Luka 12မှ လူကြိုက်နှစ်သက်သော ကျမ်းပိုဒ်များ။

မျှဝေရန်

Ino boongya likolana nk’osamb’oho; lacina Bon’on’oto angoya ena esike enefakanel’ino.

Koko ino, bofonaka lifoka linande, ko toma tona tongokokokedyama.

Ko amasumola, ate, Boongya lilenda, ko boyotombanyak’inoamene, botoyoka mposa ina toma inileki; lacin’oka liiko lon’oto lofayali ena lituka lina toma lineyat’ende.

Lacina enamonyama lituka line, botem’one bongoyala nkwaho.

Boto’onino onoyofuedyis’endamene botale l’okandakando ayali meya?

Ko aosumola bakili’anande, ate, Lacin’eho, lakosumol’ino, Botakandakandake lacin’ena liko lonino, nao lacin’ena toma tatong’in’ola; ko botakandakandake lacin’ena yonge, nko lacin’ena bisenda bining’in’olota.

Le bese bena lifo lin’ete’enino bemosila yaalama. Botaangake; ino boleki ndekeleke bike l’otuya.

Botaangake, ino itongatonga inami: Bafango’onino aok’olotsi lacina akof’ino lifoka.

Bokanelaka bewawa. Iyo bafafuse, bafanuke, bafan’emonyedyo la botumba bona mmonya tu; koko Yakomba amafa toma. Ino boleki mpulu l’otuya nko ndeka mene!

Koko botafonake toma tatong’in’ola ko la toma tatong’in’omela, ko botayalamake l’okaokando en’etema.

Koko yombo Yakomba aokombya tolenge tona basala tonatomela bon’in’one, koko tofusama loi en’etumbelo, afaleki nde oyokolots’ino bisenda, in’anayali l’imeedyo nk isalisali kei?

Koko efana yoi linalikunji linalifakundwaki linga; ko efana yoi linalifisi linalifeyanaki linga.