ထွက်မြောက်ရာကျမ်း 34မှ လူကြိုက်နှစ်သက်သော ကျမ်းပိုဒ်များ။

မျှဝေရန်

ထာဝရဘုရား​သည် သူ့​ရှေ့​မှ​ဖြတ်သွား​၍ “​ထာဝရဘုရား​၊ ထာဝရဘုရား​သည် သနားစုံမက်​တတ်​သော​ဘုရား​၊ ကျေးဇူးပြု​တတ်​သော​ဘုရား​၊ စိတ်ရှည်​သော​ဘုရား​၊ မေတ္တာကရုဏာ​ကြွယ်ဝ​သော​ဘုရား​၊ သစ္စာတည်​သော​ဘုရား​ဖြစ်​၏​။ မျိုးဆက်​အထောင်​အသောင်း​တို့​အား မေတ္တာကရုဏာ​ထား​၍ ကျူးလွန်​သော​ဒုစရိုက်​အပြစ်​တို့​ကို​ခွင့်လွှတ်​သော်လည်း အပြစ်ဒဏ်​မ​ခတ်​ဘဲ​မ​နေ​။ ဖခင်​တို့​၏​အပြစ်​ကို သား​မြေး​တို့​အပေါ် တတိယ​အဆက်​၊ စတုတ္ထ​အဆက်​တိုင်အောင် အပြစ်ဒဏ်​ကျရောက်​စေ​သော​ဘုရား​ဖြစ်​သည်​”​ဟု မြွက်ဆို​တော်မူ​၏​။

သင်​သည် အခြား​သော​ဘုရား​ကို မ​ရှိခိုး​မ​ကိုးကွယ်​ရ​။ အဘယ်ကြောင့်​ဆိုသော် ထာဝရဘုရား​သည် သဝန်တို​တတ်​၏​။ နာမ​တော်​ကား သဝန်တို​သော​ဘုရား​ပေတည်း​။

ထာဝရဘုရား​က​လည်း “​ငါ​ပဋိညာဉ်​ပြု​မည်​။ ကမ္ဘာမြေ​တစ်ခွင်လုံး​၌​လည်းကောင်း​၊ လူမျိုး​ရှိသမျှ​တို့​၌​လည်းကောင်း မ​ပြု​ခဲ့​ဖူး​သော​အံ့ဖွယ်အမှု​တို့​ကို သင်​၏​လူ​အပေါင်း​တို့​ရှေ့​၌ ငါ​ပြု​မည်​။ သင်​နှင့်အတူ​ရှိ​သော​လူ​အပေါင်း​တို့​သည် ငါ​ထာဝရဘုရား​၏​အမှု​ကို တွေ့မြင်​ကြ​လိမ့်မည်​။ ထို​အမှု​သည် သင်​နှင့်အတူ​ငါ​ပြု​မည့် ကြောက်မက်ဖွယ်​အမှု​ဖြစ်​၏​။