Lucas 12မှ လူကြိုက်နှစ်သက်သော ကျမ်းပိုဒ်များ။

မျှဝေရန်

Ca' qamiri qai'neeta ỹaatqajam na'maxachitañi, ma' ne'laqataxanto ca loviraqa' najo ỹale llaalec.

Qam qamiri ỹaatqajam na'xaỹaxañiỹa da lo'ueenataxanaxac ñi qota'a quiyim mashic ỹoiquentac ná'ogue najo, ca' qai'neeta coñiguit ma'le naua'que nauajo.

Qai'neeta 'naaco': —'Ajnaxañii chaqai rovichiỹa'a ná'ogue na nqo'itaxanqachic, ma' da nachaalataxac ca qom se ishit quiyim chicqaugui ná'maq 'xoic lesallaxa hueeto'ot.

Ma' cá'maq hueeta'gue ca resallaxahi, ca' chaqaica hueeta'ñi añi re'taxanatahi.

¿Ca negue' ca caqamiri quiyim ỹapaguec ca lachitachic, ca' ishit quiyim noquiicshiguim ca ladogaxa?

Co'na' ime, ca' so Jesús 'naapegalo saua lapaxaguinatqa, 'naaco': —Nagui shinapegalo qamiri: Se ishit quiyim chigohita 'yiiñitaque ca qanoxohi chaqai ca qatooỹaguii quiyim ñiiñi.

Ma' vire'ta na laue quena rqahiguii ná'ogue qanaloqochinta 'onatac nqohin. Totaxan ro'chii, ma' qamiri paguec lecaic aca rashivichii cacajo 'xoic qo'oole.

Totaxan ro'chii, ma' qamiri 'ñiita acá'maq ỹalamqate iloxoiqatecse qagreta. Qamiri sqo vite', qam ñi qata'ahi ỹaatqajam ỹa'maxarente' qamiri quiyim nouañiỹau'a da lo'ueenataxanaxac ma' ỹoiquentac ná'ogue najo.

'Ajñii na ratecsan, ma' ná sqai danaxan, chaqai se raqataxan, chaqai sqaica ca lapoonaxanaxaqui, chaqai qaica ca lo'xac. Qam ñi qota'olec qui'ỹaxantac na'maxare. ¡Qam qamiri ỹapacauec ca rashivichaxaguii, sqai 'ñiita ana qo'oollipi!

Ca' vichiguiño' mesqai 'xoic ca rachitachiguii, quiyim daañitaque ca qanoxohi chaqai queca ni'chiigui.

Ma' no'm ñi qota'olec ỹa'ue na no'ueetaxat ana peue quiyim nagui hueetalec na no'ueenaxa, ca nete'e, ca qaỹavigaxat qainaxaugui ca nqatelaxanaxaqui, ¡huose'quet se ỹa'ue ca no'ueetaxachii, qamiri cocho'qui' ca rpi'ỹaxaguii!

Ma' sqaica ca se re'xogui quiyim se qaỹa'den, chaqai qaica ca qoỹoqtetegueñi quiyim se re'oq nqohin.