The MYANMAR STANDARD BIBLE (MYANMAR AUDIO EDITION)℗ is professionally recorded with a solemn tone and beautiful rhythm, expressing the original flavor of the MYANMAR STANDARD BIBLE©, allowing God's word to echo in the ears and hearts of the listener, providing a brand new experience for those who are hungry for God's word to experinece its power. The MYANMAR STANDARD BIBLE (MYANMAR AUDIO EDITION)℗ is produced and distributed by the Global Bible Initiative.

MYANMAR STANDARD BIBLE (MYANMAR AUDIO EDITION)℗Copyright ℗ 2024 by Global Bible Initiative

မြန်​မာ့​စံ​မီ​သမ္မာ​ကျမ်း

ထိုအခါ ရှုအာ​အမျိုးသား ဗိလဒဒ်​က “မည်သည့်​အချိန်​ထိ ဤသို့​ပြော​နေ​ဦး​မည်နည်း​။ သင့်​နှုတ်ထွက်စကား​များ​မှာ လေပြင်း​ကဲ့သို့ ဖြစ်​ပါ​သည်​တကား​။ ဘုရားသခင်​သည် တရားမျှတမှု​ကို မတရားမှု​ဖြစ်​စေ​မည်လော​။ အနန္တတန်ခိုးရှင်​သည် ဖြောင့်မတ်​ခြင်း​ကို ကောက်ကွေ့​စေ​မည်လော​။ သင့်​သားသမီး​တို့​သည် ကိုယ်တော့်​ကို​ပြစ်မှား​လျှင် သူ​တို့​ကျူးလွန်​သော​အပြစ်​လက်​ထဲသို့ သူ​တို့​ကို​အပ်​တော်မူ​မည်​သာ​ဖြစ်​၏​။ သင်​သည် ဘုရားသခင်​ကို ကြိုးစားရှာ​၍ အနန္တတန်ခိုးရှင်​ထံ အသနားခံ​တောင်းလျှောက်​မည်​ဆို​လျှင်​၊ သင်​သာ သန့်ရှင်း​ဖြောင့်မတ်​မည်​ဆို​လျှင် ယခုပင် ကိုယ်တော်​သည် ထ​၍ သင်​၏​ဖြောင့်မတ်​ခြင်း​တည်​ရာ​ကို ပြန်ပေး​တော်မူ​မည်​။ သင်​သည် အစ​တွင် သိမ်ငယ်​နေ​ရ​သော်လည်း အဆုံး​တွင် အလွန်​ကြီးပွား​လိမ့်မည်​။ ယခင်​မျိုးဆက်​တို့​ကို မေးမြန်း​ကြည့်​လော့​။ သူ​တို့​ဘိုးဘေး​တို့ စူးစမ်းလေ့လာ​ခဲ့​သော​အရာ​ကို ဆင်ခြင်​ကြည့်​လော့​။ အကြောင်းမူကား ငါ​တို့​သည် မနေ့တနေ့​က​မှ လူ​ဖြစ်လာ​သဖြင့် ဘာမျှ​မ​သိ​နား​မ​လည်​ကြ​ပါ​။ ကမ္ဘာမြေ​ပေါ်တွင် ငါ​တို့​၏​နေ့ရက်​များ​သည် အရိပ်​မျှသာ​ဖြစ်​ပါ​၏​။ သူ​တို့​သည် သင့်​ကို မ​သွန်သင်​၊ မ​ပြောပြ​ဘဲ​နေ​မည်လော​။ သူ​တို့​နှလုံးသား​ထဲမှ​စကား​များ​ကို​လည်း ထုတ်ဖော်​မ​ပြော​ဘဲ​နေ​မည်လော​။ ရွှံ့နွံ​မ​ရှိ​ဘဲ ကျူပင်ကြီး​ပေါက်​နိုင်​မည်လော​။ ရေ​မ​ရှိ​ဘဲ ကျူတော​ထူထပ်​နိုင်​မည်လော​။ ထို​အပင်​သည် ခုတ်ပစ်​ခြင်း​ကို​မ​ခံရ​၊ စိမ်းစို​လျက်​ရှိ​နေ​စဉ်​မှာပင် အခြား​အပင်​တို့​ထက်​အလျင် ခြောက်သွေ့​သွား​တတ်​၏​။ ဘုရားသခင်​ကို​မေ့လျော့​သော​သူ​အပေါင်း​တို့​၏​လမ်းခရီး​သည်​လည်း ထိုနည်းတူ​ဖြစ်​၏​။ ဘုရားတရားမဲ့​သော​သူ​၏​မျှော်လင့်​ခြင်း​သည်​လည်း ပျက်စီး​ရ​လိမ့်မည်​။ သူ​ယုံကြည်အားထား​သော​အရာ​သည် မတည်တံ့​။ သူ​ကိုးစားသောအရာ​သည်​လည်း ပင့်ကူ​အိမ်​မျှသာ ဖြစ်​၏​။ သူ့​အိမ်​သည် မှီ​၍​ရ​အောင် ခိုင်ခံ့​သည်​မ​ဟုတ်​။ ဖမ်းဆွဲ​ထား​နိုင်​အောင် ခိုင်မြဲ​သည်​မ​ဟုတ်​။ သူ​သည် နေရောင်​အောက်​တွင် စိမ်းလန်း​၍ သူ​၏​အညွန့်​သည် ဥယျာဉ်​အနှံ့ ဖြာထွက်​နေ​၏​။ သူ​၏​အမြစ်​များ​သည် ကျောက်ပုံ​ကို ရစ်ပတ်​ထား​ပြီး ကျောက်တုံး​များ​ကြား​တွင် နေရာ​ရှာ​တတ်​၏​။ သို့သော် ထို​နေရာ​မှ ဆွဲနုတ်​ခြင်း​ခံရ​သောအခါ ထို​နေရာ​က ‘​သင့်​ကို ငါ​မ​တွေ့​မ​မြင်​ဖူး​ပါ​’​ဟု သူ့​ကို ငြင်းဆို​လိမ့်မည်​။ ကြည့်ရှု​လော့​။ ဤသည်ကား သူ​နှစ်သက်​သော​ခရီးလမ်း​ဖြစ်​၏​။ မြေကြီး​မှ​လည်း အခြား​အပင်​တို့ ထပ်​ပေါက်​ကြ​လိမ့်မည်​။ အကယ်စင်စစ် ဘုရားသခင်​သည် အပြစ်တင်စရာမရှိ​သော​သူ​ကို စွန့်ပယ်​မ​ထား​။ ဆိုးညစ်​သော​သူ​တို့​ကို အားပေးထောက်မ​မည်​မ​ဟုတ်​။ သင့်​နှုတ်​ကို ရယ်မော​ခြင်း​ဖြင့်​လည်းကောင်း​၊ သင့်​နှုတ်ခမ်း​ကို ဝမ်းမြောက်​စွာ​ကြွေးကြော်​ခြင်း​ဖြင့်​လည်းကောင်း ပြည့်ဝ​စေ​တော်မူ​မည်​။ သင့်​ကို​မုန်း​သော​သူ​တို့​သည် အရှက်ကွဲ​ခြင်း​ကို ဝတ်ဆင်​ရ​ကြ​လိမ့်မည်​။ ဆိုးယုတ်​သော​သူ​တို့​၏​တဲ​သည်​လည်း ပျောက်ကွယ်​သွား​လိမ့်မည်​”​ဟု ဆို​လေ​၏​။

နားထောင်ပါ။ ယောဘဝတ္ထု 8