YOHANES 14မှ လူကြိုက်နှစ်သက်သော ကျမ်းပိုဒ်များ။

မျှဝေရန်

Kobiagan moonow bo motompia taḷaan-Ku kon i monimu. Dodamean-Kubí tontaní in ogoi-Ku kon inimu. Onu in ogoi-Ku tua deemanbí ná inta inogoi in dunia naa kon i monimu. Dika moḻia-ḻiaw in gina bo dika moondok.

Ki Yesus in notubag, “Akuoibí naa in daḷan kon monotaau kon i Allah bo mokouḻí kon kobiagan. Diábí in tobatúmai intau in mokoyaput kon i Amá, aka diá mongin i-Nakó.

“Donaai mohawatir in ginamu,” guman i Yesus kon i monia. “Popirisayadon kon i Allah, bo popirisaya kon i-Nakó doman.

Táe Roho i Allah, Mototuḷung inta bain potabá i Amá podoyon kon tangoi-Ku. Siadon tua in motundú kon i monimu kon bayongan rupa-rupa bo moponorop bui kon i monimu kon bayongan inta ain pinotaau-Ku kon i monimu.

Intau inta notarima kon parenta-Ku mita bo nopoaid, sia tuata inta motabi kon i-Nakó. Bo Akuoi in motabibí doman kon intau tatua bo mokipogontongbí kon inia.”

Poigumon-Kubí kon i Amá, bo ogoian-Neabí moiko in mototuḷung ibanea, inta umuran mogutun moyotakin monimu. Sia tua in Roho i Allah inta mopoontong in inta nobanar soaḷ ki Allah. Dunia naa in diá mokotarima kon i-Nia, sin mosia in diá nokoontong ande diá nonotaau kon i-Nia. Táe moiko in nonotaaubí kon i-Nia, sin Sia in mogutun moyotakin monimu bo motobatúbí takin i monimu.

Bo onukabí in poigumon monimu podoyon kon tangoi-Ku, aidan-Kubí intua kon i monimu, sinbá ki Amá in pomuliaan pongin i Adí. Onukabí in poigumon monimu podoyon kon tangoi-Ku, yo aidan-Kubí.”

“Aka moiko in motabi kon i-Nakó, yo moiko in dumuduibí kon parenta-Ku mita.

Kon Baḷoi i Amá-Ku nobayong tampat pogutunan. Akuoi in mayá intua sin moposadia kon tampat kon i monimu. Akuoi in diábí moguman natua aka kuma bo tua in diábí natua.

Naonda in Akuoi mayádon moposadia in tampat kon i monimu, Akuoi in buibí mamangoi monontomu kon i monimu, sinbá kon onda in Akuoi, kon tua doman i moiko.

Bo ki Tomas in noguman kon i Yesus, “Tuhan, diá kotaauan nami mongo kon onda in bayáan i Tuhan, yo naondabí in kotaauan nami in daḷannea?”