Juan 3မှ လူကြိုက်နှစ်သက်သော ကျမ်းပိုဒ်များ။

မျှဝေရန်

Taicha ema Viya, tétavikawa'i eta máemunasira'avi viti achaneana te juka apake'e. Eta máemunasira'avi, máijaraka'i ema makarichukene'i Machicha, eta máukupaisira'i eta ani viye'e. Tíjaraka'aviya eta vítaresiraya máichekuarakinepa eta vitaresira.

Taicha ema Viya, wa'i táka'e'ini eta mapanereru'i eta mawánesira'i ema Machicha máikuñaka'avi'ini viti achaneana. Étasera eta tímiteka'i ema, tikuchuku'a'aviyare vimutu.

Ema Jesús máichapa: –Puiti nutupiruwa numetakavi mákani achane wa'i tepanawa eta maitaresira wa'i títujikawaima'i tisiapa te mawasa ema Viya akenuka te anuma.

“Nákani tikasiñanayare ema Machicha ema Viya, wa'i tikaikuñanaima'i; nákanisera wa'i nakasiña'ini ema, táimikuñakawakayare'i eta naviurewana'i, taicha wa'i nasuapa'ini ema machicha makarichukene Viya.

Taicha wa'i náurika'ini eta tamikauchirawaka'i eta majaraiwa ema Cristo táukupairu'i te juka apake'e. Étachucha náurika eta timapiku, taicha wa'i náwara'a'ini tákaechera'ini eta náichira'i eta tamaurikeneana.

Ema, te jákani mapaisi'ayarepa'i, tiápajukawayarepaipa eta makunachakarewaya. Ema, mapaenumawapa tepanawa eta makaemataneasira ema Viya. Nuti nurisamure'i taye'e eta. Nuti, tiáne'ipa eta nítauchirainapa eta nématane. Tási'a, wá'i'ichu nukunachakare nuti.

Taicha nákani tíchana'i eta tamaurikeneana, nakaticha eta majaraiwa ema Viya. Wáipaine'i napauchaima'i, namawaraira'i takaechera'ini eta náichira'i eta tamaurikeneana.

Eta taka'e, nákani tikasiñanayare ema Machicha, maichekuarakireya eta náitaresira. Namutusera ena makasiñara'ana'i ema Machicha ema Viya, wa'i títarekanaima'i, taicha tanasi'i eta naviurewana táichavene'i eta napekaturana'i, tikaikuñanayare'i máitawakakayare.”

Tási'a takuti'i, ema víyara'aini Moisés máepiyaka'i eta metal eta táima'i eta kichare. Manaka'i te anuke'e te yukuki. Ene maka'eyare ema Machicha ema Ajaira tikaechepukawaya.

Ema vikaiyakene máemunaka'i ema Machicha. Eta taka'e, matuparaka'i eta émairayare'i téchayare tamutu.