ဓမ္မရာဇဝင်တတိယစောင် 2မှ လူကြိုက်နှစ်သက်သော ကျမ်းပိုဒ်များ။

မျှဝေရန်

“​မြေကြီးသား​တိုင်း သွား​ရ​မည့်​လမ်း​ကို ငါ​သွား​ရ​တော့​မည်​။ သို့ဖြစ်၍ သင်​သည် ယောက်ျားပီပီ ရဲရင့်​ခြင်း​ရှိ​လော့​။ သင်​၏​ဘုရားသခင်​ထာဝရဘုရား ညွှန်ကြား​သော​အရာ​တို့​ကို စောင့်ထိန်း​လော့​။ မောရှေ​၏​ပညတ်တရားကျမ်း​၌ ရေးထား​သည့် ကိုယ်တော်​၏​စီရင်ထုံးဖွဲ့ချက်​၊ ပညတ်ချက်​၊ ပြဋ္ဌာန်းချက်​၊ သက်သေခံချက်​တို့​ကို စောင့်ထိန်း​ပြီး တရားလမ်း​အတိုင်း လိုက်လျှောက်​လော့​။ သို့ပြုလျှင် သင်​ပြု​လေရာရာ​၊ သွား​လေရာရာ​တို့​၌ အောင်မြင်​ခွင့်​ရ​မည်​။ ထို့ပြင် ‘​သင်​၏​သားမြေး​တို့​သည် သူ​တို့​သွား​ရာ​လမ်း​တွင် စိတ်နှလုံး​အကြွင်းမဲ့​၊ စိတ်ဝိညာဉ်​အကြွင်းမဲ့ သစ္စာရှိ​လျက် ငါ့​မျက်မှောက်​၌​အသက်ရှင်​လျှောက်လှမ်း​ရန် စောင့်ထိန်း​ကြ​မည်​ဆို​လျှင် အစ္စရေး​လူမျိုး​၏​ရာဇပလ္လင်​ပေါ်တွင် သင်​၏​မျိုးဆက်​မ​ပြတ်​ရ​’​ဟု ငါ့​အား ကတိထား​ခဲ့​သည့်​စကား​တော်​အတိုင်း ထာဝရဘုရား​ပြု​တော်မူ​မည်​။