သမ္မာကျမ်းစာအက်ပ်ကို မသိရှိမီက ဘုရားသခင်နှင့် ကျွန်တော်၏မိတ်သဟာယဖွဲ့ခြင်းမှာ ကျွန်တော်၏ဇာတိစိတ်နှင့် ကိုယ်ပိုင်ဉာဏ်အမြင်အပေါ်တွင်သာ လုံးလုံးလျားလျားအခြေခံခဲ့ပါသည်။ ဘုရားသခင်ကို သိကျွမ်းခြင်းမရှိခဲ့သဖြင့် အခက်အခဲများကြုံတွေ့ရချိန်တိုင်း စိုးရိမ်ပူပန်ခြင်း၊ ထိတ်လန့်တုန်လှုပ်ခြင်း၊ စိတ်ပျက်အားငယ်ခြင်းနှင့် ဒေါသထွက်ခြင်းတို့ကို ပြင်းထန်စွာခံစားခဲ့ရပါသည်။ ကိုယ်တော်၏နွေးထွေးအေးချမ်းလှသောအတူရှိနေခြင်း၊ ကြီးမြတ်လှသောတန်ခိုးတော်နှင့် စစ်မှန်သောမေတ္တာတရား၏အရသာတို့ကိုလည်း ကျွန်တော်မသိရှိခဲ့ပါဘူး။

(၂၀၂၄) ခုနှစ်၊ မတ်လတွင် ကျွန်တော်၏မိခင်သည် ကျွန်တော်အား ဤသမ္မာကျမ်းစာအက်ပ်နှင့် စတင်မိတ်ဆက်ပေးခဲ့ပါသည်။ ထိုစဉ်က မိခင်သည် အခြားသောမိသားစုဝင်များနှင့်ပတ်သက်၍ ခက်ခဲသောအချိန်များကို ရင်ဆိုင်နေရချိန်ဖြစ်ပြီး ဤအက်ပ်အား အသုံးပြုခြင်းက သူမ၏အသက်တာကို လုံးဝပြောင်းလဲစေခဲ့ကြောင်း ကျွန်တော်အား ပြောပြခဲ့ပါသည်။ ကျွန်တော်သည်လည်း အသုံးပြုကြည့်ရန် ဆုံးဖြတ်ခဲ့ပြီးနောက် ထိုအချိန်မှစ၍ ကျွန်တော်၏အသက်တာသည် ထင်ထင်ရှားရှားပြောင်းလဲလာခဲ့ပါသည်။ ယခုအခါ ဘုရားသခင်နှင့် ကျွန်တော်၏မိတ်သဟာယဖွဲ့ခြင်းသည် အလွန်နက်ရှိုင်းလာခဲ့ပြီး စစ်မှန်သောမေတ္တာဆိုသည်မှာ မည်သို့ရှိသည်ကို ကျွန်တော်၏ဘဝတွင် ပထမဆုံးအကြိမ်အဖြစ် သိရှိခံစားခဲ့ရပါသည်။

ကျွန်တော်သည် ခက်ခဲသောအချိန်များကို ရင်ဆိုင်ရတိုင်း သမ္မာကျမ်းစာအက်ပ်ကိုဖွင့်ပြီး ကျမ်းစာဖတ်ရှုခြင်းနှင့် ဆုတောင်းခြင်းတို့ကို ပြုလုပ်ပါသည်။ ထိုသို့ပြုလုပ်သည့်အခါ ဘုရားသခင်သည် ကျွန်တော်နှင့်အတူ ရှိနေသည်ဟု သေချာစွာခံစားရသဖြင့် အလွန်အံ့သြဖွယ်ကောင်းသော လောကုတ္တရာငြိမ်သက်အေးချမ်းမှုကို ရရှိခံစားရပါသည်။ ကိုယ်တော်မြတ်သည် ကျွန်တော်၏ဆုပတ္ထနာအသံကို နားညောင်းတော်မူပြီး လမ်းပြတော်မူသည်မှာ ဧကန်အမှန်ပင်ဖြစ်ပါသည်။ ကိုယ်တော်မြတ်က မဖြေရှင်းနိုင်သောအခက်အခဲဟူသည် မရှိကြောင်းကိုလည်း စိတ်နှလုံးအကြွင်းမဲ့ယုံကြည်ပါသည်။