YOANES 15မှ လူကြိုက်နှစ်သက်သော ကျမ်းပိုဒ်များ။

မျှဝေရန်

E elem-e an-net yusu-o. Nde, inggi-ge kit-net yili-o. Ap-nen an narem puksa woralat, an na at arem puksa woralat yidnak nap-nen-e engen kwarat lombok puwa-o. Nde, kir-e an narem puksa woragit lak ala-ge, yi kwatlik ndi kwatlik kwarugup pug-o.

An narem puksa woragola-ge, an na kit kenarem puksa woramin-o. Inggi na e elem min kundigit lak, arik woralar-e, engen poso bug-o. Iri nggal, kit-nen na an narem puksa woragit lak ala-ge, engen pugup pug-o.

Kit-nen nde an narem puksa woragolat, an-nen yidnak wene na kit kenarem woralat-nen kit kindingen mende mbi Neid eram nggi yogola-ge, wog-et kunduwa-o.

Kit-nen an len nibigit lag-o. Alat nde, an-nen len kunpuruk, kit-nen-e engen kwarat pogolar-e, pem-et woralik nalik momtak engen pobokluk-nen an-nen wirik kinpigi-o. Nde, an nunu bem an Neid nggi yak tugup mende-ge, iri na-t wok kunduwa-o.

Ap-nen anggamirak enabuwa mondok nggulok kasu nap-nen-e it enmanggim at ondomok iminep wisirik pusu irir-o.

Nde, e elem an nebem-nen mbiridnak inggi mbi-nen engen pigit lak ala-ge, at-nen-e yendera mbo boso-o. Nde, an nebem-nen mbiridnak inggi-nen engen pidnak ala-ge, engen erep kwarat puwakluk, at-nen-e angga erep lera keya buruk kona keya boso-o.

An-nen kenpem pusu wene-ge yu-o. An-nen kit kenabuwa kasu nggal, iri nggal kit na kit-net nabuwa kabuwa kagolat wolmer-o.

Kit-nen engen kwarat pogolar-e, an Neid unu kek tak pili-o. Iri yogolar-e, an nimin nugwi nab-et kwat yili-o.

Yuruk, Yesus-nen yosolar-e: ”Ndemeret e elem-e an-net yusu-o. Nde, yabu ombo-ge an Neid-net yusu-o.

Nde, an narem puksa wolma buk nab-e e inggi yendera mbo bidnak nggal irit mbo bosola, le ma-o. Nde, inggi yendera mbo bidnak iri nggal-e ap-nen ndok wosa kan ma mbo bosoma, kan naso-o.

Wene yu yak kindigi yu-ge, an nalen-e kit kenarem worasolat, kenalen kenarem woraso iri na iminep mbal makluk-nen yak kindigi-o.

An-e Neid-nen yak niridnak nak kwarosola, at-nen an nabuwa kaso bem-et worasu nggal, kit-nen nde an-nen yidnak yidnak nak kwarogola-ge, an-nen kenabuwa kaso iri na bem-et woragub-o.

An-nen kenpem pusu wene-ge yu-o: ’Nabuwa kabuwa nak kagolat wolmer-o’ luk yak kundusu-o.

Nde, kit nde nggweyak ma nap min-et kundik woraigep nggal-e, nggweyak ma nap-nen-e yu-ge nit mende-o luk kit kenabuwa kaleb-o. Alat nde, nggweyak ma nap ennggenggerak-nen an-nen len kinpidnak me, kir-e nggweyak ma nap inmin kundig-e lag-o. Iri bem-e nggweyak ma nap-nen-e insili rak kinpili-o.