Lk 6မှ လူကြိုက်နှစ်သက်သော ကျမ်းပိုဒ်များ။

မျှဝေရန်

Done, zot pou resevwar dan pos zot tabliye enn mezir bien ranpli, bien dame e ki pe deborde; mezir ki to servi pou lezot, samem mezir ki pou servi pou twa.”

Enn bon dimoun prodwir dibien depi bon trezor ki dan so leker, e move dimoun prodwir lemal depi so move trezor; parski labous exprim seki debord dan leker.

Me zot, kontan zot lennmi, fer dibien, e prete san atann nanye anretour. Zot rekonpans pou gran, e zot pou zanfan Bondie Treo parski li bon ar bann ingra ek bann move.

Montre enn leker ranpli ar mizerikord parey kouma Bondie zot Papa.”

“Pa port zizman e personn pa pou ziz zot; pa kondane e personn pa pou kondann zot. Pardone, zot pou gagn pardon.

“Me mwa mo pe dir ar zot ki pe ekout mwa, kontan zot lennmi, fer dibien dimoun ki air zot, beni dimoun ki modi zot, priye pou seki maltret zot.

Seki to ti a kontan lezot fer pou twa, fer samem pou zot.

Si kikenn tap twa enn kalot lor to lazou, donn li lot kote lazou; si kikenn pran to palto, pa anpes li pran to simiz osi. Donn tou dimoun ki dimann twa sarite; e si kikenn pran to dibien, pa dir li rann twa.

“Okenn bon zarb fritie kapav donn fri gate, ek enn move zarb pa kapav donn bon fri

nou rekonet sak pie par so fri. Pa kapav ramas fig dan pikan, ni rezin lor raket.