Zn 15မှ လူကြိုက်နှစ်သက်သော ကျမ်းပိုဒ်များ။

မျှဝေရန်

Mwa, mo pie rezin e zot, zot bann brans. Dimounn ki res ar mwa e mwa ar zot, zot pou raport enn kantite fri parski san mwa zot pa kapav fer nanye.

Res ar mwa, kouma mwa mo res ar zot. Parey kouma enn brans pa kapav raport fri si li pa res lor pie rezin-la, zot osi, zot pa pou kapav fer nanye si zot pa res ar mwa.

Si zot res ar mwa e mo parol res ar zot, tou seki zot demande zot pou gagne.

Pa zot ki finn swazir mwa, me mwa ki finn swazir zot. Mo finn donn zot mision, ale, raport fri e ki zot fri dire. Lerla tou seki zot demann mo Papa lor mo nom, li pou donn zot.

Pena pli gran lamour ki existe ler kikenn donn so lavi pou so bann kamarad.

Tou brans ki lor sa pie-la e ki pa raporte, mo Papa tir zot zete; me tou brans ki raporte, li tay zot pou ki zot donn ankor plis.

Ala mo komannman, kontan zot prosin, parey kouma mwa mo kontan zot.

Mo Papa glorifie, ler zot raport boukou fri e ler zot vinn mo bann disip.

“Mwa, mo vre pie rezin, mo Papa, proprieter karo.

Si kikenn pa res ar mwa, pou zet li deor parey kouma fer ek enn brans ki pa raporte; lerla li pou sek. Dimounn ramas sa bann brans-la, zet zot dan dife e zot brile.

Mo finn dir zot tousala pou ki mo lazwa res dan zot e ki zot lazwa konple dan enn gran lazwa.

Si zot gard mo bann komannman, zot pou res dan mo lamour parey kouma mwa, mo gard komannman mo Papa e mo res dan so lamour.

Mo donn zot enn komannman: kontan zot prosin.

Si zot ti viv pou lemond, lerla lemond ti pou konsider zot kouma so prop zanfan; me zot pa pou lemond; mwa, mo finn swazir zot, mo finn tir zot dan lemond. Akoz samem lemond ayir zot.