Yuhanna 4မှ လူကြိုက်နှစ်သက်သော ကျမ်းပိုဒ်များ။

မျှဝေရန်

Parmeshwar Aatma hei, aur i jaruuri hei ki u sab weship kare waala Aatma aur sachchaai se weship kare.”

Lekin u ṭaaim aay waala hei, yaane ki aay gais hei jab sachcha weship kare waala log Pita ke weship, aatma aur sachchaai se kari, kaahe ki Pita aapan weship ke khaatir eisane log ke khojis hei.

Lekin jon koi bhi i paani pee jon ham deta hei, u kabhi pyaasa nai hoi. Jon paani ham dega u ek sota ke rakam hei jon anant jeewan ke waaste hardam nikarte rahi.”

Yeeshu jawaab dees, “Tum nai jaanti ki Ishwar tumme kaa de maañge hei, aur tum i bhi nai jaanti ki tum se kon paani maañge hei. Agar tum jaanti, to ham se jeewan jal maañgti.”

Yeeshu tab fir se bolis, “Hamaar khaana yahi hei jon Parmeshwar chaahe hei! Wahi hamme bhejis hei, aur hamme u kaam puura kare ke hei jon u hamme kare ke bhejis hei.

“E guru,” u aurat bolis, “Tumhaar paas to paani bhare ke waaste kuchh bhi nai hei, aur kuaañ bhi bahut gahira hei. Tum kahañ se jeewan jal laayga?

U aurat tab bolis, “Ham sab janta hei ki Maseeha aay waala hei. Wahi hei jiske ham Krisṭ bolega. Jab u aai tab hamme sab samjhaai.” “Ham wahi hei,” Yeeshu bolis, “aur ham abhi tum se baat karta hei.”

“Aao aur dekho, u admi ke dekho, u sab jaane hei jon ham abhi tak kara hei, aur hamme sab bataay dees hei! Kahiñ yahi Maseeh to nai?”