ရှင်မဿဲခရစ်ဝင် 22မှ လူကြိုက်နှစ်သက်သော ကျမ်းပိုဒ်များ။

မျှဝေရန်

ကိုယ်တော်​က​လည်း“ ‘သင်​၏​ဘုရားသခင်​ထာဝရ​ဘုရား​ကို သင်​၏​စိတ်နှလုံး​အကြွင်းမဲ့၊ သင်​၏​စိတ်​ဝိညာဉ်​တစ်ခုလုံး​နှင့် သင်​၏​အသိဉာဏ်​ရှိသမျှ​တို့​ဖြင့် ချစ်​ရ​မည်။’ ဤသည်ကား ကြီးမြတ်​သည့် ပထမ​ပညတ်​ချက်​ဖြစ်​၏။ ဒုတိယ​ပညတ်ချက်​သည်​လည်း ၎င်း​နည်းတူ​ဖြစ်​ပြီး ‘ကိုယ့်​ဝန်းကျင်​၌​ရှိ​သော​သူ​ကို ကိုယ်​နှင့်အမျှ​ချစ်​ရ​မည်’ဟူ၍ ဖြစ်​၏။

ပညတ်​တရား​ကျမ်း​နှင့် ပရောဖက်​ကျမ်း​အလုံးစုံ​တို့​သည် ဤ​ပညတ်​ချက်​နှစ်​ပါး​အပေါ်တွင်​တည်​၏”​ဟု မိန့်​တော်မူ​၏။

အကြောင်းမူကား ခေါ်ယူ​တော်မူ​ခြင်း​ခံရ​သော​သူ​တို့​သည် များစွာ​ရှိ​ကြ​သော်လည်း ရွေးကောက်​ခံရ​သော​သူ​တို့​သည် နည်း​ကြ​၏”​ဟု မိန့်​တော်မူ​၏။

အကြောင်းမူကား ရှင်ပြန်​ထမြောက်​ရာ​ကာလ​၌ လူ​တို့​သည် ထိမ်းမြား​စုံဖက်​ခြင်း​ကို​မ​ပြု၊ ပေးစား​ဆောင်နှင်း​ခြင်း​လည်း​မ​ရှိ​ဘဲ ကောင်းကင်​၌​ရှိ​သော ကောင်းကင်တမန်​များ​ကဲ့သို့ ဖြစ်​ကြ​၏။

အခွန်​ငွေဒင်္ဂါး​တစ်​ပြား​ကို ငါ့​အား​ပြ​ကြ​လော့”​ဟု မိန့်​တော်မူ​လျှင် သူ​တို့​သည် ဒေနာရိ​တစ်​ပြား​ကို အထံ​တော်​သို့​ယူလာ​ကြ​၏။ ကိုယ်တော်​က​လည်း“ဤသည်ကား မည်သူ​၏​ပုံ၊ မည်သူ​၏​ကမ္ပည်းစာ​ဖြစ်​သနည်း”​ဟု မေး​တော်မူ​လျှင် သူ​တို့​က “ဆီဇာ​ဧကရာဇ်​၏​ပုံ​နှင့်​ကမ္ပည်းစာ​ဖြစ်​ပါ​သည်”​ဟု လျှောက်​ကြ​၏။ ကိုယ်တော်​က​လည်း“သို့ဖြစ်လျှင် ဆီဇာ​ဧကရာဇ်​နှင့်ဆိုင်သော​အရာ​များ​ကို ဆီဇာ​ဧကရာဇ်​အား​ဆက်သ​၍ ဘုရားသခင်​နှင့်ဆိုင်သော​အရာ​များ​ကို ဘုရားသခင်​အား​ဆက်သ​ကြ​လော့”​ဟု မိန့်​တော်မူ​၏။