ဆာလံကျမ်း 55မှ လူကြိုက်နှစ်သက်သော ကျမ်းပိုဒ်များ။

မျှဝေရန်

သင်​၏​ဝန်ထုပ်ဝန်ပိုး​ကို ထာဝရဘုရား​ထံ၌ ချထား​လော့​။ သို့ပြုလျှင် ကိုယ်တော်​သည် သင့်​ကို​ထောက်မ​တော်မူ​လိမ့်မည်​။ ကိုယ်တော်​သည် ဖြောင့်မတ်​သော​သူ​ကို မည်သည့်​အခါ​မျှ တုန်လှုပ်​စေ​တော်မူ​မည်​မ​ဟုတ်​။

နေဝင်ချိန်​၊ နံနက်ချိန်​၊ မွန်းတည့်ချိန်​တွင် ငါ​သည် ညည်းတွားပြောဆို​လျက် အော်ဟစ်မြည်တမ်း​သောအခါ ကိုယ်တော်​သည် ငါ​၏​အသံ​ကို​ကြား​တော်မူ​လိမ့်မည်​။

သို့သော် အို ဘုရားသခင်​၊ ကိုယ်တော်​သည် ထို​သူ​တို့​ကို ပုပ်ပျက်ရာ​တွင်း​ထဲသို့​ဆင်းသွား​စေ​တော်မူ​၏​။ သွေးဆာ​သော​သူ​နှင့် လိမ်လည်လှည့်ဖြား​သော သူ​တို့​သည် မိမိ​တို့​နေ့ရက်​ကာလ​၏​ထက်ဝက်​မျှပင် အသက်ရှင်​ရ​မည်​မ​ဟုတ်​။ အကျွန်ုပ်​မူကား ကိုယ်တော်​ကို​ယုံကြည်ကိုးစား​ပါ​မည်​။

ငါ​သည် ဘုရားသခင်​ကို​ခေါ်​၍ ထာဝရဘုရား​သည် ငါ့​ကို​ကယ်တင်​တော်မူ​၏​။

များစွာ​သော​သူ​တို့​သည် ငါ့​ကို​ဆန့်ကျင်​ကြ​သော်လည်း ကိုယ်တော်​သည် ငါ​ရင်ဆိုင်​ရ​သော​စစ်မက်​ထဲမှ ငါ​၏​စိတ်ဝိညာဉ်​ကို ဘေးကင်း​စွာ ရွေးနုတ်ကယ်တင်​တော်မူ​၏​။

အို ဘုရားသခင်​၊ အကျွန်ုပ်​၏​ဆုတောင်းသံ​ကို စူးစိုက်​နားထောင်​တော်မူ​ပါ​။ အကျွန်ုပ်​အသနားခံ​သည်​ကို​လည်း လျစ်လျူရှု​တော်​မ​မူ​ပါ​နှင့်​။