Basketo - 2014 BSE (NT) Drama

Basketo - 2014 BSE (NT) Non Drama

ኢናፖ̇ ፔቲ̇ ፔቲ̇ ፋራሳ̈ዋንኬ ሙ̈ሳ ሂጋ̇ ታማርሲዛን ዬሩሳ̈ላማፖ̇ ዬ̈ሪ ዬሱ̈ሳኮ፥ “ኔ ታማ̈ራን ፌ ኩሽ ሜ̈ጫካይዶ̈ር ፊ̈ሺ ሙዪሙታ̇ ቲ̈ኖ ባ̈ቢንታ̇ን ዎጊን ኣባብ ኢ̈ሲ̇̈ራ?” ጌይዴ።
ዬሱ̈ሳር ኢንታ̇ኮ “ዪንታ̇ሬ ዪንታ̇ ዎጊን ና̈ጋንዳ̇ቦ ጋ̈ሪ ጾ̈ሳ̇̇ ኪ̈ቲ̇ን ኦ̈ንዳብ ኣባብ ኢጺ̇̈ራ? ጾ̈ሳ̇̇̈ዲ ‘ኔ ባ̈ባኬ ኔ ኢንዲ̇ክ ቦንቻ̇ቤ’ ማ ‘ፌ ባ̈ባ ዎይ ፌ ኢንዶ̇ ቆ̈ዝ ኣሲ ዓይቆ’ ጋ̈ሪ ኪ̈ቲ̇ኔ። ዪንቲ̇ ጌይርዶሪ ፔቲ̇ ኣሲ ፌ ባ̈ባኬ ፌ ኢንዲክ ማ̈ዳ̇ዚን ኣሻ̇ሪ ‘ቴ ኢንታ̇ብ ኢማ̇ዝ ባዚን ጾ̈ሳ̇̇̈ብ ዣርሻ ኢሚ̇ኔ’ ጌዬጌዪን፥ ‘ና̈ሳ ዪ ዎሃቦ ፌ ባ̈ባ ዎይ ፌ ኢንዲ̇ን ቦንቻ̇ንዳብ ኮሺ̇ባ̈ሴ’ ጌይሬ። ዪንቲ̇ ዪንዲስቲ̇ሙታ̇ ዪንታ̇ ዎጊን ሚ̈ንንዳ̇ቦ ጋ̈ሪ ጾ̈ሳ̇̇ ሂጊ̇ን ኢ̈ሲ̇̈ሬ። ዪንቲ̇ ኣሳ ቲ̈ን ጺላ̇ ማይጺዝ ኢ̈ት ኣሳን! ኢሳ̈ሲ ዪንታ̇ ባዝ ካ̈ዪ̈ርዶሪ፥
‘ዓ ዎርዣ ፌ ኖ̈ናባር ሙታ̇ ታ̈ና ቦንቺ̇̈ሬ፥
ፌ ቡ̈ዳባራ ቴ ጋልዳፖ ጎታ̇ር ዎ።
ኣሲ ኬ̈ሲ̇ኖ ዎጋ ሂጋ̇ ማሃሪ ታማ̈ርሲሙ̈ታ̇፥
ሜላ̇ ዓሪ ታ̈ብ ጎሽቲ̈ሬ’ ጌይኖን ኪን” ጌይዴ።


ዬሱ̈ሲ ዎርዣ ፌ̈ክ ጼይጋሪ ኢንታ̇ኮ “ሲስኪ̇ብቴ̇! ቆፒ̇ብቴ̇! ኣስ ቄዛ̈ዲ ኣሳ ኖ̈ና ጋርታ̇ፖ̇ ኬስኪ̇ዝ ኢ̈ታ̇ ባዝዶኬ ኣሳ ኖ̈ኒታ̇ ጌሊዝ ባዚ ኣስ ቄባ̈ሴ” ጌይዴ።
ኢናፖ̇ ኢ ታማ̈ራን ኢ̈ክ ዬ̈ሪ “ፋራሳ̈ዋን ኔ ጌይኖን ሲስካ̇ሪ ጎይሊኖን ኔ ኤሪና?” ጋ̈ር ኢያ ኦይጪ̇ዴ።
ኢ ኢንታ̇ኮ “ቴ ባ̈ባ ኣፎ̈ዲ ቶካካ̇ዮ ዱጫ ሚዲንቲ̇̈ሬ። ኢንታ̇ ኣሺ̇ብቴ፤ ኢንቲ̇ ኣ̈ፍ ዎባ̇ን ቲ̈ኒዝ ኣ̈ፊ ዎባ̇ን፤ ኣ̈ፊ ዎቢ̇ ኣ̈ፊ ዎቢ̇ኖ ኣስ ቲ̈ኔጌይን ናምኣን ዎል ኤካ̇ር ጋጋ ሉኪ̇̈ሬ” ጌይዴ።
ጴ̈ጥሮ̈ሳር ኢ̈ኮ “ዪና̇ ሚሳ̇ሊን ቢርሺቺ̇ን ኑ̈ብ ሶ̈ላቤ” ጌይዴ።
ኢያር ኢንታ̇ኮ “ዓኖ̇ ዬላ̇ር ዪንታ̇ብ ጌላካ̇ይ ዎ? ኣሳ ኖ̈ኒታ̇ ጌሊዝ ባዚ ዎይ ሚል ጋርታ̇ ጌላሪ ኢናፖ̇ ዛ̈ና ኬስካ̇ዚን ዪንቲ̇ ኤሪባ̈ሳ? ኣሳ ኖ̈ና ጋርታ̇ፖ ኬስኪ̇ዝ ባዚ ቡ̈ዳ ጋርታ̇ፖ ኬስኪ̈ሬ፤ ኣስ ቄዚንዳሬ ዪና̇ ኢዞ። ኣሳ ቡ̈ዳ ጋርታ̇ፖ̇ ኢ̈ታ ቆፊ፣ ኣስ ዎ፣ ኣሳ ማጫ̇ባር ሱርስ፣ ኦሎላ ጋዲ፣ ዉስ̇፣ ዎርዳ ማርኪቲ፣ ቆ̈ሳ ዪን ፌ̈ኖ ባዛን ኬስኪ̇̈ሬ። ኣስ ቄዛን ዪንፌ̈ኖ ባዛንዶኬ ኩሽ ሜ̈ጫካ̇ይ ሙይዛ̈ዲ ኣስ ቄባ̈ሴ” ጌይዴ።


ዬሱ̈ሲ ኢናፖ̇ ኬስካ̇ሪ ጢሮ̈ሳኬ ሲዶ̈ና ካታማን ላፍ ዎ ቤሳ̇ን ጋርታ̇ ሉኪ̇ዴ። ኢናፖ̇ ፔቲ̇ ካና̈ናጋዶ̇ ማጭዶ̈ራ ዬሱ̈ሳክ ዬ̈ራ “ዳ̈ዊታ ናኣ ቴ ጎዳ̈ዶ! ቴ ናኢን ኢ̈ታ̇ ኣያ̇ናባር ኤ̈ንታ̇ር ቢጻ ቤቃ̇̈ሬ ኔ ታ̈ብ ሚጪንቲ̇ሼ ዋ̈ዴ” ጋ̈ር ዉይሳዴ።
ዎቲናካር ኢ ፔቲ̇ ባዛር ኢዝቦ ሶ̈ሊ ማሃካ̇ይ ኣቲ̇ዴ። ዪና̇ ኢዝባራ ኢ ታማራን ኢ̈ክ ዬ̈ሪ “ዓና̇ ኣሲን ኑ ዎሂን ዬ̇ሙታ̇ ዉይሲዛኮታ̇ቦ ዋ̈ዴ ኔ ኢዞ ሚሺሼ” ጋ̈ሪ ኢያ ጌሺዴ። ኢያሬ ኢንታ̈ኮ “ጾ̈ሲ̇ ታ̈ና ዪኖ ዶሪፌ̈ን ማ̈ቂ̇ኖ ኢስሬ̈ላ ዜርንቦ ሙታ̇ ኪ̈ቲ̇ ሚሺኔ” ጋ̈ር ማ̈ሂዴ።
ኣሲን ኢ̈ክ ዬ̈ያ ኢ ቶ̈ሂን ጻና ቡ̈ቂንታራ “ጎዳ̈ዶ! ኔ ታ̈ና ማ̈ዲ̇ሼ ዋ̈ዴ!” ጋ̈ዴ።
ዬሱ̈ሳር ኢዝኮ “ና̈ኣን ፊ̈ሺን ኤካ̇ሪ ካናብ ቶጛንዳብ ኮሺ̇ባ̈ሴ” ጌይዴ።
ኢዛር ኢ̈ኮ “ጎዳ̈ዶ! ዪና̇ ኪን፥ ዎቲናካሬ ካናንሬ ፌ ላ̈ ሌ̈ማታ ጋልዳፖ̇ ኬዲ̇ኖ ሱ̈ፓ̇ ማጺ ሙይሬ” ጋ̈ዴ።
ኢናፖ̇ ዬሱ̈ሲ ኣሲንኮ “ኣ̈ሼ! ኔ ኣማ̇ኒን ሚ̈ን፤ ኔ ኮዪኖንዲፌ̈ን ኔ̈ብ ማ̈ቆ̇ጋ̈ቤ” ጌይዴ። ኣሲን ናኢንዳ̇ር ዪና̇ ኢዝባራ ፋጻዴ።

ዬሱ̈ሲ ኢናፖ̇ ዲንዳሪ ጋሊላ ባሃ̈ሪን ላፍ ዬይዴ። ፉዳ ኢንዳ̇ ጋልዳ ኬስካሪ ኢና ዶኢዴ። ዎይሊን ኣሳንሬ ኢ̈ኮ ቶሂ ሜቂ̇ኖን፣ ኩሺ ዎባ̇ን፣ ኣ̈ፊ ዎባን፣ ኖ̈ና ሙ̈ማንኬ ሜላንር ማዛን ኤካ̇ር ዬ̈ሪ ኢ ቶሂን ጻና ጋዲ̇ዴ፤ ኢያር ኢንታ̇ ፋዴ። ዎርዣ̈ዳር ኖ̈ና ሙ̈ማን ሶ̈ሊኖን፣ ቶህ ሜቂንኬ ዬ̇ኖን፣ ኩሽ ዎቢ̇ኖንር ፋጺኖን፣ ኣ̈ፊ ዎባ̇ን ቤቂ̇ኖን ቤቂ̇ ጋራ̇ሚንታ̇ሪ ኢስሬ̈ላ ጾ̈ሳ̇̇ ጋላቲዴ።


ዬሱ̈ሲ ፌ ታማራን ጼይጋሪ ኢንታ̇ኮ “ኣሳን ዓን ታባር ዓይዚ̇ ቃም̇ ዶኢኔ፤ ኢንታ̇ብ ሙይዝ ባዚ ባዮኮታ̇ቦ ኢንታ̇ ባዚ ታና ሚቺ̇̈ሬ። ኢንቲ̇ ሉኪ̈ርዶሪ ጎይም ጋልዳ ዳ̈ቡራሪ ኬዳካ̇ይፌ̈ኒ ኢንቲ̇ ኣባክ ሞ̈ካ̇ይዶን ቴ ኢንታ̇ ሚሻንዳብ ኮያባሴ” ጌይዴ።
ኢ ታማ̈ራን ኢ̈ኮ “ዓት ዪ̈ዶኮ ዓ ኣሳ ዎይ̈ቦ ጊዲዝ ፊ̈ሺ ዓና̇ ባራሂን ጋርታ̇ ዎይዲፖ̇ ኑ ዲጚ̈ራ?” ጌይዴ። ዬሱ̈ሳሬ ኢንታ̇ኮ “ኣ̈ፊን ሶ̈ላ̇ ዪንታ̇ክ ዎ?” ጋ̈ሪ ኦይጪ̇ን ኢንታ̇ሬ ኢ̈ኮ፥
“ታብዛ ሶ̈ላ̇ኬ ኢሺታ̇ ሞላ ሙቃ̇ክ ዎ” ጌይዴ።
ኢናፖ̇ ዬሱ̈ሲ ዎርዣ ሳ̈ዳ̇ ዶኣምፔ̈ን ኪ̈ቲ̇ዴ። ታብዛ ሶ̈ላ̇ንኬ ሞላን ዲን ኤካ̇ሪ ጾ̈ሳ̇̇ ጋላቲኖፖ̇ ዓኒ ዳርሲ̇ ዳርሳ̇ሪ ፌ ታማ̈ራንቦ ኢሚ̇ዴ። ኢ ታማ̈ራንሬ ዎርዣ ቃጊ̇ዴ። ዎይን ሞ̈ር ሚሽኪ̇ዴ፤ ሺኖ ዶካ̇ ኢ ታማ̈ራን ሺ̈ሻ̇ሪ ታብዛ ሌ̈ማታ ኩም ዲንዴ። ሙይኖ ኣሳን ማጫ̇ኬ ናኢኬ ፋይዳካ̇ይዶ̈ን ኣቲና ሙታ̇ ኦይዲ̇ ሙኩላ ኣሴ።
ዬሱ̈ሲ ዎርዣ ኣ̈ል ሚሺኖፖ̇ ዎሃ ጎጛ ጋርታ̇ ጌላሪ ማጊዶ̈ና ጌይዝ ቤስ̇ ሉኪ̇ዴ።

နားထောင်ပါ။ ማ̈ቶ̈ሳ 15