ወንጌል ዘሉቃስ 24မှ လူကြိုက်နှစ်သက်သော ကျမ်းပိုဒ်များ။

မျှဝေရန်

ወናሁ አነ እፌኑ ተስፋሁ ለአቡየ ላዕሌክሙ ወአንትሙሰ ንበሩ ሀገረ ኢየሩሳሌም እስከ ትለብሱ ኀይለ እምአርያም።

ተንሥአ ኢሀሎ ዝየሰ ተዘከራ ቃሎ ዘይቤለክን በገሊላ።

ወተከሥታ አዕይንቲሆሙ ወአእመርዎ ወጠፍአ እምኔሆሙ ሶቤሃ ወኀጥእዎ። ወይቤሉ በበይናቲሆሙ አኮኑ ይነድደነ ልብነ ዘከመ ይነግረነ በፍኖት ወይፌክር ለነ መጻሕፍተ።

ወይቤሎሙ ከማሁ ጽሑፍ ከመ ይትቀተል ክርስቶስ ወይትነሣእ እምነ ምውታን በሣልስት ዕለት፤ ወይስብኩ በስሙ ለንስሓ ወለኅደገተ ኀጢአት ለኵሉ አሕዛብ እኂዞሙ እም ኢየሩሳሌም።

ወረከባሃ ለይእቲ እብን ኀበ አንኰርኰረት እምነ መቃብር። ወቦኣ ወኢረከባ ሥጋሁ ለእግዚእ ኢየሱስ።