တရားသူကြီးမှတ်စာ 16မှ လူကြိုက်နှစ်သက်သော ကျမ်းပိုဒ်များ။

မျှဝေရန်

ဒေလိလ​က “​ရှံဆုန်​၊ သင့်​ထံသို့ ဖိလိတ္တိ​လူမျိုး​တို့ ရောက်လာ​ပြီ​”​ဟု ဆို​သော် ရှံဆုန်​သည် အိပ်ရာ​မှ​ထ​ပြီး “​ယခင်က​ကဲ့သို့ ရုန်း​ထွက်​မည်​”​ဟု တွေး​၏​။ ထာဝရဘုရား သူ့​ကို စွန့်ခွာ​သွား​သည်​ကို သူ​မ​သိ​။

ရှံဆုန်​က​လည်း ထာဝရဘုရား​ထံ “​အို အကျွန်ုပ်​၏​ဘုရားရှင်​ထာဝရဘုရား​၊ အကျွန်ုပ်​ကို အောက်မေ့​တော်မူ​ပါ​။ အကျွန်ုပ်​ကို ဤ​တစ်ကြိမ်​သာ ခွန်အား​ပေး​တော်မူ​ပါ​။ အကျွန်ုပ်​မျက်စိ​နှစ်​ဖက်​ကို​ဖောက်ထုတ်​ပစ်​သော ဤ​ဖိလိတ္တိ​လူမျိုး​ကို တစ်ခါတည်း အပြီး​လက်တုံ့ပြန်​ခွင့်​ပြု​တော်မူ​ပါ ဘုရားသခင်​”​ဟု ဆုတောင်း​၏​။

ထို့ကြောင့် ရှံဆုန်​က “​ငါ​သည် အမိ​ဝမ်း​ထဲမှ​စ၍ ဘုရားသခင်​အဖို့ နာဇရိလူ ဖြစ်​၏​။ ငါ့​ဆံပင်​ကို သင်တုန်းဓား​နှင့် မ​ရိတ်​ရ​။ ငါ့​ဆံပင်​ကို ရိတ်​ပစ်​လျှင် ငါ့​ခွန်အား​ယုတ်လျော့​၍ သာမန်​လူ​ကဲ့သို့ ဖြစ်သွား​မည်​”​ဟု စိတ်​ထဲ​ရှိ​သည့်​အတိုင်း ပြောပြ​လေ​၏​။

ဒေလိလ​သည် ရှံဆုန်​အား စကားလုံး​များ​ဖြင့် နေ့​ရှိ​သရွေ့​ပူဆာ​ဖိအား​ပေး​လွန်း​သဖြင့် ရှံဆုန်​လည်း သေချင်လောက်အောင်​စိတ်ပျက်​လာ​၏​။

“​အကျွန်ုပ်​အား ဖိလိတ္တိ​လူမျိုး​တို့​နှင့်အတူ သေ​ခွင့်​ပြု​တော်မူ​ပါ​”​ဟု ဆို​လျက် အားကုန်​တွန်းချ​လိုက်​ရာ ဝတ်ကျောင်းကြီး​သည် ဖိလိတ္တိ​မင်း​တို့​အပါအဝင် လူ​အားလုံး​တို့​အပေါ် ပြိုကျ​လေ​၏​။ ဤသို့ဖြင့် ရှံဆုန်​သည် သေခါနီး​လူသတ်​ခဲ့​သည်​မှာ ရှေ့​ပိုင်း​အသက်ရှင်​စဉ်တွင်​လူသတ်​ခဲ့​သည်​ထက် ပို၍​များပြား​လေ​၏​။