Luke 7မှ လူကြိုက်နှစ်သက်သော ကျမ်းပိုဒ်များ။

မျှဝေရန်

Laelave ara aro maeaive — Areve mai hahaeae, ere va iele oaria, le hapururuka, ehovea are ikiheroe eapapo laleila, aka haeae perehekai hapururukape la haela, are kara ikiheroe perehekai leivila. Are la uamari maeape, Ave haeae le hapururukai.

Are kai uamari maeape, Ave ikikekela aro ovokake laleila; havila i aula.

Are areve airekai hi avila epavi areve loa o ma ila huhelape: Are kai areve haro kolo areve loa haroavape, kai areve loa hauko ape popoa la‐apu hariripe.

Laelave, arave ikikekela ara kara ave leia ve aukive hovea ka: A oharo hiki maeaki, arave horova haela lei makurikilai. Ehovea ara kara oharo iapaivila haela — ara ma haela maeakilai, Aula, are aukilai, aeva ma haela, Ekela, are ekekilai: Ara kai arave horova haela — Maia leila, are leikilai. Iesu ma oharo iapai ikihorahora lei helari are i hareho auvahaeape la haela oaria mari maeaeape, Ara ero maeaive — Ara va maria ikikekela Israel ita oaria au koaraila.

La hoa are maea heahaha oaria lei makukuripe, kai ovehahu oaria haruapape: Are ovohae kariri haela oaria ovohae kohehelaukape. Are kai erero kavale mari maeaeape, Eali la aukilava ealila laeavila kai le iapaila ma eharu oaria John la kileaki: Ovohae kariri haela ovohae le kohehelauka — loa hahaeae haela loa ehohoe laleivahaeaila, leper haela maea mekaka laleivahaeaila, avako ipi hahuru haela oharo le iapaila, au apihaearoape haela le urahukai, merava haela oharo veveke ve iroro le iapaila.