LUKAHU 9မှ လူကြိုက်နှစ်သက်သော ကျမ်းပိုဒ်များ။

မျှဝေရန်

Tunaka nu i Yehu hi napanii-nya na tau mbuu ndàbana na maninya lai nu: “Na tau ka kukiku-nya Nyuna na mawàna-ngga, najàma pàkunya bàdi na nduma wikina, ka naduku-ya na harika-na hau lodu - hau lodu, ka namangu pakiku-ngga Nyungga.

Nadu na tau na ma-pamàndu-nya na lurina, napa na-yàmihu-ya na lurina. Tàka na tau na manda aï wikina ba nalumu-ngga Nyungga, jia hi na-pamàna-nya na lurina.

Nanapa-ya i Yehu la tau nuna, “Na tau na mambàda pakiringu paluku, ka nambaili-pa la kajia-na, nda ràka jia-aya na angu banjaru-na i Ala,” wànanya.

Nggàra lingunaka la tau jàka namàngi hàlanya na nggubulu pinu tana, tàka hi paruha-nanyai dàngu hi yàmihu-nanyai na lurina?

Jàka na-makia na tau papeka-ka Nyungga dàngu na pa-ajaru-nggu Nyungga, napa na Ana Tau na-makia-mai duna papeka-ya na tau nuna la rehi tàka wàngu kuaha-na, kuaha-na i Ama, hamanai kuaha-da da papalewa matua!

Napaya i Yehu, “Da ahu rumba ningu liangu-da, da ma-hawurungu ningu hibuda, tàka na Ana tau nda ningu-maki duna ngia pa-mahuru-na,” wàna.

Hi napanii-nja da makiku-nya, “Na tau na mainga-ya na anakeda tungu yia lumunggu Nyungga, na àndana inga-nangga Nyungga-maka. Tàka na tau na mainga-ka Nyungga, inga-nanya Nyuna-maka na ma-palewa-ka Nyungga. Nadu na tau na ma-màrahu halawàla la hongami, jia-yaka na marihi bokulu!” wànanja.