ဆာလံကျမ်း 139မှ လူကြိုက်နှစ်သက်သော ကျမ်းပိုဒ်များ။

မျှဝေရန်

အကျွန်ုပ်​ကို ကြောက်ရွံ့​အံ့ဩဖွယ်​ကောင်း​သော လက္ခဏာ​တို့​ဖြင့် ဖန်ဆင်း​တော်မူ​သည်​ဖြစ်၍ ကိုယ်တော်​၏​ကျေးဇူးတော်​ကို​ချီးမွမ်း​ပါ​၏​။ ကိုယ်တော်​ပြု​တော်မူ​သော​အမှု​တို့​သည် အံ့ဩဖွယ်​ဖြစ်ကြောင်း​ကို အကျွန်ုပ်​၏​စိတ်ဝိညာဉ်​သည် ကောင်း​စွာ​သိ​ပါ​၏​။

အို ဘုရားသခင်​၊ အကျွန်ုပ်​ကို​စစ်ကြော​၍ အကျွန်ုပ်​၏​စိတ်နှလုံး​ကို သိမြင်​တော်မူ​ပါ​။ အကျွန်ုပ်​ကို​စစ်ဆေး​၍ အကျွန်ုပ်​၏​စိုးရိမ်ပူပန်မှု​တို့​ကို သိမြင်​တော်မူ​ပါ​။ အကျွန်ုပ်​သည် မှားယွင်း​သော​လမ်း​သို့​လိုက်​သည်​၊ မ​လိုက်​သည်​ကို ကြည့်ရှု​၍ အကျွန်ုပ်​ကို ထာဝရ​လမ်း​ထဲသို့ ပို့ဆောင်​တော်မူ​ပါ​။

အကြောင်းမူကား ကိုယ်တော်​သည် အကျွန်ုပ်​၏​ကိုယ်ခန္ဓာ​အတွင်းပိုင်း​တို့​ကို ဖန်ဆင်း​၍ အမိ​ဝမ်းတွင်း​၌ အကျွန်ုပ်​ကို​ဆက်စပ်​ဖွဲ့စည်း​တော်မူ​၏​။

ကိုယ်တော်​၏​မျက်စိ​တော်​သည် ရုပ်လုံး​မ​ပေါ်​သေး​သော​အကျွန်ုပ်​၏​ကိုယ်ခန္ဓာ​ကို မြင်​တော်မူ​၏​။ အကျွန်ုပ်​အတွက် စီမံ​ထား​သော​နေ့ရက်​များ တစ်​ရက်​မျှ​မ​ရှိ​မီ​ကပင် ၎င်း​တို့​ကို ကိုယ်တော်​၏​စာစောင်​၌ အကုန်အစင်​ရေးသား​ထား​ပြီး​ဖြစ်​ပါ​၏​။

အို ထာဝရဘုရား​၊ ကိုယ်တော်​သည် အကျွန်ုပ်​ကို စစ်ကြော​၍ သိ​တော်မူ​၏​။

ကိုယ်တော်​၏​ဝိညာဉ်​တော်​မှ​လွတ်​ရန် မည်သည့်​အရပ်​သို့ အကျွန်ုပ်​သွား​နိုင်​ပါ​မည်နည်း​။ ကိုယ်တော်​၏​ရှေ့​တော်​မှောက်​မှ​လွတ်​ရန် မည်သည့်​အရပ်​သို့ အကျွန်ုပ်​ထွက်ပြေး​နိုင်​ပါ​မည်နည်း​။

အကျွန်ုပ်​၏​ထိုင်​ခြင်း​နှင့် ထ​ခြင်း​ကို သိ​တော်မူ​၏​။ အကျွန်ုပ်​၏​အတွေးအကြံ​ကို အဝေး​ကပင် သိနားလည်​တော်မူ​၏​။

အကျွန်ုပ်​၏​နှုတ်​၌ စကား​တစ်​ခွန်း​မျှ​မ​ရှိ​သော်လည်း အို ထာဝရဘုရား​၊ ထို​စကား​အလုံးစုံ​တို့​ကို ကိုယ်တော်​သိ​တော်မူ​၏​။

အကျွန်ုပ်​၏​သွားလာ​ခြင်း​နှင့် အိပ်စက်နားနေ​ခြင်း​ကို ခွဲခြား​သိမြင်​တော်မူ​၏​။ အကျွန်ုပ်​၏​လမ်းခရီး​ရှိသမျှ​တို့​နှင့်​လည်း ကျွမ်းဝင်​တော်မူ​၏​။