ဓမ္မရာဇဝင်စတုတ္ထစောင် 6မှ လူကြိုက်နှစ်သက်သော ကျမ်းပိုဒ်များ။

မျှဝေရန်

ထို့နောက် ဧလိရှဲ​က “​အို ထာဝရဘုရား​၊ သူ​၏​မျက်စိ​ကို​ဖွင့်ပေး​၍ သူ့​ကို​မြင်​စေ​တော်မူ​ပါ​”​ဟု ဆုတောင်း​လျှင် ထာဝရဘုရား​သည် ထို​ငယ်သား​၏​မျက်စိ​ကို​ဖွင့်ပေး​တော်မူ​သဖြင့် ဧလိရှဲ​ပတ်ပတ်လည်​တွင် မြင်း​နှင့်​က​သော​မီး​စစ်ရထား​များ တောင်​တစ်တောင်လုံး​ပြည့်​နေ​သည်​ကို တွေ့​ရ​လေ​၏​။

သူ့​သခင်​က​လည်း “​မ​ကြောက်ရွံ့​နှင့်​။ ငါ​တို့​နှင့်အတူ​ရှိ​သော​သူ​သည် သူ​တို့​၌​ရှိ​သော​လူ​ထက်​သာ၍​များ​၏​”​ဟု ပြန်ပြော​၏​။

ဘုရားသခင့်​လူ​၏​ငယ်သား​တစ်ယောက်​က စောစောထ​၍​အပြင်ထွက်​ကြည့်​သောအခါ စစ်သည်​နှင့် မြင်း​များ​၊ ရထား​များ မြို့​ကို​ဝိုင်းရံ​ထား​သည်​ကို တွေ့​သဖြင့် ထို​ငယ်သား​က သူ့​သခင်​အား “​အို အကျွန်ုပ်​၏​သခင်​၊ အကျွန်ုပ်​တို့ မည်သို့​ပြု​ရ​ပါ​မည်နည်း​”​ဟု မေးလျှောက်​၏​။

ဆီးရီးယား​တပ်​တို့​ချီလာ​သောအခါ ဧလိရှဲ​က ထာဝရဘုရား​ထံ “​ဤ​လူ​တို့​ကို ဒဏ်ခတ်​တော်မူ​ပါ​။ မျက်စိကွယ်​စေ​တော်မူ​ပါ​”​ဟု ဆုတောင်း​၏​။ ဧလိရှဲ​ဆုတောင်း​သည့်​အတိုင်း ထာဝရဘုရား​သည် ထို​သူ​တို့​ကို ဒဏ်ခတ်​၍ မျက်စိကွယ်​စေ​တော်မူ​၏​။

ထိုအခါ ဘုရားသခင်​၏​လူ​က “​မည်သည့်​နေရာ​တွင် ကျသွား​သနည်း​”​ဟု မေး​လျှင် ထို​သူ​က နေရာ​ကို​ညွှန်ပြပေး​သဖြင့် ဧလိရှဲ​သည် တုတ်​တစ်​ချောင်း​ကို​ခုတ်​၍ ထို​နေရာ​တွင်​ပစ်ချ​လိုက်​ရာ ပုဆိန်​မှာ ပေါလောပေါ်​လာ​လေ​၏​။

သူ​တို့​ထဲမှ​ပရောဖက်​တစ်​ပါး​က သစ်​ကို​ခုတ်​နေစဉ် သူ့​ပုဆိန်​ရေ​ထဲသို့​ကျသွား​သဖြင့် “​အလို​၊ အကျွန်ုပ်​၏​အရှင်​၊ ဤ​ပုဆိန်​မှာ ငှား​ခဲ့​သော​ပုဆိန် ဖြစ်​၏​”​ဟု အော်ဟစ်​လေ​၏​။

ဧလိရှဲ​က​လည်း “​ဆယ်ယူ​လိုက်​ပါ​”​ဟု​ဆို​သဖြင့် ထို​သူ​သည် ပုဆိန်​ကို လက်​ဖြင့် လှမ်း​ယူ​လိုက်​လေ​၏​။