Luka 3မှ လူကြိုက်နှစ်သက်သော ကျမ်းပိုဒ်များ။

မျှဝေရန်

Nikwa omugulu abandu bosi bamabibatisibwa, na Yesu nibya amabibatisibwa abere anemosaba, olubula molwakingu kala, neKirimu Kibuyirire mokyamwandagalirako omwi sosa omubiri wa kalikuku, nomulenge mwalwa elubula ati, Uri Mugala wage mwanze; ngatsemisibwa ndeke busana nawe.

Yoane mwasubiryabo bosi ati, Ngaba tisaya omo magetsi; nikwa ogundi akasa oyu nyilengirye akagala, sinyitolere erikundula emikoba yoko ngendero siwe; iye akandisyababatisya omo Kirimu Kibuyirire nomo muliro.

Mubute ebiguma ebitolere eribinduka simutsuke eriyibwira muti, Tuwite Abrahamu mo tata wetu; kusangwa ngababwira nyiti, Mungu angatoka eriha ngania abana omo mabwe aya busana na Abrahamu.

Na lino embasa inikirye omo ndina yemiti; oburi muti owatebuta ebiguma asyakondwa iniaguswa omo muliro.

Ngoko kisakire omo kitabu kyebinywa bya Isaya muminyereri ati, Omulenge woyu kabirikira omo mbwarara: Mukokotaye enzira yoMukama, Mutungananaye esyonzira siwe. Oburi musya asyasulibwa, Noburi kitwa noburi katwa byasyabondereribwa, Nebihengemire byasyatungananibwa, Nesyonzira sitahalire syasyaringiriranibwa; Abosi bemibiri basyalola okwilamya ryoMungu.