ယေရမိအနာဂတ္တိကျမ်း 6မှ လူကြိုက်နှစ်သက်သော ကျမ်းပိုဒ်များ။

မျှဝေရန်

ထာဝရဘုရား​က “​လမ်း​များ​၌​ရပ်​၍ ကြည့်​ကြ​လော့​။ ရှေးလမ်းဟောင်း​ကို ရှာဖွေ​လျက် ကောင်း​သော​လမ်း​အဘယ်မှာ​ရှိ​သနည်း​ဟု မေးမြန်း​၍ ထို​လမ်း​ကို​လိုက်​လျှင် သင်​တို့​၏​စိတ်ဝိညာဉ် သက်သာ​ရာ​ရ​လိမ့်မည်​။ သို့သော် သူ​တို့​က ‘​ထို​လမ်း​သို့ ငါ​တို့​မ​လိုက်​’​ဟု ဆို​ကြ​၏​။

ငြိမ်းချမ်းမှု​မ​ရှိ​သော်လည်း ‘​ငြိမ်းချမ်း​သည်​၊ ငြိမ်းချမ်း​သည်​’​ဟု ဆို​လျက် ငါ့​လူမျိုး​တော်​၏​ဒဏ်ရာ​ကို ပေါ့ပေါ့တန်တန်​ကုသ​ပေး​ကြ​၏​။

အို ကမ္ဘာမြေကြီး​၊ နားထောင်​လော့​။ ဤ​လူမျိုး​သည် ငါ့​စကား​ကို အာရုံ​မ​စိုက်​။ ငါ​၏​ပညတ်တရား​ကို​လည်း ငြင်းပယ်​ကြ​သောကြောင့် ငါ​သည် သူ​တို့​ထံသို့ သူ​တို့​အကြံအစည်​၏​အကျိုးဆက်​ဖြစ်​သည့် ဘေးအန္တရာယ်​ကို ယူဆောင်​လာ​မည်​။

သူ​တို့​သည် အကျွန်ုပ်​၏​စကား​ကို​နားထောင်​ကြ​မည့်​အကြောင်း မည်သူ့​ကို​ပြော​ရ​မည်နည်း​၊ မည်သူ့​ကို​သတိပေး​ရ​မည်နည်း​။ သူ​တို့​၏​နား​သည် အရေဖျားလှီး​ခြင်း​မ​ခံ​သော​နား​ဖြစ်၍ နား​မ​ထောင်​နိုင်​ကြ​။ ထာဝရဘုရား​၏​နှုတ်ကပတ်တော်​ကို မ​နှစ်သက်​၊ ပြက်ရယ်ပြု​ကြ​၏​။