ဆာလံကျမ်း 59မှ လူကြိုက်နှစ်သက်သော ကျမ်းပိုဒ်များ။

မျှဝေရန်

အကျွန်ုပ်​မူကား ကိုယ်တော်​၏ အစွမ်းသတ္တိ​အကြောင်း​ကို သီကျူး​ပါ​မည်​။ နံနက်အချိန်​၌ ကိုယ်တော်​၏​မေတ္တာကရုဏာ​တော်​အကြောင်း​ကို ရွှင်လန်း​စွာ​ကြွေးကြော်​ပါ​မည်​။ အကြောင်းမူကား အကျွန်ုပ်​ဘေးဥပဒ်​နှင့်​ကြုံတွေ့​ရ​သော​အချိန်​တွင် ကိုယ်တော်​သည် အကျွန်ုပ်​၏​ခိုကိုး​ရာ​နှင့် ဘေးလွတ်​ရာ​ဖြစ်​တော်မူ​၏​။

အို အကျွန်ုပ်​၏​အစွမ်းသတ္တိ​၊ ကိုယ်တော်​ကို အကျွန်ုပ်​သီဆိုချီးမွမ်း​ပါ​မည်​။ အကြောင်းမူကား ဘုရားသခင်​သည် အကျွန်ုပ်​၏​ခိုကိုး​ရာ​ဖြစ်​တော်မူ​၏​။ အကျွန်ုပ်​၏​မေတ္တာကရုဏာ​ရှင် ဘုရားသခင်​ဖြစ်​တော်မူ​၏​။

အို အကျွန်ုပ်​၏​အစွမ်းသတ္တိ​၊ ကိုယ်တော်​ကို အကျွန်ုပ်​စောင့်စား​ပါ​၏​။ အကြောင်းမူကား ဘုရားသခင်​သည် အကျွန်ုပ်​၏​ခိုကိုး​ရာ​ဖြစ်​တော်မူ​၏​။ အကျွန်ုပ်​၏​မေတ္တာကရုဏာ​ရှင် ဘုရားသခင်​သည် အကျွန်ုပ်​ကို​ကြိုဆို​တော်မူ​လိမ့်မည်​။ ဘုရားသခင်​သည် အကျွန်ုပ်​အား ရန်သူ​တို့​ကို အပေါ်စီး​မှ​ကြည့်မြင်​ရ​သော​အခွင့်​ကို ပေး​တော်မူ​လိမ့်မည်​။

အို အကျွန်ုပ်​၏​ဘုရားသခင်​၊ အကျွန်ုပ်​၏​ရန်သူ​တို့​လက်​မှ အကျွန်ုပ်​ကို​ကယ်နုတ်​တော်မူ​ပါ​။ အကျွန်ုပ်​တစ်ဖက်​၌​ထကြွ​သော​သူ​တို့​၏​ဘေး​မှ အကျွန်ုပ်​ကို​လုံခြုံ​စွာ​စောင့်ရှောက်​တော်မူ​ပါ​။