Yohanes 3မှ လူကြိုက်နှစ်သက်သော ကျမ်းပိုဒ်များ။

မျှဝေရန်

Alaꞌ kokodeꞌna rimana Pueꞌ Ala pe lekiꞌ-lekiꞌna toaꞌ i duniaꞌ, horiana Nopeweimo AnaꞌNe to hadoduona, hingkeꞌna hihimolu to mepoꞌohi pe Io, hawaꞌi hingkiꞌ nihuku, angkana hingkiꞌ pahua kotuwuꞌ to wolaꞌ to hawaꞌi mokoꞌukoa.

Pueꞌ Ala hawaꞌi morumbaꞌ AnaꞌNa humei pe duniaꞌ hingkeꞌna mohuku toaꞌ. Tungkaihana morumbaꞌ AnaꞌNa humei hingkeꞌna mamposalamaꞌ toaꞌ ka pehuku dosa.

Notiꞌi hi Yesu, “Tuꞌu mpololeke lolitangKa hieꞌe: ane haduo toaꞌ hawaꞌi nipoꞌanaꞌki huliꞌ, hawaꞌi wadi mewali toaꞌna Pueꞌ Ala.”

Toaꞌ to mepoꞌohi pe Anaꞌna Pueꞌ Ala, hawaꞌhi hingkiꞌ nihuku. Angkana toaꞌ to hawaꞌi mepoꞌohi, monontomo konohukure Pueꞌ Ala, alaꞌ hawaꞌhi mepoꞌohi pe Anaꞌna Pueꞌ Ala to Hadoduona.

Mehupaꞌmo Anaꞌne Pueꞌ Ala pe duniaꞌ mangkomi komobaro pe lekiꞌ-lekiꞌna toaꞌ. Angkana toaꞌ palei tene komokorindia hintina komobaro, alaꞌ kodake waliare. Iomo horiana nohukuhi Pueꞌ Ala.

Komorue-rueha konaꞌNa bateꞌna pedeꞌ nibahaꞌ, angkana konaꞌku komorue-rueha pedeꞌ hawaꞌi nibahaꞌ.”

Lekiꞌ-lekiꞌna toaꞌ to mowali to kodake, mampokoiꞌhi komobaro. Hawaꞌhi hiniꞌ mangkododungkui komobaro tiꞌo hingkeꞌna hawaꞌi nibahaꞌ waliare to kodake.

Toaꞌ to mepoꞌohi pe AnaꞌNa tiꞌo, pahuamohi kotuwuꞌ to wolaꞌ to hawaꞌi mokoꞌukoa. Toaꞌ to hawaꞌi mengkoruꞌ pe Anaꞌna Pueꞌ Ala, hawaꞌhi pahua kotuwuꞌ, angkana tontona uwaꞌ pehukune Pueꞌ Ala i iohi.

Hibali hampiha hi Musa mowali ule ka tembaga, nopopedokiꞌ i loti honiꞌi notindiꞌ, hatoꞌo woꞌo Anaꞌ Manusiaꞌ hangangaa nipaku i loti momehulepe hei nitindiꞌ dingkaoꞌ

Pueꞌ Ala Umoꞌta mampokarima AnaꞌNa hei mampaꞌaniꞌI lekiꞌ-lekiꞌna kuasaꞌNa.