Yohanes 1မှ လူကြိုက်နှစ်သက်သော ကျမ်းပိုဒ်များ။

မျှဝေရန်

Angkana hihimolu to mantorimoꞌI hei mepoꞌohi pe Io, Nopaꞌanihi komasipatoꞌ mewali Anaꞌna Pueꞌ Ala.

Mepongka ka uluꞌ-uluꞌna handoaꞌi niwali duniaꞌ, Boo uwaꞌmo umbiꞌ. Boo tiꞌo, umbiꞌnamo uwaꞌ moꞌawa-awa hante Pueꞌ Ala, hei Boo tiꞌo iomo Pueꞌ Ala.

Wanta tiꞌo mewanta nturusi i lali duniaꞌ to mokorindi hieꞌe, hei Io hawaꞌi howeꞌ hampiha nonani komokorindi.

Boo tiꞌo mewalimo toaꞌ, hei meꞌohaꞌ i lumbunta i duniaꞌ hieꞌe. Kiꞌokiꞌmo komarohone kuasaꞌNa. Kuasaꞌna tiꞌo Notorimo ka UmoꞌNa, alaꞌ Iomo AnaꞌNe to Hadoduona. Ka Io tobahaꞌi Pueꞌ Ala, hei tohorikimo kopopuhiꞌne lalina Pueꞌ Ala i ingkiꞌ.

Pueꞌ Ala mowali hinangkana to uwaꞌ moliu i Boo. Hawaꞌi uwaꞌ halangkaꞌ to Nopopewali ane hawaꞌi moliu Boo. Ka Boo tiꞌo pepongkane kotuwuꞌ. Hei kotuwuꞌ tiꞌo to mampomobaro lalina manusiaꞌ.

Poꞌonina, hi Yohanes pangkiꞌ hi Yesu hupaꞌ pe io. Notiꞌi pe toaꞌ to woriꞌ, “Elekei! Hintumoꞌo humei toaꞌ to nipandiriꞌ hibali Anaꞌ Gimba to mamposalamaꞌ toaꞌ i duniaꞌ ka dosa.

Moliu i Boo, duniaꞌ Nopopewali. Angkana i tempona uwaꞌ i duniaꞌ, toaꞌ hawaꞌi pobahaꞌ kohihimoNa. Io hupaꞌ pe woiꞌNa hadoduona, angkana hawaꞌi rotorimo.

Wanta tiꞌo to tuꞌu-tuꞌu, to mampomobaro lalina lekiꞌ-lekiꞌna toaꞌ. Iomo to mehupaꞌ i duniaꞌ.

Hi Musa Aturalu to nopaꞌanikiki, angkana hi Yesu Kerisitu mampomombahakiki, kopopuhiꞌna laliNa Pueꞌ Ala, hei moliu i poturuꞌNa to tuꞌu, tobahaꞌ kohihimona Pueꞌ Ala.