ယောလအနာဂတ္တိကျမ်း 1မှ လူကြိုက်နှစ်သက်သော ကျမ်းပိုဒ်များ။

မျှဝေရန်

အစာရှောင်​ဖို့ အသင့်ပြင်​ကြ​လော့​။ ဓမ္မစည်းဝေးပွဲ​ကို ဆင့်ခေါ်​ကြ​လော့​။ သက်ကြီးဝါကြီး​များ​၊ ပြည်သူပြည်သား​များ​အားလုံး သင်​တို့​ဘုရားသခင်​ထာဝရဘုရား​၏​အိမ်​တော်​၌ စုရုံး​၍ ထာဝရဘုရား​ထံ အော်ဟစ်​ကြ​လော့​။

အို ယဇ်ပုရောဟိတ်​တို့​၊ လျှော်တေအဝတ်​ကို​ဝတ်​၍ မြည်တမ်း​ကြ​လော့​။ ယဇ်ပလ္လင်​၏​အမှုထမ်း​တို့​၊ ညည်းတွား​ကြ​လော့​။ ငါ​၏​ဘုရားသခင်​အမှု​တော်​ကို​ထမ်းဆောင်​သော​သူ​တို့​၊ လာ​ကြ​။ တစ်ညလုံး လျှော်တေအဝတ်​ကို​ဝတ်အိပ်​ကြ​လော့​။ အကြောင်းမူကား သင်​တို့​ဘုရားသခင်​၏​အိမ်​တော်​တွင် ဘောဇဉ်ပူဇော်သက္ကာ​၊ သွန်းလောင်းရာပူဇော်သက္ကာ​တို့ ကုန်ခန်း​လေ​ပြီ​။

စပျစ်ပင်​ခြောက်သွေ့​ပြီ​။ သဖန်းပင် ညှိုးနွမ်း​ပြီ​။ သလဲပင်​၊ စွန်ပလွံပင်​၊ ပန်းသီးပင်​အစရှိ​သော​ကွင်းပြင်​ရှိ အပင်​အားလုံး​တို့​သည်​လည်း ခြောက်သွေ့​လေ​ပြီ​။ စင်စစ် လူသား​တို့​အဖို့ ပျော်ရွှင်​ခြင်း​သည် ပျောက်လွင့်​သွား​လေ​ပြီ​။