ሉቃስት ወንጌል 12မှ လူကြိုက်နှစ်သက်သော ကျမ်းပိုဒ်များ။

မျှဝေရန်

ክትንም እጅር ዅርት ተረነ ግርየድ ክትን ኻልዪይርነው ግርየይዝ ኣቓንስቅ ኣስልሽርን ሊሚድጥን።»

ኽሽስ እደረት ምጝግስትት በንጥን፤ እኒንትቅም ቈሽ ነይጡ።

ቈሽም እጝቅዝቅ እንት ዩ፦ «እጅርዙ ርዅየድ ኻፍትዙ ንቕፀዝ ሚስርትሸውም ኣየው፤ ኣቓንስቅም ጣጝቅቅጭጥን! ስግቭግቭ የነዊስም ክታቕምት ኣክኑጥን» ዩ።

ክታኻቭትድ ፅበዊል ክታእዘንድም ፅብጡ።»

ኣየውጚ! ክታጊስ ጨጝቅሽ ጝእድሚል ላው ግርየ ቈሸነው ቸለውድ ኣው የጝ?

እንዝ ግረ ጝክንደጢዝ እንት ዩ፦ «እንዝ ማጥን፦ ‹ውር ዅንቅ? ውርስ ሲርንቅ?› ይርና ክታስየትቍዝ ጨጝቅሽትርነ የኵን።

ክትንም ክታኣውር ፅቭቀድ እኳ እጊተው የጝ፤ እደስለስ ጐውትርነ፤ ንቕፀቍ መልቍ ዚልቂስ ክትን ዲቍርነቅ የጝ።»

«እፈ እጥን መጝገ ክተ! ጐውተ! እደረ ጝምጝግስትድ ነይጠ በንኩ።

ወፈጥድ ቓልጥን፤ ፊዛቍም፤ ኣይራቍም፤ ኣረ ኣኽቨነው ስፍረ ዊንም ቅፋነ እጀቍም፤ እደረ ግን ጛት ቀልቨኵ፤ እደስለ ዚልቂስመ ክትን ቺዛይርነቀ?

«እንዝ ማጥን፦ ‹ውር ዅንቅ? ውርስ ዝይንቅ?› ይርና ኻስቨነውዝ ጨጝቅሽትርነ።

እደስለ እደረ ንጭ እትል ኣምር ልየይል ሊቨው በራኸይዙ ፃቀድየንት እነሽ ሲሰው ኣቐውዝየ እምንት ጒድልድርነቅ ክታትርነ! ክታጭሰ ኣወሽ ዲቈው ሲሳው?

ሺፍንሸው ጋልፅሺጝቀ እዳቓውም፤ ሲውርሸውም ኣረሲጝቀ እዳቓውም።