Lucas 6မှ လူကြိုက်နှစ်သက်သော ကျမ်းပိုဒ်များ။

မျှဝေရန်

'Viichii ca 'ỹaañim ca riỹahi, qaiyi ñi qota'olec 'ue ca ỹaanema qamiri. Ca ỹaanema qamiri aca qachoxoguii ỹaatqajam no'qaata nqai'en, qaỹochicqochi'ñigui, chaqai qaipataqachigui, no'qajlec nqohin. Ma' ñi qota'olec ipacqajanchigui ca lecaata cá'maq 'ỹaañim ca riỹahi, ca' chaqaiyi yí'maq lecaata ca ỹaanema qamiri.

Ca' da 'neeta ca no'uen ỹale quiyim retaqa, ca' no'uen cá'maq la'qaatec, ma' dá'maq ỹa'maqachiguiñi hueetagui añi le'taxanata. Chaqai 'nejem ca se no'uen qom quiyim retaqa, chaqa'ma' se no'uen ca la'qaatec, ma' dá'maq se no'uen hueetagui añi le'taxanata. Ma' ná'maq qodap ishit ỹa'xat cá'maq hueetagui añi qare'taxanata.

Qalaxam qamiri 'xoriñii cá'maq pa'guenta'pe qamiri, chaqai 'maxachi'tegue na qom, 'ỹaañiuec ca na'ualec. Qam se ỹa'maxañi quiyim 'ue ca naquichita'a, qaiyi ỹaatqajam lodegaxat ca nishiuetenaxaguii, chaqai ỹaatqajam qamiri llaalqa ñi qota'olec ñí'maq paguec lecaic. Ma' ñi'maxare ỹaatqajam 'xorenataxanaxaic, i'xoren ná'maq se ỹa'deena'a da na'agaxa chaqai ná'maq nocqaiquipi.

Chaqai ỹaatqajam qamiri qouagaxanqachaqaiquipi ma'le, qaiyi 'ñiitam ñi qota'olec caqamiri ỹaatqajam qouagaxanqachaqaic.

Sqai michiỹaque ca lasauaxaset ca riỹahi, qaiyi ñi qota'olec se imite' qamiri. Chaqai sqo 'viichii ca nouaxanaxaset ca riỹahi, qaiyi ñi'maxare se ỹa'ue ca nouaxanaxashichii. Qam 'xorenataxaño', qaiyi ñi qota'olec i'xorene' qamiri.

Ca' qamiri mashic na'xaỹaxañitapiguiỹa', ca shiñiỹapegaxaua' quiyim 'xoriñii cá'maq rpa'guiñitac, chaqai ỹaatqajam 'maxachi'tegue cá'maq noquiaitapegaxaua', chaqai shiilaxañilec queca no'uen quecá'maq rashiilaxantalec qamiri queca se no'uen, chaqai nqouagaxaiñitalec ná'maq rishiviñitac.

Cá'maq no'uen viitaque quiyim qaỹo'uet caqamiri, ca' chaqaica ca 'viichii quena qomyipi ma'le.

Chaqai no'm 'ue ca ỹouaxañigui na lahi na qashiiqui', ca' 'ỹaañitem na liỹa lahi na qashiiqui', chaqai no'm 'ue ca ỹacona ca nesaaco'e', 'ỹaañitem quiyim i'xat ca nelamaxaqui'i'. Chaqai no'm 'ue ca rashiila'e', ca' 'ỹaañitem ca ỹahotaque, chaqai no'm 'ue ca rouootaxana'gue ca qatooỹaqui', sqai paquira'pegue'.

Qaca qo'paq quiyim no'uen 'ue aca la se no'uen, chaqaca qo'paq se no'uen quiyim 'ue aca la lo'yaxana.

Qam caca 'óna qo'paq chaqa'ma' qaỹa'den aca la. Ma' se ishit qanaqat ana la aca higo, qaỹachigoxotaugui aca qo'paq 'ue ana le. Chaqai ana 'úva quiyim qanaqat ana la, qam se qaishit qaỹachigoxotaugui aca legaxa.