ယေရမိအနာဂတ္တိကျမ်း 14မှ လူကြိုက်နှစ်သက်သော ကျမ်းပိုဒ်များ။

မျှဝေရန်

လူမျိုးခြား​တို့​၏​ရုပ်တု​တို့​သည် မိုး​ကို​ရွာ​စေ​နိုင်​သလော​။ ကောင်းကင်​သည်​လည်း မိုး​ကို​ရွာ​စေ​နိုင်​သလော​။ အကျွန်ုပ်​တို့​၏​ဘုရားသခင်​ထာဝရဘုရား​၊ ကိုယ်တော်​သာလျှင် တတ်နိုင်​တော်မူ​သည်​မ​ဟုတ်​လော​။ ကိုယ်တော်​သည် အလုံးစုံ​ကို တတ်နိုင်​တော်မူ​သည်​ဖြစ်၍ အကျွန်ုပ်​တို့​သည် ကိုယ်တော်​ကို​စောင့်မျှော်​ပါ​၏​။

အကျွန်ုပ်​တို့​၏​အပြစ်​များ​က အကျွန်ုပ်​တို့​ကို​သက်သေထူ​နေ​သော်လည်း အို ထာဝရဘုရား​၊ ကိုယ်တော်​၏​နာမ​တော်​ကို​ထောက်​၍ စီရင်​တော်မူ​ပါ​။ အကျွန်ုပ်​တို့​သည် ကြိမ်ဖန်​များစွာ​လမ်းလွဲဖောက်ပြန်​၍ ကိုယ်တော်​ကို​ပြစ်မှား​ကြ​ပါ​ပြီ​။

အို ထာဝရဘုရား​၊ အကျွန်ုပ်​တို့​၏​ဆိုးယုတ်မှု​၊ ဘိုးဘေး​တို့​၏​အပြစ်​တို့​ကို ဝန်ခံ​ပါ​၏​။ အကယ်စင်စစ် အကျွန်ုပ်​တို့​သည် ကိုယ်တော်​ကို ပြစ်မှား​မိ​ကြ​ပါ​ပြီ​။ ကိုယ်တော်​၏​နာမ​ကို​ထောက်​၍ အကျွန်ုပ်​တို့​ကို ပစ်ပယ်​တော်​မ​မူ​ပါ​နှင့်​။ ကိုယ်တော်​၏​ဘုန်းအသရေ​ပလ္လင်​တော်​ကို အသရေဖျက်​တော်​မ​မူ​ပါ​နှင့်​။ အကျွန်ုပ်​တို့​နှင့်​ဖွဲ့​သော ကိုယ်တော်​၏​ပဋိညာဉ်​ကို အောက်မေ့​တော်မူ​ပါ​၊ ပယ်ဖျက်​တော်​မ​မူ​ပါ​နှင့်​။