:Jororn' 3မှ လူကြိုက်နှစ်သက်သော ကျမ်းပိုဒ်များ။

မျှဝေရန်

Nyorsoa :kma dha yao 'zorn-a' dhih 'weh 'gabaa. Eh-: :korn dhih, or dbo or-a' 'Yu :due' gbai dha mor. :Yee' nyor :or mu-a or-a' dhih dhih 'jeh-' :po, or :se-' gbe :zie: i, jorwor: or mu 'kmo :sie: :febeh' 'ble-:.

Deh no-eh, Nyorsoa :se-' or-a' 'Yu dbo or 'ye nyor⧾ :on :ne-a dha yao 'zorn-a' zabe :kpon-dih:. Jorwor: or dbo-or', or 'ye :gwlor-nyor⧾-a' klehkpeh-a' 'puh-dih-nyor no.

:Yee' :Yusu' :wlu-' 'de or bo, or 'dae:, Dhih 'jeh, 'an zela :on :gwluhuh', nyor se 'beh-dih: or 'ye Nyorsoa-a' nyor⧾ wlu 'ken :korn-eh 'ye, :mor eh 'dhu or se 'wluh :dele' ka.

:Yee' nyor :or po-a Nyorsoa-a' 'Yu-a' dhih dhih 'jeh-', :yee' Nyorsoa-a' zabe :se-or' kpon. Jorwor: nyor :or se-a or-a' dhih dhih 'jeh-' po, :yee' Nyorsoa-a' zabe kpon-or' see, deh no-eh, or :se-' Nyorsoa-a' 'Yu :due' gbai :daa, or-a' dhih dhih 'jeh-' po.

Deh :eh :kpon-dih:-a nyor⧾ zabe, eh-: :dhe dih. Zorn-pli yi dha yao 'zorn 'weh. Jorwor: :gwlor-nyor⧾ :ybeh-' :kule:, :eh :zi 'o zorn-pli-', deh no-eh, an no deh⧾-zon:⧾.

Or-a' dhih :korn en 'ye 'i 'beh, en 'ye ken dih 'kpuhba:. :Yee' 'an ne :korn en 'ye ya yi.

Nyor⧾-a' klehkpeh :an no-a deh⧾-zon⧾, on 'nyeh zorn-pli-' 'weh, 'de an-a' yi 'noror zorn-pli-', deh no-eh, on :se-' 'bhorn deh⧾ an no-a, en 'ye ken :nyeh.

Nyor :or po-a Nyorsoa-a' 'Yu-a' dhih dhih 'jeh-', :yee' or 'ble 'kmo :sie: :febeh' :naa. Jorwor: nyor :or se-a 'o or-a' 'tele' dih dhe, :yee' or :se-' 'kmo :sie: :febeh' 'ye-: i. Deh no-eh, Nyorsoa-a mu-or 'chehn-' 'kpa-dih:, :ka ti-a mu-a 'dlu-' :tehn.

:Yee' :ka :Mose' no-a dhiehn-sehn-a' yai' :to-eh 'do tu 'i, 'de :bhehneh'-bluhba ken, :yee' 'ka-: 'yu an 'da-dih-a Nyor-kpalu-a' 'yu :korn or 'ye yai' :to-eh no :ke

:A :Baa' Nyorsoa :ybeh or-a' 'Yu-' 'weh. 'De or po 'de deh⧾-a' klehkpeh 'de or 'kwa.