ဒေသနာကျမ်း 4မှ လူကြိုက်နှစ်သက်သော ကျမ်းပိုဒ်များ။

မျှဝေရန်

နှစ်​ဦး​သည် တစ်​ဦး​ထက် ပို၍​ကောင်း​၏​။ အဘယ်ကြောင့်​ဆိုသော် သူ​တို့​၏​ကြိုးပမ်းအားထုတ်မှု​အတွက် ကောင်း​သော​ဆုလာဘ်​ကို​သူ​တို့​ရရှိ​ကြ​၏​။ အကြောင်းမူကား တစ်ဦး​လဲ​လျှင် အခြား​တစ်​ဦး​သည် မိမိ​၏​အပေါင်းအဖော်​ကို ထူမ​ပေး​လိမ့်မည်​။ သို့သော် လဲ​သောအခါ ထူမ​ပေး​မည့်​သူ​မ​ရှိ​သော တစ်ကိုယ်တည်းသမား​သည် အကျိုးနည်း​လှ​၏​။

တစ်စုံတစ်ဦး​သည် သူ​တို့​တစ်ဦးဦး​ကို​အနိုင်ယူ​လျှင်​လည်း နှစ်​ဦး​အားဖြင့် ထို​သူ​ကို​တောင့်ခံ​နိုင်​၏​။ သုံးလွန်းတင်​သော​ကြိုး​သည် အလွယ်တကူ​မ​ပြတ်​နိုင်​။

တစ်ဖန် နှစ်​ဦး​အတူ​အိပ်​လျှင် နွေး​၏​။ တစ်ကိုယ်တည်းဖြစ်သောသူ​မူကား မည်သို့​နွေး​နိုင်​မည်နည်း​။

လက်တစ်ဆုပ်စာ​အေးချမ်းမှု​သည် လက်ခုပ်တစ်ခုပ်စာ​ကြိုးပမ်းအားထုတ်မှု​နှင့် လေ​ကို​လိုက်ဖမ်း​ခြင်း​တို့​ထက် ပို၍​ကောင်း​၏​။

တစ်ဖန် ကြိုးပမ်းအားထုတ်မှု​အားလုံး​နှင့် ကျွမ်းကျင်​စွာ​ပြု​သော​အမှု​အားလုံး​တို့​သည် လူ​အချင်းချင်း​တို့​၏​မနာလိုဝန်တိုမှု​ကြောင့်​သာ​ဖြစ်ကြောင်း ငါ​တွေ့မြင်​၏​။ ဤ​အရာ​သည်​လည်း အချည်းနှီး​ဖြစ်​ပြီး လေ​ကို​လိုက်ဖမ်း​ခြင်း​ဖြစ်​၏​။

ဆင်းရဲ​သော်လည်း ပညာရှိ​သော​လူငယ်​သည် အသက်ကြီး​သော်လည်း သတိပေး​ချက်​ကို​လက်​မ​ခံ​တော့​သည့် မိုက်မဲ​သော​ရှင်ဘုရင်​ထက် ပို၍​ကောင်း​၏​။