ဆာလံကျမ်း 16မှ လူကြိုက်နှစ်သက်သော ကျမ်းပိုဒ်များ။

မျှဝေရန်

ကိုယ်တော်​သည် အကျွန်ုပ်​အား အသက်ရှင်​ခြင်း​လမ်း​ကို​သိ​စေ​၍ ရှေ့​တော်​၌ အကျွန်ုပ်​ကို ဝမ်းမြောက်​ခြင်း​ဖြင့် ပြည့်စုံကြွယ်ဝ​စေ​တော်မူ​လိမ့်မည်​။ နှစ်လို​ဖွယ်​ကောင်း​သော​အရာ​သည် ကိုယ်တော်​၏​လက်ယာ​ဘက်​၌ အစဉ်​ရှိ​ပါ​၏​။

ငါ​သည် ထာဝရဘုရား​ကို​အစဉ်မပြတ် မျက်မှောက်​ပြု​၏​။ ကိုယ်တော်​သည် ငါ​၏​လက်ယာ​ဘက်​၌ ရှိ​တော်မူ​သည်​ဖြစ်၍ ငါ​သည်​တုန်လှုပ်​မည်​မ​ဟုတ်​။

ထာဝရဘုရား​သည် ငါ​ခွဲဝေ​ရရှိ​ထား​သော​ငါ​၏​ဝေစု​၊ ငါ​၏​ခွက်ဖလား​ဖြစ်​တော်မူ​၏​။ ကိုယ်တော်​သည် အကျွန်ုပ်​ရရှိ​မည့်​အမွေဝေစု​ကို ထိန်းသိမ်း​ပေး​ထား​တော်မူ​၏​။

ငါ့​ကို​အကြံပေး​တော်မူ​သော​ထာဝရဘုရား​ကို ငါ​ကောင်းချီးထောမနာ​ပြု​မည်​။ ညအချိန်​၌​လည်း ငါ​၏​အတွင်းသဘော​သည် ငါ့​ကို​ပဲ့ပြင်​တတ်​၏​။

ငါ့​အတွက်​သတ်မှတ်​ထား​သော​နယ်မြေ​သည် နှစ်လို​ဖွယ်​ကောင်း​သော​အရပ်​တို့​၌ ကျ​လေ​ပြီ​။ အမှန်ပင် သာယာ​ကြည်နူး​ဖွယ်​ကောင်း​သော အမွေ​ကို ငါ​ခံရ​လေ​ပြီ​။

အို ဘုရားသခင်​၊ အကျွန်ုပ်​ကို​စောင့်ရှောက်​တော်မူ​ပါ​။ အကြောင်းမူကား ကိုယ်တော်​ကို အကျွန်ုပ်​ခိုလှုံ​ပါ​၏​။