pal smlaang klanh
(Lu-ka 6:20-23)
1Tơt sau phung raih ơk, Brah Jê-sus han hao bnơm. Plah Pang gôq, bơl jơrnơ lôh dơơh. 2Pang pơơk baak tơmbơh tti laah:
3“Smlaang aan pal bnih l'ơơi rngiêl chưt nuih,
Đươm nggoor trôôk pơơn teq u bu!
4Smlaang aan pal bnih nhim ngliêng,
Đươm a kươi kươt nđum nđiêng!
5Smlaang aan pal bnih l'ưt lmư,
Đươm a kươi dơơn ryơơng teh!
6Smlaang aan bơl bnih nh'hit nh'hiêr baak sêch song,
Đươm a kươi kươt hơơm!
7Smlaang aan pal bnih geh chưt gmaak,
Đươm a kươi kươt gmaak!
8Smlaang aan pal bnih geh chưt sêch jrah,
Đươm a kươi sau Brah Ưn!
9Smlaang aan pal bnih ta krôih,
Đươm a kươi kươt chôôl laa koon Brah Ưn!
10Smlaang aan pal bnih dol nhôp kơt đươm baak sêch song,#I Phi 3:14.
Đươm nggoor trôôk pơơn teq u bu!
11Smlaang aan bơl 'bei tơt đươm Hei baah bơl 'bei dol jôm bnih jam joot, nhôp kơt, pnđing#5:11 pnđing: Knông m'baak plơơp 'bian ti laa pnđing tiah bơl 'bei. sơp baak ap.#I Phi 4:14. 12Phrui broh s'bai chham rơơn, đươm tkôm bơl 'bei ri a lơ trôôk laa ttih đat; đươm yau grnưt noor di mat bơl 'bei kot ja dol nhôp kơt bei nei.”#Kênh 7:52.
Boh u Chrah aang
(Mak 9:50; Lu-ka 14:34,35)
13“Bơl 'bei laa boh teh ri, dôh mơq boh saap ttiat nei lơh bei êch aan ttiat kươi kươt? Boh nei but 'bưn til, phrui jang teq u dol bu nday jaq a jơng.#Mak 9:50; Lu 14:34-35. 14Bơl 'bei laa chrah aang aan swich teh. Di poh sun lơ bnơm nei 'bưn geh km'ang kươt.#Ja 8:12; 9:5. 15'Bưn 'bơơn kkaat đeng baah dơih a teh krôôm thông, dôh dơih lơ jơng đeng jah yơr sm'baang jôm bnih knông nhi.#Mak 4:21; Lu 8:16; 11:33. 16Kot bei nei, rơn aang bơl 'bei phrui yơr aang di mat jôm bnih, jah bu sau pal kaar lơh klanh bơl 'bei u pơt wơơl Bươp bơl 'bei a lơ trôôk.”#I Phi 2:12.
Ch'bap u baak grnưt noor
17“Khơm kơn ơơn Hei lôh jah teq lơơi ch'bap paich baak grnưt noor; Hei lôh, 'bưn geh jah teq lơơi dôh jah lơh sơp. 18Đươm ngan, Hei lah bơl 'bei, di mat teh trôôk han rlach nei di chrơ nơm, di glat knông ch'bap kot 'bưn geh han rlach kươt, aan tơt jơl jôm baak kươt lơh sơp.#5:18 jôm baak kươt lơh sơp: Paich laa jôm baak lôh tơt.#Lu 16:17. 19Đươm nei, 'bơơn teq lơơi di ntil dêq đat knông baak ch'bap au u kne bu nday lơh bei nei, nei a kươi dol mơq laa dêq đat knông nggoor trôôk; nha 'bơơn prap pal baak ch'bap nei u kne bu nha, nei a kươi kươt mơq laa ttih knông nggoor trôôk. 20Đươm Hei lah aan bơl 'bei gưt: Mơq baak sêch song bơl 'bei ri 'bưn huôih baak sêch song bơl yau gưt jhai ri u bnih Pha-ri-si, bơl 'bei 'bưn geh mưt kươt nggoor trôôk.
21Bơl 'bei ja iat baak tơmbơh kne aan bnih khal hư laah: ‘Khơơm lưm bnih; mơq 'bơơn lưm bnih nei phrui dol pơrkat dôih.’ 22Dôh Hei lah bơl 'bei: 'Bơơn hao nuih#5:22 hao nuih: Knông m'baak plơơp 'bian ti laa hao nuih arơi. oh bi bơn kot dip dol pơrkat dôih; 'bơơn raak oh bi bơn laa ‘kơrlung kơrlong’ nei kot dip dol Phung kliêu Jưm mlưm pơrkat; 'bơơn raak oh bi bơn laa wơơng pniêm nei dip dol phaat gưndrung ôinh. 23Đươm nei, tơt koon liêu griêng piyơ ktôk bliêng r'bưn baah gênh kơơi bnih oh bi bơn plah geh baak ơơn kmang n'hai bơn, 24phrui jah griêng amat bliêng r'bưn, plơq siq ta krôih n'hai oh bi noor, kươi nei phrui lôh piyơ thwaai. 25Tơt 'bei han troong n'hai bnih pnđing bơn, phrui gway ta krôih n'hai bnih nei; mơq 'bưn, bnih nei a kươi ndơơp 'bei amat yau pơrkat, yau pơrkat ndơơp aan kan khaam, u koon a kươi dol teq khaam. 26A ngan, Hei maanh koon, koon a kươi 'bưn khal êch sot rlach khaam kươt aan tơt jơl kah sơp slưng prak ptut.
27Bơl 'bei ja iat baak tơmbơh kne: ‘Khơơm geh dôih jrôq jrơm.’ 28Dôh Hei lah aan bơl 'bei gưt: 'Bơơn mơq dơur baah êch sơ ôp nei knông chưt ja geh dôih jrôq jrơm n'hai bnih nei hơơi. 29Mơq pi mat mak ma lơh 'bei geh dôih, phrui glach u jang teq ơơi! Đươm n'hop n'hal 'bei saap di bôh chhak jan nha huôih laa sơp leq chhak jan dol jang teq u gưndrung ôinh.#Mat 18:9; Mak 9:47. 30Mơq ti ma 'bei ri rook aan 'bei geh dôih, phrui paang u jang teq ơơi! Đươm n'hop n'hal lơh 'bei saap di bôh chhak jan huôih laa sơp leq chhak jan phrui jang teq u gưndrung ôinh.#Mat 18:8; Mak 9:43.
31Kơơi kot kne laah: ‘'Bơơn teq lơơi sai ur, phrui aan mei di đaai teq lơơi.’ 32Dôh Hei lah n'hai bơl 'bei: 'Bơơn teq lơơi sai ur 'bưn geh đươm rơ kheet ta tưr nei lơh aan sai ur bơn but geh ta tưr, nha 'bơơn kliêr dơur dol teq lơơi nei geh dôih ta tưr.#Mat 19:9; Mak 10:11-12; Lu 16:18; I Kô 7:10-11.
33Bơl 'bei geh iat baak kne aan bnih khal hư laah: ‘Khơơm huôih baak daai, phrui prap ơn baak daai teq n'hai Brah.’ 34Dôh Hei lah bơl 'bei: Khơơm daai ơơn leq. Khơơm chong trôôk baah daai, đươm nei laa gơrnôq Brah Ưn ri;#Jak 5:12; Mat 23:22. 35khơơm chong teh baah daai, đươm nei laa knơơl jơng Pang ri; khơơm chong poh Jê-ru-sa-lem baah daai, đươm nei laa poh snđach ttih ri. 36Kot khơơm chong bôôk bơn baah daai, đươm koon 'bưn geh lơh aan di kong chhok sot book paich nhhông kươt. 37Dôh dơơn mor: ‘Dip, dip’ paich ‘'Bưn, 'bưn’ laa sơp. Nha top chhem ntil ơơn laa đươm lôh a chaak ap.
38Bơl 'bei geh iat baak kne laah: ‘Mat soong mat, chhêk soong chhêk.’ 39Dôh Hei maanh bơl 'bei: Khơơm ta wal bơl đơơk. Mat baah kơơi, mơq 'bơơn taap bom mak ma, phrui ndơơp broih bom mak tôw aan bnih nei; 40Mơq 'bơơn êch pnđing koon jah pơih ao agaih, phrui aan bnih nei pơih broih ao klung; 41mơq 'bơơn nhôp koon han di bôông, phrui han n'hai bnih nei baar bôông. 42'Bơơn dan, phrui aan; 'bơơn buôn koon ri nei khơơm dmôw.
43Bơl 'bei geh iat baak kne laah: ‘Phrui êch srlanh bnih a gêêng, u phrui a kiêr bơl kmang.’ 44Dôh Hei lah bơl 'bei: Phrui êch srlanh bơl kmang u r'bon dan aan bơl nhôp kơt bơl 'bei 45jah bơl 'bei kươt but koon Bươp ri a lơ trôôk, đươm Pang lơh mat nar kơơt hao yơr aang bnih đơơk leq bnih l'ưt chưt, ươn mi aan bnih sêch song leq bnih bn'ap.
46Mơq bơl koon dơơn êch srlanh bơl 'bơơn êch srlanh bơn, nei geh ơơn klanh dip awơơl laang? Pal bnih nhôq prak 'bưn geh gôq rêh bei nei laang? 47Mơq bơl 'bei dơơn wơơt ôp oh bi bơn ei nei geh huôih ơơn 'bơơn? Bơl raih agaih 'bưn gôq rêh bei nei laang? 48Bei nei bơl 'bei phrui mơ klanh rliêp bei Bươp bơl 'bei a lơ trôôk laa klanh rliêp.”
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2024 Bible Society Vietnam. All rights reserved.