O KEJADIAN 32မှ လူကြိုက်နှစ်သက်သော ကျမ်းပိုဒ်များ။

မျှဝေရန်

O nyawa gënanga wotemo, ”Ani romanga o Yakub okaua. Ngona nima tagokoka de ma Jou Madutu dede o nyawa, de ngona no utumu; karana gënanga ani romanga idadi o Israel.”

Daha wotemo o nyawa gënanga, ”Nohipidili ngohi; mahuhutulokahi o wange malako i boaka.” O Yakub wohaluhu, ”Ngohi toni pidilua Tuanga, halingohu nako Tuanga nohihibarakati.”

Mä ünanga wogögogere womatengoka. Daha o nauru wotengo waino imatagoko de o Yakub hiädono ngade-ngade itebini.

Ipaha o Yakub wotemo, ”Ngohi mimakeoka ma Jou Madutu o biono de o biono, mä ngohi kato wangohi.” Karana gënanga wohiromanga o ngï gënanga o Pniel.

Maöraha o nyawa gënanga wamao ünanga aha wopoaua o gatagoko magoronaka gënanga, wïgohara o Yakub ai gaonika, hiädono ai gaono makakasi ipahaoka.

”Onaguna ani romanga?” o tuanga gënanga woleha. ”O Yakub,” wohaluhu.

O Yakub wotemo, ”Nahetongo aniromanga Tuanga.” Mä o nyawa gënanga wohaluhu, ”I paraluua ngona noleha onaguna ahiromanga!” Dahawihibarakati o Yakubika.

Ngohi ipatutua tatarima hagala o dora deʼ o setia nohidumutoka Jou ngohino. Maöraha ngohi tomäjobo tatobongo o Yordan ma Ngairi, mahomoa de o diki-diki ngohi okia-kiaua toao. O öraha nanga ngohi toböa tomakilioro de o doomu hinoto nënanga.

Hiädono o öraha nënanga o Israel manga difauku yaol̄omua o hiode ma akeme o aiwani magaonoka, karana o Yakub yakoronaka o gogohara ai gaonika.

De ipaha o Yakub womäniata, ”Ya Jou Madutu, ahi ete o Abraham woni puji-puji, deʼ ahi ama o Ishak, noihenohi! Jou nohi hulokoka ngohi tolio tomakilioro ahibereraika deʼ tongohi ahi roriadodoto. Deʼ Jou nojaji aha natatoro hagala moi-moi kai rorahai ngohino.

Ngohi togahoko de magiria, ahiriakino o Esau nohi hihalamati ngohi. Ngohi tohawana uha-uha ünanga woböa womïparangi deʼ womïbinaha ngomi mata-mata, o ngongohekaö de ongoha-ngohaka.