Ma-thi-ơ 6
6
Kaar l'ưt, r'bon dan u ơt jrơng
(Lu-ka 11:2-4)
1“Phrui njrang, tơt lơh kaar l'ưt khơơm pn'hơơr di mat jôm bnih. Mơq 'bưn, bơl 'bei 'bưn geh kươt tkôm ơơn a Bươp bơl 'bei a lơ trôôk.#Mat 23:5.
2Bei nei, tơt koon lơh kaar klanh, khơơm khôm kmbuôt di mat bơn bei pal bah pưl baar taap lơh knông nhi pơrgum u gaaih troong jah kươt bu tư wơơl. A ngan, Hei lah bơl 'bei, bơl nei ja kươt pơih tkôm nơơm ri hôm. 3Dôh tơt koon lơh kaar klanh, khơơm aan ti giêu gưt ti ma lơh ơơn 4Jah kaar klanh koon ri kươt kơndap; u Bươp koon, Yaang sau knông ktôk kơndap, a kươi ươn tkôm aan koon.
5Tơt bơl 'bei r'bon dan, khơơm lơh bei bơl pưl baar taap; đươm bu êch ta yoong r'bon dan knông nhi pơrgum u ktôk bôôk troong jah jôm bnih kot sau. A ngan, Hei lah bơl 'bei, pal bah nei ja pơih kươt tkôm nơơm ri hôm.#Lu 18:10-14. 6Dôh tơt koon r'bon dan, phrui mưt pơrniat êêng, kơldơp lpôông, kươi nei koon r'bon dan n'hai Bươp koon ri, Yaang gôq pôl sau knông ktôk kơndap; u bươp koon ri, Yaang sau knông ktôk kơndap, a kươi ươn tkôm aan koon.
7Tơt bơl 'bei r'bon dan, khơơm pơih bơl baak 'bưn rpach bei raih agaih; đươm bu gênh mơq mor ơk nei kươt chơp. 8Khơơm tuch tênh bu, đươm Bươp bơl 'bei gưt bơl 'bei chkhôm ơơn di mat bơl 'bei r'bon dan Pang. 9Bei nei, bơl 'bei phrui r'bon dan bei au:
‘Smbah Bươp bơl koon a lơ trôôk;
Saak Bươp kươt lư klanh;
10Nggoor Bươp kươt lôh,
Rnđêch Bươp kươt but, a teh bei a trôôk!
11Dan aan bơl koon nar au griêng sơp sa;
12Dan krôih dôih aan bơl koon,
Bei bơl koon ja krôih pal bah geh dôih teq n'hai bơl koon;
13Dan khơơm jah bơl koon dol lêch lung,
Dôh đoh bơl koon rlach ntil ap!
[Đươm nggoor, dang kmheng, chring chraang kot pơơn teq u Bươp yoot yôw. A-men.]’#6:13 [Đươm... A-men.’]: Knông m'baak plơơp 'bian ti 'bưn geh pal sêr au.
14Mơq bơl 'bei ta krôih pal lơh tih aan bu nday, nei Bươp bơl 'bei lơ trôôk a kươi kot ta krôih aan bơl 'bei. 15Dôh mơq bơl 'bei 'bưn ta krôih 'baap aan bu nday, nei Bươp bơl 'bei a lơ trôôk kot a kươi 'bưn ta krôih bơl 'bei.#Mak 11:25-26.
16Tơt bơl 'bei ơt jrơng, khơơm tak lơh chhong rmlơng bei bnih pưl baar taap, đươm bu lơh ji rngiêl jah jôm bnih gưt bu ơt jrơng. A ngan, Hei pn'ak bơl 'bei, pal bnih nei ja pơih kươt tkôm nơơm ri hôm. 17Dôh tơt koon ơt jrơng, phrui lơơm pring lơ bôôk, u rao mat, 18jah bu nday 'bưn gưt koon plah ơt jrơng, dôh geh Bươp koon gưt, laa Yaang tơrsot a ktôk kơndap gưt kươt nei ei, u Bươp koon, Yaang sau knông ktôk kơndap a kươi tkôm aan koon.”
Nơm preh ngan
(Lu-ka 12:33,34)
19“Bơl 'bei khơơm dơơm ttêm griêng grau a teh, laa ktôk geh tiêr reh, chreh sa lơh khuich, u bơl ttung kôi trôôm, waak pinir baah pơih.#Ja 5:2-3. 20Dôh phrui dơơm ttêm griêng grau a lơ trôôk, laa ktôk 'bưn geh tiêr reh, chreh sa lơh khuich, kot 'bưn geh bnih ttung kôi trôôm, waak pinir baah pơih. 21Đươm griêng grau bơl 'bei a êch, nei chưt bơl 'bei kot a nei.”
Chrah aang chhak jan ri
(Lu-ka 11:34-36)
22“Pi mat laa đeng chhak jan ri. Mơq pi mat 'bei klanh nei leq chhak jan 'bei a kươi bêêng chrah aang, 23dôh mơq mat koon dol khuich nei leq chhak jan koon a kươi laa jơ ngôw. Nei, mơq aang knông koon dơơn laa jơ ngôw nei jơ ngôw nei a kươi ttih laa gưt pal êch!”
Baak gênh tơt
(Lu-ka 16:13; 12:22-31)
24“'Bưn geh 'bơơn awap lơh kaar baar nnơơm; đươm a kươi skiêr nnơơm au baah srlanh nnơơm tôw, paich đing nnơơm au baah jam joot nnơơm tôw. Bơl 'bei 'bưn geh đah jraih kaar Brah Ưn, đah jraih kaar#6:24 S'bt: ma-môn, knông baak A-ram rơih lah prak kaih, paich griêng grau. prak kơrđaih nha.
25Đươm bei nei, Hei lah n'hai bơl 'bei: Khơơm đươm baak rêh baah gênh phrui sa ơơn, ôn ơơn; kot khơơm đươm chhak jan baah gênh dook ơơn. Baak rêh 'bưn thlay huôih griêng sa laang, chhak jan 'bưn thlay huôih khôw ao laang? 26Phrui mơq pai chum trôôk: 'bưn siêm, 'bưn kach, 'bưn dơơm teq u nơm, dôh Bươp bơl 'bei lơ trôôk nha siêm bu. Bơl 'bei leet 'bưn thlay huôih pai chum laang? 27Huôih nha, geh 'bơơn knông bơl 'bei chkhôm a gênh baah lơh aan kmlơt rêh nơơm kươt nhjoong top di chrdan#6:27 nhjoong top di chrdan: Paich laa prêh top di ndêq. 'bưn? 28A hay bơl bei gênh tơt khôw ao nei, a l'ơơn? Phrui mơq kao chhư a srei hoon hao bei êch; bu 'bưn lơh kaar bool rngiêl, kot 'bưn rui brai; 29dôh Hei pn'ak bơl 'bei, paich snđach Sa-lô-môn khunh khwaan pal êch, kot 'bưn kươt dook klanh bei di kao chhư au. 30Bei nei, ơi bơl bah ndêq chưt jơrnơ, mơq kao deh a a srei, au nha rêh, nar ôi dol jang teq u gưndrung ôinh, pa Brah Ưn nha aan bu dook klanh bei nei, huôih ơơn laa bơl 'bei? 31Bei nei, khơơm a gênh ir baah ôp êng: ‘Bơl bơn a kươi sa ơơn?’ ‘Ôn ơơn?’ ‘Dook ơơn?’ 32Đươm leq bơl ntil au bơl raih agaih nha wơng joi, u Bươp bơl 'bei a lơ trôôk ja gưt jôm ntil rn'êch bơl 'bei ri. 33Dôh noor leq, phrui wơng joi nggoor [Brah Ưn]#6:33 [Brah Ưn]: Knông m'baak plơơp 'bian ti 'bưn geh pal sêr au; knông m'baak plơơp 'bian ti nday laa nggoor trôôk. u baak sêch song Pang ri, nei Pang a kươi ươn bơl 'bei jôm ntil nei dơq. 34Nei, khơơm a gênh ơơn aan nar ôi; đươm nar ôi a kươi ginh tơt aan nar ôi. Baak bool lgenh nar êch nei sơp aan nar nei.”
လက္ရွိေရြးခ်ယ္ထားမွု
Ma-thi-ơ 6: SBL2024
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2024 Bible Society Vietnam. All rights reserved.
Ma-thi-ơ 6
6
Kaar l'ưt, r'bon dan u ơt jrơng
(Lu-ka 11:2-4)
1“Phrui njrang, tơt lơh kaar l'ưt khơơm pn'hơơr di mat jôm bnih. Mơq 'bưn, bơl 'bei 'bưn geh kươt tkôm ơơn a Bươp bơl 'bei a lơ trôôk.#Mat 23:5.
2Bei nei, tơt koon lơh kaar klanh, khơơm khôm kmbuôt di mat bơn bei pal bah pưl baar taap lơh knông nhi pơrgum u gaaih troong jah kươt bu tư wơơl. A ngan, Hei lah bơl 'bei, bơl nei ja kươt pơih tkôm nơơm ri hôm. 3Dôh tơt koon lơh kaar klanh, khơơm aan ti giêu gưt ti ma lơh ơơn 4Jah kaar klanh koon ri kươt kơndap; u Bươp koon, Yaang sau knông ktôk kơndap, a kươi ươn tkôm aan koon.
5Tơt bơl 'bei r'bon dan, khơơm lơh bei bơl pưl baar taap; đươm bu êch ta yoong r'bon dan knông nhi pơrgum u ktôk bôôk troong jah jôm bnih kot sau. A ngan, Hei lah bơl 'bei, pal bah nei ja pơih kươt tkôm nơơm ri hôm.#Lu 18:10-14. 6Dôh tơt koon r'bon dan, phrui mưt pơrniat êêng, kơldơp lpôông, kươi nei koon r'bon dan n'hai Bươp koon ri, Yaang gôq pôl sau knông ktôk kơndap; u bươp koon ri, Yaang sau knông ktôk kơndap, a kươi ươn tkôm aan koon.
7Tơt bơl 'bei r'bon dan, khơơm pơih bơl baak 'bưn rpach bei raih agaih; đươm bu gênh mơq mor ơk nei kươt chơp. 8Khơơm tuch tênh bu, đươm Bươp bơl 'bei gưt bơl 'bei chkhôm ơơn di mat bơl 'bei r'bon dan Pang. 9Bei nei, bơl 'bei phrui r'bon dan bei au:
‘Smbah Bươp bơl koon a lơ trôôk;
Saak Bươp kươt lư klanh;
10Nggoor Bươp kươt lôh,
Rnđêch Bươp kươt but, a teh bei a trôôk!
11Dan aan bơl koon nar au griêng sơp sa;
12Dan krôih dôih aan bơl koon,
Bei bơl koon ja krôih pal bah geh dôih teq n'hai bơl koon;
13Dan khơơm jah bơl koon dol lêch lung,
Dôh đoh bơl koon rlach ntil ap!
[Đươm nggoor, dang kmheng, chring chraang kot pơơn teq u Bươp yoot yôw. A-men.]’#6:13 [Đươm... A-men.’]: Knông m'baak plơơp 'bian ti 'bưn geh pal sêr au.
14Mơq bơl 'bei ta krôih pal lơh tih aan bu nday, nei Bươp bơl 'bei lơ trôôk a kươi kot ta krôih aan bơl 'bei. 15Dôh mơq bơl 'bei 'bưn ta krôih 'baap aan bu nday, nei Bươp bơl 'bei a lơ trôôk kot a kươi 'bưn ta krôih bơl 'bei.#Mak 11:25-26.
16Tơt bơl 'bei ơt jrơng, khơơm tak lơh chhong rmlơng bei bnih pưl baar taap, đươm bu lơh ji rngiêl jah jôm bnih gưt bu ơt jrơng. A ngan, Hei pn'ak bơl 'bei, pal bnih nei ja pơih kươt tkôm nơơm ri hôm. 17Dôh tơt koon ơt jrơng, phrui lơơm pring lơ bôôk, u rao mat, 18jah bu nday 'bưn gưt koon plah ơt jrơng, dôh geh Bươp koon gưt, laa Yaang tơrsot a ktôk kơndap gưt kươt nei ei, u Bươp koon, Yaang sau knông ktôk kơndap a kươi tkôm aan koon.”
Nơm preh ngan
(Lu-ka 12:33,34)
19“Bơl 'bei khơơm dơơm ttêm griêng grau a teh, laa ktôk geh tiêr reh, chreh sa lơh khuich, u bơl ttung kôi trôôm, waak pinir baah pơih.#Ja 5:2-3. 20Dôh phrui dơơm ttêm griêng grau a lơ trôôk, laa ktôk 'bưn geh tiêr reh, chreh sa lơh khuich, kot 'bưn geh bnih ttung kôi trôôm, waak pinir baah pơih. 21Đươm griêng grau bơl 'bei a êch, nei chưt bơl 'bei kot a nei.”
Chrah aang chhak jan ri
(Lu-ka 11:34-36)
22“Pi mat laa đeng chhak jan ri. Mơq pi mat 'bei klanh nei leq chhak jan 'bei a kươi bêêng chrah aang, 23dôh mơq mat koon dol khuich nei leq chhak jan koon a kươi laa jơ ngôw. Nei, mơq aang knông koon dơơn laa jơ ngôw nei jơ ngôw nei a kươi ttih laa gưt pal êch!”
Baak gênh tơt
(Lu-ka 16:13; 12:22-31)
24“'Bưn geh 'bơơn awap lơh kaar baar nnơơm; đươm a kươi skiêr nnơơm au baah srlanh nnơơm tôw, paich đing nnơơm au baah jam joot nnơơm tôw. Bơl 'bei 'bưn geh đah jraih kaar Brah Ưn, đah jraih kaar#6:24 S'bt: ma-môn, knông baak A-ram rơih lah prak kaih, paich griêng grau. prak kơrđaih nha.
25Đươm bei nei, Hei lah n'hai bơl 'bei: Khơơm đươm baak rêh baah gênh phrui sa ơơn, ôn ơơn; kot khơơm đươm chhak jan baah gênh dook ơơn. Baak rêh 'bưn thlay huôih griêng sa laang, chhak jan 'bưn thlay huôih khôw ao laang? 26Phrui mơq pai chum trôôk: 'bưn siêm, 'bưn kach, 'bưn dơơm teq u nơm, dôh Bươp bơl 'bei lơ trôôk nha siêm bu. Bơl 'bei leet 'bưn thlay huôih pai chum laang? 27Huôih nha, geh 'bơơn knông bơl 'bei chkhôm a gênh baah lơh aan kmlơt rêh nơơm kươt nhjoong top di chrdan#6:27 nhjoong top di chrdan: Paich laa prêh top di ndêq. 'bưn? 28A hay bơl bei gênh tơt khôw ao nei, a l'ơơn? Phrui mơq kao chhư a srei hoon hao bei êch; bu 'bưn lơh kaar bool rngiêl, kot 'bưn rui brai; 29dôh Hei pn'ak bơl 'bei, paich snđach Sa-lô-môn khunh khwaan pal êch, kot 'bưn kươt dook klanh bei di kao chhư au. 30Bei nei, ơi bơl bah ndêq chưt jơrnơ, mơq kao deh a a srei, au nha rêh, nar ôi dol jang teq u gưndrung ôinh, pa Brah Ưn nha aan bu dook klanh bei nei, huôih ơơn laa bơl 'bei? 31Bei nei, khơơm a gênh ir baah ôp êng: ‘Bơl bơn a kươi sa ơơn?’ ‘Ôn ơơn?’ ‘Dook ơơn?’ 32Đươm leq bơl ntil au bơl raih agaih nha wơng joi, u Bươp bơl 'bei a lơ trôôk ja gưt jôm ntil rn'êch bơl 'bei ri. 33Dôh noor leq, phrui wơng joi nggoor [Brah Ưn]#6:33 [Brah Ưn]: Knông m'baak plơơp 'bian ti 'bưn geh pal sêr au; knông m'baak plơơp 'bian ti nday laa nggoor trôôk. u baak sêch song Pang ri, nei Pang a kươi ươn bơl 'bei jôm ntil nei dơq. 34Nei, khơơm a gênh ơơn aan nar ôi; đươm nar ôi a kươi ginh tơt aan nar ôi. Baak bool lgenh nar êch nei sơp aan nar nei.”
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2024 Bible Society Vietnam. All rights reserved.