ဟေရှာယအနာဂတ္တိကျမ်း 49မှ လူကြိုက်နှစ်သက်သော ကျမ်းပိုဒ်များ။

မျှဝေရန်

မိခင်​သည် မိမိ​နို့စို့ကလေး​ကို မေ့လျော့​နိုင်​မည်လော​။ မိမိ​ဝမ်း​နှင့်​လွယ်​သော​သားသမီး​ကို မ​သနား​ဘဲ​နေ​မည်လော​။ ထိုသို့​မေ့လျော့​နိုင်​ခဲ့​လျှင်ပင် ငါ​သည် သင့်​ကို​မေ့လျော့​မည်​မ​ဟုတ်​။

ငါ​သည် သင့်​ကို ငါ​၏​လက်ဖဝါး​ပေါ်တွင် ရေးထိုး​ထား​ပြီ​။ သင်​၏​မြို့ရိုး​တို့​သည် ငါ့​ရှေ့မှောက်​၌ အစဉ်​ရှိ​၏​။

ထာဝရဘုရား​က “​အကယ်စင်စစ် ငါ​သည် စစ်သူရဲ​ဖမ်းခေါ်​သွား​သော​သူ​ကို ဆောင်ယူ​ခဲ့​မည်​။ ကြမ်းကြုတ်​သော​သူ​ထံမှ လုယူပစ္စည်း​ကို ပြန်သိမ်းယူ​မည်​။ သင့်​ကို​ရန်ပြု​သော​သူ​အား ငါ​ကိုယ်တော်တိုင် ရန်ပြု​မည်​။ သင်​၏​သားသမီး​တို့​ကို ငါ​ကိုယ်တော်တိုင် ကယ်တင်​မည်​။

ကိုယ်တော်​က “​ယာကုပ်​အမျိုး​ကို ပြန်လည်ထူထောင်​ရန်​၊ အသက်ရှင်​ကျန်ရစ်​သော​အစ္စရေး​လူမျိုး​တို့​ကို ပြန်ခေါ်ဆောင်​လာ​ရန် သင့်​ကို ငါ့​အစေအပါး​ဖြစ်စေ​ခြင်း​သည် အသေးအဖွဲ​မျှသာ​ဖြစ်​သေး​၏​။ မြေကြီး​စွန်း​တိုင်အောင် ငါ​၏​ကယ်တင်​ခြင်း​ရောက်ရှိ​စေရန် ငါ​သည် သင့်​ကို​လူမျိုးတကာ​တို့​အဖို့ အလင်း​ဖြစ်စေ​ဦး​မည်​”​ဟု မိန့်​တော်မူ​၏​။

အို မိုးကောင်းကင်​၊ ရွှင်လန်း​စွာ​သီချင်းဆို​လော့​။ အို မြေကြီး​၊ ရွှင်လန်း​လော့​။ အို တောင်​များ​တို့​၊ သီချင်း​ဟစ်ကြော်​သီဆို​ကြ​လော့​။ အကြောင်းမူကား ထာဝရဘုရား​သည် မိမိ​လူမျိုး​တော်​ကို နှစ်သိမ့်​တော်မူ​မည်​။ အဖိနှိပ်​ခံရ​သော​မိမိ​လူမျိုး​တော်​ကို သနား​တော်မူ​မည်​။